ជាតិ
ក្រសួងការងារ និង អង្គការ ILO សហការគ្នាបង្កើតគម្រោងជួយដល់ពលករចំណាកស្រុក
×![]()
ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈសហការជាមួយអង្គការ ILO ប្រកាសដាក់ឲ្យអនុវត្តគម្រោងផ្តល់ជំនួយដល់ពលករសំណាកស្រុក ដែលហៅថា ILO Triangle ជំហានទី២ ដើម្បីពង្រឹងយន្តការលើកិច្ចការពារសិទ្ធ និងផលប្រយោជន៍របស់ពលករ។ លោកស្រី Ann Olsen មន្ត្រីបច្ចេកទេសនៃអង្គការ ILO បញ្ជាក់ថា គម្រោងនេះនឹងត្រូវអនុវត្តចាប់ពីឆ្នាំ២០១៥ ដល់ឆ្នាំ២០២៥ ។ ហើយមកដល់ពេលនេះ កម្ពុជាមានមជ្ឈមណ្ឌលធនធានទេសន្តរប្រវេសន៍ចំនួន៤ចាំផ្តល់សេវាប្រឹក្សាការងារ និងផ្នែកច្បាប់ដល់ពលករចំណាកស្រុក។
តាមការថ្លែងរបស់លោកស្រី Ann Olsen នៅក្នុងកិច្ចប្រជុំគណៈកម្មការប្រឹក្សាគម្រោង ILO Triangleជំហានទី២ស្តីពីដំណើរការចាប់ផ្តើមអនុវត្តគម្រោងកិច្ចការពារពលករទេសន្តរប្រវេសន៍ នៅថ្ងៃទី១៨ខែមករានៅសណ្ឋាគារភ្នំពេញ គម្រោង ILO Triangle ជំហានទី២ ផ្តោតសំខាន់លើកិច្ចការពារពលករចំណាកស្រុកស្របតាមច្បាប់ជាតិនិងអន្តរជាតិ និងការផ្តល់សេវាការងារផ្សេងៗ ។ តាមរយៈការជួយបង្កើតច្បាប់ និងបទបញ្ញត្តិពាក់ព័ន្ធនានា និងការរៀបចំការបណ្តុះបណ្តាលស្ថាប័នរដ្ឋ អង្គការក្រៅរដ្ឋាភិបាល និងសហជីពដែលធ្វើការទាក់ទងនឹងជនចំណាកស្រុក។
លោកស្រី បន្តថា បច្ចុប្បន្នកម្ពុជាមានមជ្ឈមណ្ឌលធនធានទេសន្តរប្រវេសន៍ចំនួន៤ គឺនៅខេត្តកំពង់ចាម បាត់ដំបង ព្រៃវែង និងរាជធានីភ្នំពេញ។ មជ្ឈមណ្ឌលនេះ បម្រើសេវាផ្តល់ព័ត៌មានទីផ្សារការងារនៅក្រៅប្រទេស និងប្រាក់ឈ្នួលដែលលទទួលបាន ព្រមទាំងមានផ្តល់សេវាសុខភាព និងសេវាប្រឹក្សាផ្នែកច្បាប់ក្នុងការជួយដល់ពលករចំណាកស្រុកដែលកំពុងធ្វើការងារនៅក្រៅប្រទេសទៀតផង។
គម្រោង ILO Triangle ជំហានទី២នេះ នឹងត្រូវអនុវត្តចាប់ពីឆ្នាំ២០១៥ ដល់២០២៥ ក្រោមកិច្ចសហការរវាងក្រសួងការងារនិងបណ្តុះបណ្តាលវិជ្ជាជីវៈជាមួយនឹងអង្គការ ILO ។ ហើយមុននេះគម្រោង ILO Triangle ជំហានទី១ ត្រូវបានដាក់ឲដំណើរការម្តងរួចហើយ គឺចាប់ពីឆ្នាំ២០១០ ដល់២០១៥៕
ប្រភពពី AKP
តាមការថ្លែងរបស់លោកស្រី Ann Olsen នៅក្នុងកិច្ចប្រជុំគណៈកម្មការប្រឹក្សាគម្រោង ILO Triangleជំហានទី២ស្តីពីដំណើរការចាប់ផ្តើមអនុវត្តគម្រោងកិច្ចការពារពលករទេសន្តរប្រវេសន៍ នៅថ្ងៃទី១៨ខែមករានៅសណ្ឋាគារភ្នំពេញ គម្រោង ILO Triangle ជំហានទី២ ផ្តោតសំខាន់លើកិច្ចការពារពលករចំណាកស្រុកស្របតាមច្បាប់ជាតិនិងអន្តរជាតិ និងការផ្តល់សេវាការងារផ្សេងៗ ។ តាមរយៈការជួយបង្កើតច្បាប់ និងបទបញ្ញត្តិពាក់ព័ន្ធនានា និងការរៀបចំការបណ្តុះបណ្តាលស្ថាប័នរដ្ឋ អង្គការក្រៅរដ្ឋាភិបាល និងសហជីពដែលធ្វើការទាក់ទងនឹងជនចំណាកស្រុក។
លោកស្រី បន្តថា បច្ចុប្បន្នកម្ពុជាមានមជ្ឈមណ្ឌលធនធានទេសន្តរប្រវេសន៍ចំនួន៤ គឺនៅខេត្តកំពង់ចាម បាត់ដំបង ព្រៃវែង និងរាជធានីភ្នំពេញ។ មជ្ឈមណ្ឌលនេះ បម្រើសេវាផ្តល់ព័ត៌មានទីផ្សារការងារនៅក្រៅប្រទេស និងប្រាក់ឈ្នួលដែលលទទួលបាន ព្រមទាំងមានផ្តល់សេវាសុខភាព និងសេវាប្រឹក្សាផ្នែកច្បាប់ក្នុងការជួយដល់ពលករចំណាកស្រុកដែលកំពុងធ្វើការងារនៅក្រៅប្រទេសទៀតផង។
គម្រោង ILO Triangle ជំហានទី២នេះ នឹងត្រូវអនុវត្តចាប់ពីឆ្នាំ២០១៥ ដល់២០២៥ ក្រោមកិច្ចសហការរវាងក្រសួងការងារនិងបណ្តុះបណ្តាលវិជ្ជាជីវៈជាមួយនឹងអង្គការ ILO ។ ហើយមុននេះគម្រោង ILO Triangle ជំហានទី១ ត្រូវបានដាក់ឲដំណើរការម្តងរួចហើយ គឺចាប់ពីឆ្នាំ២០១០ ដល់២០១៥៕
ប្រភពពី AKP
Tag:
សង្គម
© រក្សាសិទ្ធិដោយ thmeythmey.com
