លោក ហោ ណាំហុង ធ្វើជាសហប្រធានកិច្ចប្រជុំគណៈកម្មាធិការសម្របសម្រួលអន្តររដ្ឋាភិបាល កម្ពុជា-ចិន

ជាតិ

លោក ហោ ណាំហុង ធ្វើជាសហប្រធានកិច្ចប្រជុំគណៈកម្មាធិការសម្របសម្រួលអន្តររដ្ឋាភិបាល កម្ពុជា-ចិន

31, Jan 2016 , 10:00 am

រូបភាព

ដោយ: ថ្មីៗ

លោក ហោ ណាំហុង នឹងធ្វើជាសហប្រធាននៃកិច្ចប្រជុំលើកទី៣ នៃគណៈកម្មាធិការសម្របសម្រួលអន្តររដ្ឋាភិបាល រវាងរដ្ឋាភិបាលកម្ពុជា និងរដ្ឋាភិបាលនៃសាធារណរដ្ឋប្រជាមានិតចិន សម្រាប់ការអនុវត្តភាពជាដៃគូយុទ្ធសាស្ត្រទូលំទូលាយ។ នេះបើយោងតាមសេចក្តីជូនព័ត៌មានរបស់ក្រសួងការបរទេសកម្ពុជា។

ផ្អែកតាមសេចក្តីជូនព័ត៌មានដដែល កិច្ចប្រជុំនេះ នឹងប្រព្រឹត្តិទៅរយៈពេល៣ថ្ងៃ គឺចាប់ពីថ្ងៃទី៣ ដល់ថ្ងៃទី៥ខែកុម្ភៈ នៅក្រុងប៉េកាំង ប្រទេសចិន។

សេចក្តីជូនព័ត៌មាន បានបញ្ជាក់ទៀតថា ក្នុងពេលស្នាក់នៅប្រទេសចិន លោក ហោ ណាំហុង ក៏នឹងជួបសម្តែងការគួរសមជាមួយលោក លឺ ខឺឈាង នាយករដ្ឋមន្ត្រីនៃសាធារណរដ្ឋប្រជាមានិតចិនផងដែរ៕