ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
កង្វះថវិកាគឺជាបញ្ហាប្រឈមដ៏ធំសម្រាប់ស្ត្រីដឹកនាំថ្នាក់ក្រោមជាតិ
29, Jan 2016 ,
7:39 pm
រូបភាព
×
ដោយ:
ភ្នំពេញ៖ ក្នុងចំណោម ១៦២៣ឃុំ នៅទូទៅប្រទេសកម្ពុជា រដ្ឋបានចំណាយថវិការតែ ៣% ប៉ុណ្ណោះនៃថវិកាជាតិសរុបផ្ដល់ឲ្យឃុំទាំងនោះដើម្បីប្រើប្រាស់។ ប៉ុន្តែក្នុងចំណោម៣%នៃថវិកាដែលបានផ្ដល់ទៅឲ្យឃុំទាំងនេះ ស្ត្រីទទួលបានតែ១ទៅ៥%ប៉ុណ្ណោះសម្រាប់ប្រើប្រាស់ ដែលតិចតួចបំផុតសម្រាប់ស្ត្រីដឹកនាំថ្នាក់ក្រោមជាតិក្នុងការអនុវត្តការងាររបស់ខ្លួន។ នេះជាការលើឡើងរបស់លោកស្រី ធីតា ឃិះ នាយិកាប្រតិបត្តិអង្គការសីលការ។
លទ្ធផលស្រាវជ្រាវមួយត្រូវបានបង្ហាញដោយលោកស្រី កាស៊ូមិ ណាហ្គាកាវ៉ា បានរកឃើញថាឧបសគ្គដែលស្ត្រីដឹកនាំថ្នាក់ក្រោមជាតិកំពុងជួបប្រទះដូចជា ចំនួនសមាជិកក្រុមប្រឹក្សាស្ត្រីនៅមានកម្រិត, ការគាំទ្រពីក្រុមប្រឹក្សាជាបុរសនៅមានកម្រិត, សមត្ថភាពដឹកនាំរបស់ស្ត្រីដឹកនាំនៅមានកម្រិត, កង្វះការទទួលបានព័ត៌មាន, ថវិកាសម្រាប់ការងាររបស់ក្រុមប្រឹក្សាជាស្ត្រីនៅមានកម្រិតដើម្បីយកទៅដោះស្រាយបញ្ហាស្ត្រីនិងកុមានៅថ្នាក់ក្រោមជាតិ។ លទ្ធផលនេះត្រូវបានបង្ហាញនៅក្នុងសិក្ខាសាលា បង្ហាញលទ្ធផលនេះបានបង្ហាញនៅអ៊ឹមភឺរៀល ហ្គាដិន វីឡា និងសណ្ឋាគារ ដែលរៀបចំឡើងដោយគណៈកម្មាធិការ លើកស្ទួយស្ត្រីក្នុងវិស័យនយោបាយ (គ.ស.ន)ព្រឹកថ្ងៃទី១៩ខែមករានេះ លើប្រធាបទ «បញ្ហាប្រឈមរបស់ស្ត្រីដឹកនាំថ្នាក់ក្រោមជាតិ ក្នុងការទាញយកថវិការមកប្រើប្រាស់សម្រាប់ស្ត្រី និងកុមារ»។
នៅក្នុងកិច្ចការស្រាវជ្រាវនេះ ត្រូវបានកំណត់យកខេត្តចំនួនបួន ដូចជាខេត្តកំពង់ធំ កណ្ដាល បាត់តំបង និងខេត្តរតនៈគិរី ដើម្បីធ្វើការសម្ភាសន៍ជាមួយស្ដ្រីដឹកនាំថ្នាក់ក្រោមជាតិ២៤រូប។ ជាផលទ្ធផល បង្ហាញថា គម្រោងស្នើសុំថវិការគឺជាភាពលំបាក់ដ៏ខ្លាំងមួយរបស់ស្ត្រីដឹកនាំថ្នាក់ក្រោមជាតិ។ ចំណែកជំនាញក្នុងការតស៊ូមតិ ជំនាញប្រើប្រាស់កំព្យូទ័រ និងការកង្វះការគាំទ្រ ពីថ្នាក់ដឹកនាំធំៗ ធ្វើឲ្យក្រុមស្ត្រីដឹកនាំថ្នាក់ក្រោមជាតិមិនអាចធ្វើការបានល្អ និងមានទឹកចិត្តគ្រប់គ្រាន់ដើម្បីបំពេញកិច្ចការរបស់ខ្លួន។
លោកស្រី ធីតា ឃិះ នាយិកាប្រតិបត្តិអង្គការសីលការ បានលើឡើងថា បញ្ហាថវិការគឺជាបញ្ហាចម្បងសម្រាប់ស្ត្រីដឹកនាំថ្នាក់ក្រោមជាតិក្នុងការប្រើប្រាស់សម្រាប់អនុវត្តន៍ការងារ។ លោកស្រីបានមានប្រសាសន៍ថា៖ «បញ្ហាមិនមែននិយាយតែនៅលើកបបូរមាត់នោះទេ តែសូមឲ្យមានថវិការទៅជាមួយផង។ ព្រោះថាបើគ្មានថវិការ គ្មានធនធានទេ ផែនការអភិវឌ្ឍន៍ ផែនការយេនឌ័រមិនអាចដំណើរការបាននោះទេ»។ កន្លងទៅថវិការដែលស្ត្រីទទួលបានគឺត្រូវប្រើនៅលើសេវាអប់រំស្ត្រី សេវាសុខភាពបន្តរពូជ ស្ត្រីរងគ្រោះដោយការរើសសអើងភេទ ហិង្សាក្នុងគ្រួសារ ហិង្សានៅក្នុងសង្គម អំពើរំលោភបំពានជាដើម។ល។
លោកស្រីក៏បានបន្តរដែរថា កន្លងទៅថវិការជាតិច្រើនទេចំណាយទៅលើការសាងសងហេដ្ឋារចនាសម្ព័ន្ធ អគារផ្សេងៗ ប៉ុន្តែរដ្ឋភ្លេចគិតទៅលើតម្រូវការរបស់មនុស្សដែលកំពុងត្រូវការថវិការ។ មួយវិញទៀតកិច្ចសហរប្រតិបត្តិការរវាងមន្ទីជំនាញផ្សេងៗក្នុងការផ្ដល់សេវាទៅឲ្យស្ត្រីគឺនៅមានបញ្ហា។ បញ្ហាថវិការនេះ លោកស្រី ធីតា ឃិះ មានប្រសាសន៍ថា៖
«ថវិការជាតិសម្រាប់ផ្ដល់ឲ្យឃុំទាំង ១៦២៣ឃុំទូទៅប្រទេសកម្ពុជា បានតែចំនួន៣%ប៉ុណ្ណោះនៃថវិការជាតិសរុប។ ចំណែកក្នុងចំណោម៣%នៃថវិការដែលបានផ្ដល់ទៅឲ្យឃុំទាំង១៦២៣ឃុំទូទាំងប្រទេស ស្ត្រីទទួលបានតែ១ទៅ៥%ប៉ុណ្ណោះសម្រាប់ប្រើប្រាស់។ ហេតុនេះថវិការនេះពិតជាតិចបំផុតសម្រាប់ស្ត្រីដឹកនាំថ្នាក់ក្រោមជាតិក្នុងការអនុវត្តការងាររបស់ខ្លួន»។
លោកស្រី ហូ ណូន តំណាងរាស្ត្រនិងជាសមាជិករដ្ឋសភាមកពីគណបក្សប្រជាជនកម្ពុជាបានមានប្រសាសន៍ថា បច្ចុប្បន្នរដ្ឋាភិបាលបានគិតគូរយ៉ាងខ្លាំងទៅលើបញ្ហាស្ត្រី។ តែដោយសារចំនួនស្ត្រីមានការកើនឡើងខ្ពស់ទាំងនៅក្នុងការងារសង្គម និងការងារនយោបាយ ចំណែកថវិការសម្រាប់រដ្ឋាភិបាលប្រើប្រាស់គឺមានកម្រិតនិងមានកំណត់ ដែលអនុម័តដោយស្ថាប័ននីតិបញ្ញត្តិ។ លោកស្រី ហូ ណូន ក៏បានលើកឡើងថា ពីមុនថវិការដែលរដ្ឋាបាលប្រើប្រាស់គឺ គ្រប់គ្រាន់។ តែដោយសារតែចំនួនស្ត្រីមានការកើនឡើងទើបមានការខ្វះខាត។ លោកស្រី ហូ ណូន ក៏មានប្រសាសន៍ផងដែរថា បច្ចុប្បន្ននេះ រដ្ឋសភាកំពុងជម្រុញឲ្យមានបង្កើនថវិការសម្រាប់ចំណាយទៅស្ត្រីនេះផងដែរ។
នៅក្នុងសិក្ខាសាលា ដែលមានអ្នកចូលរួមប្រមាណ៨០រូប មកពីសមាជិករដ្ឋសភា ស្រដីដឹកនាំថ្នាក់ក្រោមជាតិ ទាំង២៥ខេត្តក្រុង(អភិបាលរងខេត្ត និងសមាជិកក្រុមប្រឹក្សាខេត្ត) ម្ម្ចាស់ជំនួយ សង្គមស៊ីវិល គ.ជ.អ.ប ក្រសួងកិច្ចការនារី និងក្រសួងពាក់ព័ន្ធមួយចំនួនផងដែរនោះ បានកំណត់យកថវិការចំនួន២០% ក្នុងចំណោមថវិការជាតិ៣%ដែលបានផ្ដល់ឲ្យឃុំទាំង១៦២៣ទៅឲ្យស្ដ្រីដឹកនាំថ្នាក់ដឹកនាំថ្នាក់ក្រោមជាតិសម្រាប់ប្រើប្រាស់។ ហើយនេះក៏ជាសំណើរដំបូងដែរត្រូវស្នើរសុំឲ្យមានគិតពិចារណា។
គួរបញ្ជាក់ថា សម្ដេច ហ៊ុន សែន ក៏ធ្លាប់បានបង្ហាញជំហរក្នុងនាមជារាជរដ្ឋាភិបាលកម្ពុជា ក្នុងការលើកកម្ពស់ការយល់ដឹងដល់ស្ត្រី និងការចូលរួមរបស់ស្ត្រីគ្រប់វិស័យ ជាពិសេសការជម្រុញលើកទឹកចិត្តស្ដ្រីជាថ្នាក់ដឹកនាំក្នុងវិស័យសាធារណៈ និងនយោបាយ ការលុបបំបាត់អំពើហិង្សា និងការទប់ស្កាត់ការរំលោភបំពានផ្លូវភេទលើស្ត្រី ព្រមទាំងបង្កើនកាលានុវត្តភាពនានា ដល់ស្ត្រីក្នុងគោលដៅអភិវឌ្ឍសង្គម សេដ្ឋកិច្ច ប្រកបដោយចីរភាព។ នេះបើយោងតាមសុន្ទរកថាបិទវេទិការជាតិស្ដីពីស្ត្រីជាថ្នាក់ដឹកនាំក្នុងវិស័យសាធារណៈ និងនយោបាយ កាលពីថ្ងៃ១៥ ខែធ្នូឆ្នាំ២០១៥។
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
កង្វះថវិកា
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
6 ថ្ងៃ
«ប្រទានកម្ម»មានន័យដូចម្តេច?
4 ម៉ោង
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
1 ថ្ងៃ
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
2 ថ្ងៃ
អត្ថបទពេញនិយមបន្ថែម