ជាតិ
សង្គមជាតិ
ជប៉ុននឹងផ្តល់រថយន្តក្រុងចំនួន ១៨០ដល់កម្ពុជា ដើម្បីពង្រឹងសេវាដឹកជញ្ជូនសាធារណៈក្នុងរាជធានី
រូបថតទំព័រហ្វេសប៊ុកសាលារាជធានីភ្នំពេញ
×![]()
ដោយ: ថ្មីៗ
ភ្នំពេញ៖ រដ្ឋាភិបាលជប៉ុន តាមរយៈទីភ្នាក់ងារសហប្រតិបត្តិអន្តរជាតិជប៉ុន (JICA) នឹងផ្តល់រថយន្តក្រុងចំនួន ១៨០គ្រឿង ដែលជំនួយឥតសំណងរបស់រដ្ឋាភិបាល និងប្រជាជនជប៉ុនដល់កម្ពុជា ដើម្បីពង្រឹងសមត្ថភាពសេវាដឹកជញ្ជូនសាធារណៈ និងដោះស្រាយបញ្ហាកកស្ទះចរាចរណ៍ក្នុងរាជធានីភ្នំពេញ។
JICA ប្រកាសបែបនេះ ក្នុងពិធីចុះហត្ថលេខាលើកំណត់ហេតុពិភាក្សាស្តីពី ការសិក្សាអង្កេតបឋមសម្រាប់គម្រោងពង្រឹងសមត្ថភាពសេវាដឹកជញ្ជូនសាធារណៈ តាមរយៈរថយន្តក្រុងជាមួយអាជ្ញាធរសាលារាជធានីភ្នំពេញ កាលពីថ្ងៃទី ២៨ ខែមករា ឆ្នាំ២០១៦។
សាលារាជធានីភ្នំពេញ និងទីភ្នាក់ងារ JICA បានផ្តោតការសិក្សាលើចំណុចសំខាន់ចំនួន ៤ តាមរយៈគម្រោងពង្រឹកសមត្ថភាព សេវាដឹកជញ្ជូនសាធារណៈ ក្នុងនោះ រួមមាន ទី១, ការសិក្សាតំបន់ខ្សែរត់រថយន្តក្រុងដែលមានកម្មករ សិស្ស និស្សិត អ្នកធ្វើការ និងអាជីវករ ទី២, ចំនួន និងប្រភេទរថយន្តដែលធានាបានឲ្យសមស្របទៅនឹងចំនួនមនុស្សទីកន្លែង និងផ្លូវដែលរថយន្តចល័តទៅមក ទី៣, ការសិក្សាពីចំណតរថយន្តក្នុងក្រុងហើយភ្ជាប់ទៅនឹងចំណតរថយន្តដែលមកពីតាមបណ្តាខេត្ត និងទី៤ ការងារគ្រប់គ្រងទាំងបុគ្គលិក និងរថយន្ត។
លោក គែនជី មុរ៉ាតា ប្រធានក្រុមសិក្សាគម្រោង JICA ជឿជាក់ថា មធ្យោបាយដឹកជញ្ជូនសាធារណៈដែលធ្វើដំណើររួមគ្នានេះ នឹងក្លាយជាយន្តការកាត់បន្ថយការធ្វើដំណើរតាមយានយន្តឯកជន ដែលនាំឱ្យមានការកកស្ទះចរាចរណ៍កើតឡើង។ លោកសន្យាថា JICA នឹងខិតខំពន្លឿនការសិក្សាឱ្យចប់រួចរាល់ នៅពេលឆាប់ខាងមុខ។
បើតាមផែនការឆ្នាំ២០១៦ របស់សាលារាជធានីភ្នំពេញ សាលារាជធានីនឹងដំណើរការប្រព័ន្ធឆូតកាតអេឡិចត្រូនិច នៅពេលឡើងជិះរថយន្តផងដែរ ដើម្បីកាត់បន្ថយចំនួនបុគ្គលិក និងទូទាត់ថ្លៃមិនយកសេវាធ្វើដំណើរពីសិស្ស ព្រះសង្ឃ ជនពិការ និងចាស់ជរា។ បើតាមការវាយតម្លៃពីប៉ះពាល់ជាបឋមរបស់អ្នកជំនាញ បញ្ហាកកស្ទះចរាចរណ៍នៅក្នុងរាជធានីភ្នំពេញបាននាំឱ្យខាតបង់ថវិកាជាង ៦លានដុល្លារក្នុងមួយខែៗ។
បច្ចុប្បន្ននេះ សេវារថយន្តក្រុងសាធារណៈនៅរាជធានីភ្នំពេញមានចំនួន ៣ខ្សែ ក្នុងនោះ ខ្សែរត់ទី១ ចេញពីម្តុំតំបន់ឬស្សីកែវ ត្រង់គីឡូម៉ែត្រលេខ៩ ឆ្ពោះទៅដល់ក្តីតាកុយ តាមផ្លូវជាតិលេខ១ ខ្សែទី២ ពីផ្សាររាត្រីទៅដល់ក្រុងតាខ្មៅ ខេត្តកណ្តាល និងខ្សែទី៣ ចេញពីផ្សារចាស់ឆ្ពោះទៅផ្លូវកម្ពុជា ដល់រង្វង់មូលចោមចៅ។ ខ្សែរថយន្តក្រុងទាំង ៣ មានចំណតសរុបចំនួន ១៨៦ ដោយឡែករថយន្តក្រុងមានចំនួន ៤៥គ្រឿង។
បើយោងតាមសិក្សារបស់អង្គការ JICA កន្លងមក សាលារាជធានីភ្នំពេញត្រូវពង្រីកសេវាដឹកជញ្ជូនសាធារណៈចំនួន ១០ខ្សែ រួមទាំង ផ្លូវអាកាសល្បឿនលឿន និងរថភ្លើងលើអាកាសធុនស្រាលផងដែរ ដើម្បីអាចដោះស្រាយបញ្ហាចរាចរណ៍ក្នុងរាជធានី៕
ប្រភព៖ ហ្វេសប៊ុកសាលារាជធានីភ្នំពេញ និងទីភ្នាក់ងារសារព័ត៌មានកម្ពុជា (AKP)
JICA ប្រកាសបែបនេះ ក្នុងពិធីចុះហត្ថលេខាលើកំណត់ហេតុពិភាក្សាស្តីពី ការសិក្សាអង្កេតបឋមសម្រាប់គម្រោងពង្រឹងសមត្ថភាពសេវាដឹកជញ្ជូនសាធារណៈ តាមរយៈរថយន្តក្រុងជាមួយអាជ្ញាធរសាលារាជធានីភ្នំពេញ កាលពីថ្ងៃទី ២៨ ខែមករា ឆ្នាំ២០១៦។
សាលារាជធានីភ្នំពេញ និងទីភ្នាក់ងារ JICA បានផ្តោតការសិក្សាលើចំណុចសំខាន់ចំនួន ៤ តាមរយៈគម្រោងពង្រឹកសមត្ថភាព សេវាដឹកជញ្ជូនសាធារណៈ ក្នុងនោះ រួមមាន ទី១, ការសិក្សាតំបន់ខ្សែរត់រថយន្តក្រុងដែលមានកម្មករ សិស្ស និស្សិត អ្នកធ្វើការ និងអាជីវករ ទី២, ចំនួន និងប្រភេទរថយន្តដែលធានាបានឲ្យសមស្របទៅនឹងចំនួនមនុស្សទីកន្លែង និងផ្លូវដែលរថយន្តចល័តទៅមក ទី៣, ការសិក្សាពីចំណតរថយន្តក្នុងក្រុងហើយភ្ជាប់ទៅនឹងចំណតរថយន្តដែលមកពីតាមបណ្តាខេត្ត និងទី៤ ការងារគ្រប់គ្រងទាំងបុគ្គលិក និងរថយន្ត។
លោក គែនជី មុរ៉ាតា ប្រធានក្រុមសិក្សាគម្រោង JICA ជឿជាក់ថា មធ្យោបាយដឹកជញ្ជូនសាធារណៈដែលធ្វើដំណើររួមគ្នានេះ នឹងក្លាយជាយន្តការកាត់បន្ថយការធ្វើដំណើរតាមយានយន្តឯកជន ដែលនាំឱ្យមានការកកស្ទះចរាចរណ៍កើតឡើង។ លោកសន្យាថា JICA នឹងខិតខំពន្លឿនការសិក្សាឱ្យចប់រួចរាល់ នៅពេលឆាប់ខាងមុខ។
បើតាមផែនការឆ្នាំ២០១៦ របស់សាលារាជធានីភ្នំពេញ សាលារាជធានីនឹងដំណើរការប្រព័ន្ធឆូតកាតអេឡិចត្រូនិច នៅពេលឡើងជិះរថយន្តផងដែរ ដើម្បីកាត់បន្ថយចំនួនបុគ្គលិក និងទូទាត់ថ្លៃមិនយកសេវាធ្វើដំណើរពីសិស្ស ព្រះសង្ឃ ជនពិការ និងចាស់ជរា។ បើតាមការវាយតម្លៃពីប៉ះពាល់ជាបឋមរបស់អ្នកជំនាញ បញ្ហាកកស្ទះចរាចរណ៍នៅក្នុងរាជធានីភ្នំពេញបាននាំឱ្យខាតបង់ថវិកាជាង ៦លានដុល្លារក្នុងមួយខែៗ។
បច្ចុប្បន្ននេះ សេវារថយន្តក្រុងសាធារណៈនៅរាជធានីភ្នំពេញមានចំនួន ៣ខ្សែ ក្នុងនោះ ខ្សែរត់ទី១ ចេញពីម្តុំតំបន់ឬស្សីកែវ ត្រង់គីឡូម៉ែត្រលេខ៩ ឆ្ពោះទៅដល់ក្តីតាកុយ តាមផ្លូវជាតិលេខ១ ខ្សែទី២ ពីផ្សាររាត្រីទៅដល់ក្រុងតាខ្មៅ ខេត្តកណ្តាល និងខ្សែទី៣ ចេញពីផ្សារចាស់ឆ្ពោះទៅផ្លូវកម្ពុជា ដល់រង្វង់មូលចោមចៅ។ ខ្សែរថយន្តក្រុងទាំង ៣ មានចំណតសរុបចំនួន ១៨៦ ដោយឡែករថយន្តក្រុងមានចំនួន ៤៥គ្រឿង។
បើយោងតាមសិក្សារបស់អង្គការ JICA កន្លងមក សាលារាជធានីភ្នំពេញត្រូវពង្រីកសេវាដឹកជញ្ជូនសាធារណៈចំនួន ១០ខ្សែ រួមទាំង ផ្លូវអាកាសល្បឿនលឿន និងរថភ្លើងលើអាកាសធុនស្រាលផងដែរ ដើម្បីអាចដោះស្រាយបញ្ហាចរាចរណ៍ក្នុងរាជធានី៕
ប្រភព៖ ហ្វេសប៊ុកសាលារាជធានីភ្នំពេញ និងទីភ្នាក់ងារសារព័ត៌មានកម្ពុជា (AKP)
Tag:
រថយន្តក្រុង
ភ្នំពេញ
© រក្សាសិទ្ធិដោយ thmeythmey.com
