សាលាក្តីខ្មែរក្រហមត្រូវការថវិកា៥៨,៨លានដុលា្លរ សម្រាប់ឆ្នាំ២០១៦ និង២០១៧

ខ្មែរក្រហម

ជាតិ

សាលាក្តីខ្មែរក្រហមត្រូវការថវិកា៥៨,៨លានដុលា្លរ សម្រាប់ឆ្នាំ២០១៦ និង២០១៧

03, Feb 2016 , 10:19 pm

រូបភាព

ដោយ: ថ្មីៗ

អង្គជំនុំជម្រះវិសាមញ្ញក្នុងតុលាការកម្ពុជា(អ.វ.ត.ក) ត្រូវការថវិកាសរុបចំនួន៥៨,៨លានដុល្លារអាមេរិក សម្រាប់ចំណាយនៅក្នុងឆ្នាំ២០១៦ និងឆ្នាំ២០១៧ ។ នេះយោងតាមសេចក្តីប្រកាសព័ត៌មានរបស់សាលាក្តីខ្មែរក្រហម។

ផ្អែកតាមគម្រោងថវិកាសម្រាប់ឆ្នាំ២០១៦-២០១៧ ដែលត្រូវបានអនុម័តដោយក្រុមប្រទេស ផ្តល់ជំនួយសំខាន់ៗរបស់ អ.វ.ត.ក សម្រាប់ឆ្នាំ២០១៦ សាលាក្តីខ្មែរក្រហមត្រូវការថវិកាចំនួន៣២,៣លានដុល្លារអាមេរិក ក្នុងនោះការចំណាយសម្រាប់ភាគីជាតិមានចំនួន៦,៦ លានដុល្លារអាមេរិក និងភាគីអន្តរជាតិចំនួន២៥,៧ លានដុល្លារអាមេរិក ។ សម្រាប់ឆ្នាំ២០១៧ សាលាក្តីខ្មែរក្រហមត្រូវការថវិកាចំនួន២៦,៥ លានដុល្លារអាមេរិក ក្នុងនោះការចំណាយសម្រាប់ភាគីជាតិមានចំនួន៦,៤ លានដុល្លារអាមេរិក និងភាគីអន្តរជាតិចំនួន២០,១ ដុល្លារអាមេរិក។ នេះបើតាមសេចក្តីប្រកាសព័ត៌មានដដែល។

លោក ក្រាញ់ តូនី ប្រធានការិយាល័យរដ្ឋបាលស្តីទី និងលោកឃ្នុត រ៉ូហ្សិនហក អនុប្រធានការិយាល័យរដ្ឋបាលនៃអ.វ.ត.ក បានថ្លែងស្វាគមន៍ចំពោះការអនុម័តលើគម្រោងថវិកាថ្មីនេះ ព្រមទាំងអំពាវនាវដ៏ទទូចដល់សហគមន៍ម្ចាស់ជំនួយ ផ្តល់ជំនួយហិរញ្ញវត្ថុចាំបាច់ដល់អ.វ.ត.ក ដើម្បីអនុវត្តន៍ផែនការការងាររបស់ខ្លួនជាបន្តទៀត៕