ព័ត៍មានសុខភាព
កម្ចាត់ជាតិពុលដោយដាក់ខ្ទឹមបារាំងនឹងបាតជើងនៅពេលគេងយប់
× ដាក់ខ្ទឹមបារាំងនៅនឹងបាតជើងនៅពេលគេងយប់ នាំឲ្យមានសុខភាពល្អ។ វាជាការភ្ញាក់ផ្អើល? ពិតណាស់ ប៉ុន្តែអ្នកជំនាញបានយល់ស្របទៅនឹងក្បួនបុរាណចិនមួយនេះ ដោយអះអាងខ្ទឹមបារាំងបានជួយសម្រួលឈាម និងទប់ស្កាត់នូវជំងឺផ្សេងៗ ។ នេះបើតាមការផ្សាយទស្សនាវដ្តីសុខភាពបារាំង Santeplusmag។
ជាទូទៅយើងដឹងថា ខ្ទឹមបារាំងមានប្រសិទ្ធភាពក្នុងការបំបាត់ជាតិពុលផ្សេងៗ ជាក់ស្តែងនៅពេលដែលប្រទេសអង់គ្លេសជួបវិបត្តិជំងឺ គេបានប្រើប្រាស់ខ្ទឹមបារាំងដើម្បីបន្សុទ្ធខ្យល់បរិយាកាស។ ពេលនោះ គេបានហាន់ខ្ទឹមបារាំងជាបន្ទះៗ ហើយដាក់ក្នុងផ្ទះបាយ បន្ទប់គេង និងទីតាំងផ្សេងទៀតនៅក្នុងផ្ទះ។
លោកវេជ្ជបណ្ឌិត Joe Schwarcz នៃសាកលវិទ្យាល័យ McGill បានអះអាងបន្ថែមថា ខ្ទឹមបារាំងគឺជាសត្រូវ។ ជាមួយគ្នានេះ លោកយល់ស្របចំពោះការណែនាំឲ្យកាត់ខ្ទឹមបារាំងជាកង់ៗ ដាក់ក្រោមបាតជើងនៅមុនពេលចូលគេងពេលយប់ ដើម្បីកម្ចាត់ជាតិពុល និងសារធាតុគីមីនានា។
ការប្រើប្រាស់ខ្ទឹមបារាំង គឺជាក្បួនពេទ្យបុរាណរបស់ចិន ដោយសារតែជើងមានទំនាក់ទំនងដោយផ្ទាល់ជាមួយសរីរាង្គនៅផ្នែកខាងក្នុង ប្រព័ន្ធប្រសាទ និងផ្នែកផ្សេងទៀតនៃរាងកាយ។ ប៉ុន្តែជាមួយគ្នានេះផងដែរ ដើម្បីសុខភាពល្អប្រសើរ ក្បួនពេទ្យបុរាណចិនក៏បានណែនាំយើងផងដែរឲ្យដើរជើងទទេរឲ្យបានច្រើនដងតាមដែរអាចធ្វើទៅបាន។
ក្រៅពីនេះ ការស្រាវជ្រាវរបស់សាកលវិទ្យាល័យ Cornell ដែលដឹកនាំដោយលោកវេជ្ជបណ្ឌិត Rui Hai Liu បានបង្ហាញឲ្យឃើញថា ខ្ទឹមបារាំងពណ៌ក្រហម និងពណ៌លឿង មានប្រយោជន៍ក្នុងការប្រឆាំងនឹងជំងឺមហារីក៕
Tag:
សុខភាព
ខ្ទឹមបារាំង
ជាតិពុល
© រក្សាសិទ្ធិដោយ thmeythmey.com