អន្តរជាតិ
គ្រាប់បែកអត្តឃាត៖ ប្រធានាធិបតីឥណ្ឌូនេស៊ី លុបចោលទស្សនកិច្ចកោះ Java បើកកិច្ចប្រជុំបន្ទាន់
× ប្រធានាធិបតីឥណ្ឌូនេស៊ី លោក ចូកូ វីដូដូ (Joko Widodo) លុបចោលទស្សនកិច្ចរយៈពេលខ្លីទៅកាន់ កោះ Java និងត្រលប់មកកាន់ទីក្រុងហ្សាការតាវិញដើម្បីបើកកិច្ចប្រជុំបន្ទាន់លើការវាយប្រហារគ្រាប់ បែកអត្តឃាតពីក្រុមសកម្មប្រយុទ្ធនៅកណ្តាលក្រុងហ្សាការតា។ នេះបើយោងតាមការអះអាងរបស់អ្នក នាំពាក្យប្រធានាធិបតីទៅកាន់ភ្នាក់ងារសារព័ត៌មាន Reuters។
សូមបញ្ជាក់ផងដែរថាកាលពីម៉ោង១០ និង៥០នាទី ថ្ងៃព្រហស្បតិ៍ ទី១៤ មករានេះ មានហេតុការណ៍ បំផ្ទុះគ្រាប់បែកអត្តឃាត និងការបាញ់ប្រហារពីក្រុមសកម្មប្រយុទ្ធមួយក្រុមប្រមាណ ១០ទៅ១៤នាក់ នៅក្បែរផ្សារទំនើប Sarinah ដែលស្ថិតនៅក្នុងកណ្តាលក្រុងហ្សាការតាប្រទេសឥណ្ឌូនេស៊ី។ បើតាមការអះអាងរបស់ប៉ូលិសហ្សាការតាចុងក្រោយ យ៉ាងហោចណាស់ មានមនុស្សស្លាប់៦នាក់ ដែលក្នុងនោះមានប៉ូលិសបីនាក់ និងប្រជាជនស៊ីវិលបីនាក់។ មកទល់ពេលនេះ ប៉ូលិស មិនទាន់អាចសន្និដ្ឋានបានថាតើ ក្រុមណាមួយដែលនៅពីក្រោយខ្នងនៃ ការវាយប្រហារនោះនោះឡើយនោះទេ។ ក៏ប៉ុន្តែប៉ូលិស ក៏ទទួលបានការព្រមានពីក្រុមជ្រុលនិយម មុនការវាយប្រហារកាលពីខែធ្នូឆ្នាំ២០១៥ផងដែរ៕
Tag:
គ្រាប់បែកអត្តឃាតឥណ្ឌូនេស៊ី
© រក្សាសិទ្ធិដោយ thmeythmey.com