ជាតិ
ព្រឹទ្ធសភាប្រជុំពិនិត្យកិច្ចព្រមព្រៀងស្តីពី ធនាគារចិន AIIB និងការទូទាត់ថវិកាជាតិ
× ភ្នំពេញ៖ ព្រឹទ្ធសភាកម្ពុជាសម្រេចបន្តបើកកិច្ចប្រជុំពិនិត្យ និងសម្រេចលើសំណើររបស់គណៈកម្មការទី២ ព្រឹទ្ធសភា សុំដាក់សេចក្តីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀងស្តីពី ការបង្កើតធនាគារវិនិយោគ ហេដ្ឋារចនាសម្ព័ន្ធអាស៊ី (AIIB) និងសេចក្តីព្រាងច្បាប់ ស្តីពី ការទូទាត់ថវិកាទូទៅរបស់រដ្ឋ សម្រាប់ការគ្រប់គ្រងឆ្នាំ២០១៤ ទៅក្នុងរបៀបវារៈ ក្នុងសម័យប្រជុំលើកទី៨ នីតីកាលទី៣ នៃព្រឹទ្ធសភា នៅថ្ងៃទី២២ ខែមករា ឆ្នាំ២០១៦ នេះ។ នេះបើតាមសេចក្តីជូនដំណឹងរបស់អគ្គលេខាធិការដ្ឋាននៃព្រឹទ្ធសភា។
គួររម្លឹកថា រដ្ឋសភាបានអនុម័តលើកិច្ចព្រមព្រៀងច្បា់ស្តីពី ការបង្កើតធនាគារអភិវឌ្ឍន៍ហេដ្ឋារចនាសម្ព័ន្ធអាស៊ី (AIIB) ជាផ្លូវការកាលពីព្រឹកថ្ងៃពុធ ទី ១៣ ខែមករានេះ ដោយសំឡេង៩៣លើសមាជិកចំនួន ៩៨ដែលមានវត្តមាន។ ក្នុងកិច្ចប្រជុំគេឃើញមានវត្តមានប្រមុខរដ្ឋាភិបាលកម្ពុជាសម្តេច ហ៊ុន សែន និងអនុប្រធានបក្សសង្គ្រោះជាតិឯកឧត្តម កឹមសុខាផងដែរ។ច្បាប់នេះអនុញ្ញាតឲ្យកម្ពុជាក្លាយជាសមាជិកស្ថាបនិកជាផ្លូវការនៃស្ថាប័នហិរញ្ញវត្ថុនេះហើយកម្ពុជាក៏រំពឹងទទួលប្រយោជន៍ច្រើនពីធនាគារដែលផ្តួចផ្តើមដោយរដ្ឋាភិបាលទីក្រុងប៉េកាំង ហើយ AIIB ត្រូវបានបង្កើតឡើងជាផ្លូវការកាលពីថ្ងៃ ២៥ខែធ្នូឆ្នាំ ២០១៥។
ពាក់ព័ន្ធនឹងការចូលរួមជាសមាជិកធនាគារ AIIBនេះ ប្រធានគណកម្មការសេដ្ឋកិច្ច ធនាគារហិរញ្ញវត្ថុ និង សវនកម្មសភា លោក ជៀម យាប បានថ្លែងក្នុងកិច្ចប្រជុំសភាថាកម្ពុជានឹងវិនិយោគលុយ ៦៣ លានដុល្លារអាមេរិក និងទិញភាគហ៊ុនចំនួន ៦២៣ដែលសើ្មនឹង ០.០៦៣៥នៃទុនធនាគារសរុប។ហើយកម្ពុជានឹងត្រូវដាក់វិភាគទានចំនួន២០ភាគរយនៃចំនួនទុនដែលកម្ពុជាវិនិយោគ នៅជំហានដំបូងហើយប្រទេសនេះត្រូវបង់ថវិកានៅសេសសល់ក្នុងរយៈពេល១០ឆ្នាំទៅមុខទៀត៕
© រក្សាសិទ្ធិដោយ thmeythmey.com