ជាតិ
បទវិភាគ
×![]()
ភ្នំពេញ៖ យុវជនខ្មែរ និងមនុស្សវ័យចំណាស់ច្រើនម៉ឺនសែននាក់បាន និងកំពុងប្រើប្រាស់ហ្វេសប៊ុក។ ការប្រើប្រាស់បណ្តាញសង្គមមួយនេះ អាចផ្តល់ផលប្រយោជន៍ច្រើន។ ប៉ុន្តែវាក៏ផ្តល់គុណវិបត្តិច្រើនដែរ ប្រសិនបើអ្នកប្រើ ប្រើប្រាស់មិនចំទិសដៅ។ បុគ្គលិកក្រុមហ៊ុន អង្គការ និងរដ្ឋមួយចំនួនដែលគិតតែពីលេងហ្វេសប៊ុកក្នុងម៉ោងធ្វើការ ជំរុញឲ្យផលិតភាពការងារធ្លាក់ចុះ។ តើទង្វើនេះធ្វើឲ្យកម្ពុជាខាតបង់ផ្នែកសេដ្ឋកិច្ចមែនឬទេ?
បណ្តាញសង្គមហ្វេសប៊ុកត្រូវបានគេបង្កើតឡើងនៅឆ្នាំ២០០៤នៅសហរដ្ឋអាមេរិកដោយជនជាតិអាមេរិកកាំង។ បន្ទាប់មកបណ្តាញសង្គមមួយនេះចេះតែរីកសាយភាយនិងមានប្រជាប្រិយភាពបន្តិចម្តងៗនៅលើពិភពលោក ជាពិសេស នៅក្នុងប្រទេសជឿនលឿន។
ចំពោះប្រទេសកម្ពុជាវិញ ហ្វេសប៊ុកបានចូលមកប្រហែលក្នុងឆ្នាំ២០០៦។ ប៉ុន្តែវាមានភាពល្បីល្បាញនិងទាក់ទាញយុវជនខ្មែរខ្លាំងកាលពីឆ្នាំ២០១៣កន្លងមក និងបន្តមកទៀត មនុស្សវ័យចំណាស់ក៏ចាប់ផ្តើមប្រើប្រាស់វាដូចយុវវ័យដែរ។
រហូតមកដល់សព្វថ្ងៃនេះ គេមិនទាន់មានតួលេខបញ្ជាក់ច្បាស់លាស់ពីចំនួនប្រជាជនខ្មែរប្រើប្រាស់បណ្តាញសង្គមមួយនេះនៅឡើយទេ។ ប៉ុន្តែបើយោងតាមការប៉ាន់ស្មានមួយចំនួន ប្រជាជនខ្មែរនៅក្នុង និងក្រៅប្រទេស ជាពិសេស យុវជន-យុវនារី មិនតិចជាង១លាននាក់ទេដែលបាននិងកំពុងប្រើប្រាស់ហ្វេសប៊ុក។ តែបើគេគិតពីអ្នកប្រើប្រាស់ជាអចិន្ត្រៃយ៍វិញ ចំនួនអាចមានតិចជាងកន្លះលាននាក់។
តើការប្រើប្រាស់បណ្តាញហ្វេសប៊ុកផ្តល់គុណសម្បត្តិ និងគុណវិបត្តិយ៉ាងណាខ្លះដល់សង្គម?
ប្រសិនបើគេគិតពីគោលគំនិតដើមរបស់អ្នកបង្កើតហ្វេសប៊ុក, ហ្វេសប៊ុកមានប្រយោជន៍ច្រើនរាប់មិនអស់។ ហ្វេសប៊ុក គឺជាបណ្តាញសង្គមដ៏មានប្រសិទ្ធិភាពដែលអនុញ្ញាតអោយមនុស្សទាំងអស់នៅលើពិភពលោកអាចទំនាក់ទំនងគ្នាបាន។ អ្វីដែលហ្វេសប៊ុកមានលក្ខណៈពិសេសលើសពីអ៊ីមែលគឺនៅត្រង់ថា ហ្វេសប៊ុកអនុញ្ញាតអោយមនុស្សច្រើនពាន់ម៉ឺននាក់អាចចែករំលែកព័ត៌មានគ្នាបានក្នុងពេលដ៏ខ្លីបំផុត។ ម្យ៉ាងវិញទៀត អ្នកលេងហ្វេសប៊ុកអាចជជែកគ្នាបានភ្លាមៗជាមួយមនុស្សច្រើននាក់ផ្សេងទៀតក្នុងពេលតែមួយ។ អ្នកខ្លះ Chat ជាមួយមិត្តភក្តិបី បួន ប្រាំនាក់ព្រមពេលជាមួយគ្នា។ អ្នកខ្លះអត់បាយអត់ទឹកដោយសារតែការ Chat ជាមួយគ្នាទៅវិញទៅមក។
ក្រៅពីការចែករម្លែកព័ត៌មានអោយគ្នាទៅវិញទៅមក ហ្វេសប៊ុកត្រូវបានគេប្រើប្រាស់ដើម្បីផ្សព្វផ្សាយពាណិជ្ជកម្មផលិតផលដែលខ្លួនមាន។ ជារៀងរាល់ថ្ងៃ អ្នកលេងហ្វេសប៊ុកមួយចំនួន តែងតែឆ្លៀតយកទំព័រហ្វេសប៊ុកដើម្បីបង្ហាញផលិតផលនេះឬផលិតផលនោះទៅកាន់មិត្តភក្តិរបស់គេ។ ផលប្រយោជន៍ខ្លាំងរបស់ហ្វេសប៊ុកក្នុងការផ្សាយពាណិជ្ជកម្ម គឺជាការផ្សព្វផ្សាយដោយមិនបង់ប្រាក់កាសច្រើនដូចកាផ្សព្វផ្សាយពាណិជ្ជកម្មនៅតាមទូរទស្សន៍ ឬវិទ្យុ។ មនុស្សម្នាក់ៗអាចផ្សព្វផ្សាយនូវផលិតផលអ្វីដែលលោកអ្នកមាន។
ដោយមិននិយាយពីគោលដៅពាណិជ្ជកម្ម អ្នកខ្លះចាត់ទុកហ្វេសប៊ុកថា ជាមិត្តភក្តិដ៏ល្អដែលមិនអាចអត់បានឡើយ។ ពួកគេចាត់ទុកហ្វេសប៊ុកជាមិត្តភក្តិពីព្រោះហ្វេសប៊ុកអាចជួយកែអផ្សុកគេបាន។ អ្នកខ្លះទៀតប្រើប្រាស់ហ្វេសប៊ុកដើម្បីភ្ជាប់ស្នេហ៍។
ក្រៅពីបញ្ហាសង្គម, អ្នកនយោបាយ និងសកម្មជននយោបាយខ្មែរជាច្រើនចាប់ផ្តើមប្រើប្រាស់បណ្តាញហ្វេសប៊ុកដើម្បីបង្ហាញមនោគមន៍វិជ្ជារបស់ខ្លួនដើម្បីទាក់ទាញអ្នកគាំទ្រ។ ជាក់ស្តែង សម្តេចនាយករដ្ឋមន្ត្រី ហ៊ុន សែន និងឯកឧត្តម សម រង្ស៊ី បាន និងកំពុងប្រើប្រាស់ទំព័រហ្វេសប៊ុករបស់ខ្លួនដើម្បីបង្ហាញជំហរនយោបាយរបស់ពួកគេ។ ការប្រើប្រាស់ទំព័រហ្វេសប៊ុករបស់បុគ្គលសំខាន់ទាំងពីរនាក់នេះ ត្រូវបានគេមើលឃើញថា ពួកគេត្រៀមទាញប្រជាប្រិយភាពពីយុវជន និងបញ្ញវន្ត។ យុវជន និងបញ្ញវន្ត គឺជាបុគ្គលសំខាន់ដែលអាចជួយទាក់ទាញអ្នកបោះឆ្នោតផ្សេងទៀតឲ្យគិតដូចខ្លួន។ ដូច្នេះ ការចាប់បេះដូងយុវជន និងបញ្ញវន្តបាន វាមានន័យថា អ្នកនយោបាយអាចចាប់បេះដូងអ្នកបោះឆ្នោតមួយចំនួនផ្សេងទៀតបាន បើទោះបីជាអ្នកផ្សេងគ្មានស្មាតហ្វូន និងមិនចេះប្រើប្រាស់បណ្តាញសង្គមក៏ដោយក្តី។
បណ្តាញហ្វេសប៊ុកត្រូវបានគេគិតថា វានឹងក្លាយទៅជាឧបករណ៍ឃោសនានយោបាយដ៏មានឥទ្ធិពលសម្រាប់ការបោះឆ្នោតឃុំសង្កាត់ឆ្នាំ២០១៧ និងការបោះឆ្នោតជាតិឆ្នាំ២០១៨ នៅក្នុងប្រទេសកម្ពុជានាពេលខាងមុខនេះ ពីព្រោះ អ្នកគាំទ្រនយោបាយមួយចំនួនធំលែងសូវមានទំនុកចិត្តលើប្រព័ន្ធផ្សព្វផ្សាយលម្អៀងដែលគាំទ្រគណបក្សកាន់អំណាច និងប្រព័ន្ធផ្សព្វផ្សាយដែលគាំទ្រគណបក្សប្រឆាំង។
អ្នកវិភាគសង្គមនយោបាយនៅក្នុងប្រទេសកម្ពុជាដែលបានតាមដានស្ថានការណ៍កម្ពុជាតាំងពីដើមឆ្នាំ៩០មក បានអត្ថាធិប្បាយថា ហ្វេសប៊ុកមានគុណសម្បត្តិច្រើនមែន។ ប៉ុន្តែហ្វេសប៊ុកក៏មានគុណវិបត្តិរបស់វាដែរ ប្រសិនបើអ្នកប្រើប្រាស់ ប្រើខុសគោលដៅរបស់វានោះ។ បើនិយាយអោយជាក់ស្តែងតែម្តងទៅ ប្រព័ន្ធហ្វេសប៊ុកមិនមានគុណវិបត្តិអ្វីទេ។ គុណវិបត្តិទាំងអម្បាលម៉ានដែលបានរៀបរាប់ខាងលើគឺបណ្តាលមកពីអ្នកប្រើប្រាស់ទាំងអស់។
អ្នកប្រើប្រាស់ហ្វេសប៊ុកមួយចំនួននៅក្នុងប្រទេសកម្ពុជាដែលញៀននឹងហ្វេសប៊ុកនោះបានចំណាយពេលយ៉ាងច្រើនជាមួយបណ្តាញសង្គមមួយនេះ។ អ្នកខ្លះញៀនលេងរហូតដល់ទៅភ្លេចបាយភ្លេចទឹក ភ្លេចរៀនភ្លេចសូត្រឬភ្លេចការងារក៏មានដែរ។ យុវជនខ្លះអង្គុយនៅមុខកុំព្យូទ័រទំនងដូចជាធ្វើកិច្ចការគ្រូដាក់អោយឬទំនងជាធ្វើកិច្ចការរបស់ស្ថាប័នអ៊ីចឹង។ តាមពិត ពួកគេលេងហ្វេសប៊ុកច្រើនជាងធ្វើកិច្ចការសម្រាប់ក្រុមហ៊ុន និងស្ថាប័នរដ្ឋទៅទៀត។
ស្ថានភាពជាក់ស្តែងនៅក្នុងប្រទេសកម្ពុជានាពេលបច្ចុប្បន្ននេះបានបង្ហាញអោយឃើញថា មិនមែនតែយុវជនទេដែលប្រើប្រាស់ខុសទិសដៅនោះ។ តាមពិត មន្ត្រីរាជការ បុគ្គលិកក្រុមហ៊ុន និងបុគ្គលិកអង្គការមួយចំនួនបាននិងកំពុងវក់វីនឹងការប្រើប្រាស់ហ្វេសប៊ុកខុសទិសដៅ។ បុគ្គលិករដ្ឋ ក្រុមហ៊ុននិងអង្គការខ្លះធ្វើការផងលេងហ្វេសប៊ុកព្រមពេលជាមួយគ្នា។ បុគ្គលិកខ្លះទៀត លេងហ្វេសប៊ុកច្រើនជាងធ្វើការ មានន័យថា ពួកគេអង្គុយនៅមុខកំព្យូទ័រមែន ប៉ុន្តែពួកគេគិតតែពីជជែកគ្នាតាមហ្វេសប៊ុក។ ពេលខ្លះ ក្រៅពីជជែកគ្នាតាមហ្វេសប៊ុក ពួកគេមួយចំនួនគិតតែពីឆែកមើលព័ត៌មានស្ទើររាល់ម៉ោង។ និន្នាការអាក្រក់នេះបាននិងកំពុងកើតមានកាន់តែច្រើនឡើងៗពីពេលមួយទៅពេលមួយ។
ដោយសារតែមើលឃើញទម្លាប់អាក្រក់កើតមានកាន់តែច្រើនទើបស្ថាប័ន ឯកជនមួយចំនួនចាប់ផ្តើម មានវិធានការណ៍ហាមឃាត់មិនអោយបុគ្គលិករបស់ខ្លួនលេងហ្វេសប៊ុកនៅក្នុងម៉ោងធ្វើការ។ ក្រៅម៉ោងធ្វើការទើបបុគ្គលិកមានសិទ្ធិលេងហ្វេសប៊ុកបាន។
អ្នកវិភាគសង្គមនយោបាយបានទាញសញ្ញាអាសន្នថា ប្រសិនបើបុគ្គលិក មិនថា បុគ្គលិករដ្ឋ ឯកជន ឬអង្គការនោះទេគិតតែពីលេងហ្វេសប៊ុកឬលេងផងនិងធ្វើការផងនោះ ពេលនោះផលិតភាព និងប្រសិទ្ធិភាពការងាសម្រាប់ស្ថាប័ននឹងត្រូវកាត់បន្ថយ។ ប្រសិនបើស្ថាប័នបាត់បង់ផលិតភាពកាន់តែខ្ពស់ ពេលនោះ ស្ថាប័ននោះអាចក្ស័យធន។ នៅពេលដែលស្ថាប័នក្ស័យធន បុគ្គលិកប្រឈមនឹងភាពគ្មានការងារធ្វើ។
បញ្ហាមួយទៀតដែលអ្នកលេងហ្វេសប៊ុកកំពុងតែប្រឈមដែរនោះ គឺទោសទណ្ឌបរិហាកេរ្តិ៍។ អ្នកលេងហ្វេសប៊ុកមួយចំនួនបានយកទំព័រហ្វេសប៊ុករបស់ខ្លួនជេរគេជេរឯង ចោទប្រកាន់គេខុសការពិត ហើយជាលទ្ធផលមកវិញ អ្នកលេងហ្វេសប៊ុកនោះ ត្រូវបានគេចោទប្រកាន់ពីបទបរិហាកេរ្តិ៍៕
បណ្តាញសង្គមហ្វេសប៊ុកត្រូវបានគេបង្កើតឡើងនៅឆ្នាំ២០០៤នៅសហរដ្ឋអាមេរិកដោយជនជាតិអាមេរិកកាំង។ បន្ទាប់មកបណ្តាញសង្គមមួយនេះចេះតែរីកសាយភាយនិងមានប្រជាប្រិយភាពបន្តិចម្តងៗនៅលើពិភពលោក ជាពិសេស នៅក្នុងប្រទេសជឿនលឿន។
ចំពោះប្រទេសកម្ពុជាវិញ ហ្វេសប៊ុកបានចូលមកប្រហែលក្នុងឆ្នាំ២០០៦។ ប៉ុន្តែវាមានភាពល្បីល្បាញនិងទាក់ទាញយុវជនខ្មែរខ្លាំងកាលពីឆ្នាំ២០១៣កន្លងមក និងបន្តមកទៀត មនុស្សវ័យចំណាស់ក៏ចាប់ផ្តើមប្រើប្រាស់វាដូចយុវវ័យដែរ។
រហូតមកដល់សព្វថ្ងៃនេះ គេមិនទាន់មានតួលេខបញ្ជាក់ច្បាស់លាស់ពីចំនួនប្រជាជនខ្មែរប្រើប្រាស់បណ្តាញសង្គមមួយនេះនៅឡើយទេ។ ប៉ុន្តែបើយោងតាមការប៉ាន់ស្មានមួយចំនួន ប្រជាជនខ្មែរនៅក្នុង និងក្រៅប្រទេស ជាពិសេស យុវជន-យុវនារី មិនតិចជាង១លាននាក់ទេដែលបាននិងកំពុងប្រើប្រាស់ហ្វេសប៊ុក។ តែបើគេគិតពីអ្នកប្រើប្រាស់ជាអចិន្ត្រៃយ៍វិញ ចំនួនអាចមានតិចជាងកន្លះលាននាក់។
តើការប្រើប្រាស់បណ្តាញហ្វេសប៊ុកផ្តល់គុណសម្បត្តិ និងគុណវិបត្តិយ៉ាងណាខ្លះដល់សង្គម?
ប្រសិនបើគេគិតពីគោលគំនិតដើមរបស់អ្នកបង្កើតហ្វេសប៊ុក, ហ្វេសប៊ុកមានប្រយោជន៍ច្រើនរាប់មិនអស់។ ហ្វេសប៊ុក គឺជាបណ្តាញសង្គមដ៏មានប្រសិទ្ធិភាពដែលអនុញ្ញាតអោយមនុស្សទាំងអស់នៅលើពិភពលោកអាចទំនាក់ទំនងគ្នាបាន។ អ្វីដែលហ្វេសប៊ុកមានលក្ខណៈពិសេសលើសពីអ៊ីមែលគឺនៅត្រង់ថា ហ្វេសប៊ុកអនុញ្ញាតអោយមនុស្សច្រើនពាន់ម៉ឺននាក់អាចចែករំលែកព័ត៌មានគ្នាបានក្នុងពេលដ៏ខ្លីបំផុត។ ម្យ៉ាងវិញទៀត អ្នកលេងហ្វេសប៊ុកអាចជជែកគ្នាបានភ្លាមៗជាមួយមនុស្សច្រើននាក់ផ្សេងទៀតក្នុងពេលតែមួយ។ អ្នកខ្លះ Chat ជាមួយមិត្តភក្តិបី បួន ប្រាំនាក់ព្រមពេលជាមួយគ្នា។ អ្នកខ្លះអត់បាយអត់ទឹកដោយសារតែការ Chat ជាមួយគ្នាទៅវិញទៅមក។
ក្រៅពីការចែករម្លែកព័ត៌មានអោយគ្នាទៅវិញទៅមក ហ្វេសប៊ុកត្រូវបានគេប្រើប្រាស់ដើម្បីផ្សព្វផ្សាយពាណិជ្ជកម្មផលិតផលដែលខ្លួនមាន។ ជារៀងរាល់ថ្ងៃ អ្នកលេងហ្វេសប៊ុកមួយចំនួន តែងតែឆ្លៀតយកទំព័រហ្វេសប៊ុកដើម្បីបង្ហាញផលិតផលនេះឬផលិតផលនោះទៅកាន់មិត្តភក្តិរបស់គេ។ ផលប្រយោជន៍ខ្លាំងរបស់ហ្វេសប៊ុកក្នុងការផ្សាយពាណិជ្ជកម្ម គឺជាការផ្សព្វផ្សាយដោយមិនបង់ប្រាក់កាសច្រើនដូចកាផ្សព្វផ្សាយពាណិជ្ជកម្មនៅតាមទូរទស្សន៍ ឬវិទ្យុ។ មនុស្សម្នាក់ៗអាចផ្សព្វផ្សាយនូវផលិតផលអ្វីដែលលោកអ្នកមាន។
ដោយមិននិយាយពីគោលដៅពាណិជ្ជកម្ម អ្នកខ្លះចាត់ទុកហ្វេសប៊ុកថា ជាមិត្តភក្តិដ៏ល្អដែលមិនអាចអត់បានឡើយ។ ពួកគេចាត់ទុកហ្វេសប៊ុកជាមិត្តភក្តិពីព្រោះហ្វេសប៊ុកអាចជួយកែអផ្សុកគេបាន។ អ្នកខ្លះទៀតប្រើប្រាស់ហ្វេសប៊ុកដើម្បីភ្ជាប់ស្នេហ៍។
ក្រៅពីបញ្ហាសង្គម, អ្នកនយោបាយ និងសកម្មជននយោបាយខ្មែរជាច្រើនចាប់ផ្តើមប្រើប្រាស់បណ្តាញហ្វេសប៊ុកដើម្បីបង្ហាញមនោគមន៍វិជ្ជារបស់ខ្លួនដើម្បីទាក់ទាញអ្នកគាំទ្រ។ ជាក់ស្តែង សម្តេចនាយករដ្ឋមន្ត្រី ហ៊ុន សែន និងឯកឧត្តម សម រង្ស៊ី បាន និងកំពុងប្រើប្រាស់ទំព័រហ្វេសប៊ុករបស់ខ្លួនដើម្បីបង្ហាញជំហរនយោបាយរបស់ពួកគេ។ ការប្រើប្រាស់ទំព័រហ្វេសប៊ុករបស់បុគ្គលសំខាន់ទាំងពីរនាក់នេះ ត្រូវបានគេមើលឃើញថា ពួកគេត្រៀមទាញប្រជាប្រិយភាពពីយុវជន និងបញ្ញវន្ត។ យុវជន និងបញ្ញវន្ត គឺជាបុគ្គលសំខាន់ដែលអាចជួយទាក់ទាញអ្នកបោះឆ្នោតផ្សេងទៀតឲ្យគិតដូចខ្លួន។ ដូច្នេះ ការចាប់បេះដូងយុវជន និងបញ្ញវន្តបាន វាមានន័យថា អ្នកនយោបាយអាចចាប់បេះដូងអ្នកបោះឆ្នោតមួយចំនួនផ្សេងទៀតបាន បើទោះបីជាអ្នកផ្សេងគ្មានស្មាតហ្វូន និងមិនចេះប្រើប្រាស់បណ្តាញសង្គមក៏ដោយក្តី។
បណ្តាញហ្វេសប៊ុកត្រូវបានគេគិតថា វានឹងក្លាយទៅជាឧបករណ៍ឃោសនានយោបាយដ៏មានឥទ្ធិពលសម្រាប់ការបោះឆ្នោតឃុំសង្កាត់ឆ្នាំ២០១៧ និងការបោះឆ្នោតជាតិឆ្នាំ២០១៨ នៅក្នុងប្រទេសកម្ពុជានាពេលខាងមុខនេះ ពីព្រោះ អ្នកគាំទ្រនយោបាយមួយចំនួនធំលែងសូវមានទំនុកចិត្តលើប្រព័ន្ធផ្សព្វផ្សាយលម្អៀងដែលគាំទ្រគណបក្សកាន់អំណាច និងប្រព័ន្ធផ្សព្វផ្សាយដែលគាំទ្រគណបក្សប្រឆាំង។
អ្នកវិភាគសង្គមនយោបាយនៅក្នុងប្រទេសកម្ពុជាដែលបានតាមដានស្ថានការណ៍កម្ពុជាតាំងពីដើមឆ្នាំ៩០មក បានអត្ថាធិប្បាយថា ហ្វេសប៊ុកមានគុណសម្បត្តិច្រើនមែន។ ប៉ុន្តែហ្វេសប៊ុកក៏មានគុណវិបត្តិរបស់វាដែរ ប្រសិនបើអ្នកប្រើប្រាស់ ប្រើខុសគោលដៅរបស់វានោះ។ បើនិយាយអោយជាក់ស្តែងតែម្តងទៅ ប្រព័ន្ធហ្វេសប៊ុកមិនមានគុណវិបត្តិអ្វីទេ។ គុណវិបត្តិទាំងអម្បាលម៉ានដែលបានរៀបរាប់ខាងលើគឺបណ្តាលមកពីអ្នកប្រើប្រាស់ទាំងអស់។
អ្នកប្រើប្រាស់ហ្វេសប៊ុកមួយចំនួននៅក្នុងប្រទេសកម្ពុជាដែលញៀននឹងហ្វេសប៊ុកនោះបានចំណាយពេលយ៉ាងច្រើនជាមួយបណ្តាញសង្គមមួយនេះ។ អ្នកខ្លះញៀនលេងរហូតដល់ទៅភ្លេចបាយភ្លេចទឹក ភ្លេចរៀនភ្លេចសូត្រឬភ្លេចការងារក៏មានដែរ។ យុវជនខ្លះអង្គុយនៅមុខកុំព្យូទ័រទំនងដូចជាធ្វើកិច្ចការគ្រូដាក់អោយឬទំនងជាធ្វើកិច្ចការរបស់ស្ថាប័នអ៊ីចឹង។ តាមពិត ពួកគេលេងហ្វេសប៊ុកច្រើនជាងធ្វើកិច្ចការសម្រាប់ក្រុមហ៊ុន និងស្ថាប័នរដ្ឋទៅទៀត។
ស្ថានភាពជាក់ស្តែងនៅក្នុងប្រទេសកម្ពុជានាពេលបច្ចុប្បន្ននេះបានបង្ហាញអោយឃើញថា មិនមែនតែយុវជនទេដែលប្រើប្រាស់ខុសទិសដៅនោះ។ តាមពិត មន្ត្រីរាជការ បុគ្គលិកក្រុមហ៊ុន និងបុគ្គលិកអង្គការមួយចំនួនបាននិងកំពុងវក់វីនឹងការប្រើប្រាស់ហ្វេសប៊ុកខុសទិសដៅ។ បុគ្គលិករដ្ឋ ក្រុមហ៊ុននិងអង្គការខ្លះធ្វើការផងលេងហ្វេសប៊ុកព្រមពេលជាមួយគ្នា។ បុគ្គលិកខ្លះទៀត លេងហ្វេសប៊ុកច្រើនជាងធ្វើការ មានន័យថា ពួកគេអង្គុយនៅមុខកំព្យូទ័រមែន ប៉ុន្តែពួកគេគិតតែពីជជែកគ្នាតាមហ្វេសប៊ុក។ ពេលខ្លះ ក្រៅពីជជែកគ្នាតាមហ្វេសប៊ុក ពួកគេមួយចំនួនគិតតែពីឆែកមើលព័ត៌មានស្ទើររាល់ម៉ោង។ និន្នាការអាក្រក់នេះបាននិងកំពុងកើតមានកាន់តែច្រើនឡើងៗពីពេលមួយទៅពេលមួយ។
ដោយសារតែមើលឃើញទម្លាប់អាក្រក់កើតមានកាន់តែច្រើនទើបស្ថាប័ន ឯកជនមួយចំនួនចាប់ផ្តើម មានវិធានការណ៍ហាមឃាត់មិនអោយបុគ្គលិករបស់ខ្លួនលេងហ្វេសប៊ុកនៅក្នុងម៉ោងធ្វើការ។ ក្រៅម៉ោងធ្វើការទើបបុគ្គលិកមានសិទ្ធិលេងហ្វេសប៊ុកបាន។
អ្នកវិភាគសង្គមនយោបាយបានទាញសញ្ញាអាសន្នថា ប្រសិនបើបុគ្គលិក មិនថា បុគ្គលិករដ្ឋ ឯកជន ឬអង្គការនោះទេគិតតែពីលេងហ្វេសប៊ុកឬលេងផងនិងធ្វើការផងនោះ ពេលនោះផលិតភាព និងប្រសិទ្ធិភាពការងាសម្រាប់ស្ថាប័ននឹងត្រូវកាត់បន្ថយ។ ប្រសិនបើស្ថាប័នបាត់បង់ផលិតភាពកាន់តែខ្ពស់ ពេលនោះ ស្ថាប័ននោះអាចក្ស័យធន។ នៅពេលដែលស្ថាប័នក្ស័យធន បុគ្គលិកប្រឈមនឹងភាពគ្មានការងារធ្វើ។
បញ្ហាមួយទៀតដែលអ្នកលេងហ្វេសប៊ុកកំពុងតែប្រឈមដែរនោះ គឺទោសទណ្ឌបរិហាកេរ្តិ៍។ អ្នកលេងហ្វេសប៊ុកមួយចំនួនបានយកទំព័រហ្វេសប៊ុករបស់ខ្លួនជេរគេជេរឯង ចោទប្រកាន់គេខុសការពិត ហើយជាលទ្ធផលមកវិញ អ្នកលេងហ្វេសប៊ុកនោះ ត្រូវបានគេចោទប្រកាន់ពីបទបរិហាកេរ្តិ៍៕
Tag:
សង្គម
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
10 ម៉ោង
