គ្រាប់បែកអត្តឃាត៖ រថពាសដែកជាច្រើនគ្រឿងត្រូវបានដាក់ពង្រាយនៅកណ្តាលក្រុងហ្សាការតា

អន្តរជាតិ

គ្រាប់បែកអត្តឃាត៖ រថពាសដែកជាច្រើនគ្រឿងត្រូវបានដាក់ពង្រាយនៅកណ្តាលក្រុងហ្សាការតា

14, Jan 2016 , 1:51 pm

រូបភាព

រូបភាពពី Strait Times

ដោយ: ថ្មីៗ

មកទល់ពេលនេះ មានរថក្រោះរថពាសដែកជាច្រើនគ្រឿង បានទៅដល់ និងដាក់ពង្រាយនៅកណ្តាល ក្រុងហ្សាការតាដើម្បីពង្រឹង និងធានាសន្តិសុខក្រោយពីការវាយប្រហារដោយការបំផ្ទុះគ្រាប់បែកដោយ ក្រុមសកម្មប្រយុទ្ធកាលពីព្រឹកថ្ងៃព្រហស្បតិ៍នេះ។ នេះបើយោងតាមគណនីTwitterនៃសារព័ត៌មានសិង្ហបុរី The Strait Times។

សូមបញ្ជាក់ផងដែរថាកាលពីម៉ោង១០ និង៥០នាទី ថ្ងៃព្រហស្បតិ៍ ទី១៤ មករានេះ មានហេតុការណ៍ បំផ្ទុះគ្រាប់បែកអត្តឃាត និងការបាញ់ប្រហារពីក្រុមសកម្មប្រយុទ្ធមួយក្រុមប្រមាណ ១០ទៅ១៤នាក់ នៅក្បែរផ្សារទំនើប Sarinah ដែលស្ថិតនៅក្នុងកណ្តាលក្រុងហ្សាការតាប្រទេសឥណ្ឌូនេស៊ី។

បើតាមការអះអាងរបស់ប៉ូលិសហ្សាការតាចុងក្រោយ យ៉ាងហោចណាស់ មានមនុស្សស្លាប់៦នាក់ ដែលក្នុងនោះមានប៉ូលិសបីនាក់ និងប្រជាជនស៊ីវិលបីនាក់។

ប៉ូលិស មិនទាន់អាចសន្និដ្ឋានបានថាតើ ក្រុមណាមួយដែលនៅពីក្រោយខ្នងនៃ ការវាយប្រហារនោះនោះឡើយនោះទេ។ ក៏ប៉ុន្តែប៉ូលិស ក៏ទទួលបានការព្រមានពីក្រុមជ្រុលនិយម មុនការវាយប្រហារកាលពីខែធ្នូឆ្នាំ២០១៥ផងដែរ៕