ជាតិ
នយោបាយជាតិ
×![]()
ក្រោយពីគណបក្សហ្វ៊ុនស៊ិនប៉ិច បែកបាក់គ្នាជាថ្មីម្ដងទៀតនោះ អ្នកនាំពាក្យគណបក្សប្រជាជនកម្ពុជា លោក សុខ ឥសាន បញ្ជាក់ថា គណបក្សលោកមិនចង់ឲ្យគណបក្សរាជានិយមមួយនេះបែកបាក់គ្នានោះឡើយ។
«គណបក្សយើងមិនចង់ឲ្យគណបក្សហ្វ៊ុនស៊ិនប៉ិចមានការបែកបាក់គ្នាទេ ចង់ឲ្យមានការរួបរួមគ្នា»។ នេះជាការបញ្ជាក់របស់លោក សុខ ឥសាន បានថ្លែងនៅក្នុងនាមជាអ្នកនាំពាក្យគណបក្សប្រជាជន ដែលជាដៃគូសហប្រតិបត្តិការជាមួយគណបក្សហ្វ៊ុនស៊ិនប៉ិច។ ថ្លែងប្រាប់សារព័ត៌មានថ្មីៗលោក សុខ ឥសាន ក៏មិនបានបញ្ចេញទស្សនៈអ្វីច្រើន ជុំវិញការបែកបាក់គ្នារវាងសម្ដេចក្រុមព្រះ និងលោក ញឹក ប៊ុនឆៃ នោះដែរ ដោយលោកថា នេះគឺជាការសិទ្ធិសម្រេចចិត្តរបស់បុគ្គលម្នាក់ៗ ក្នុងការសម្រេចចិត្តធ្វើអ្វីមួយ។
នៅពេលដែរសួរថា បើលោក ញឹក ប៊ុនឆៃ បែកពីសម្ដេចក្រុមព្រះទៅបង្កើតគណបក្សថ្មីមួយទៀតនេះ តើគណបក្សប្រជាជនកម្ពុជា នឹងធ្វើជាដៃគូជាមួយគណបក្សលោក ញឹក ប៊ុនឆៃ ដែរឬទេ? តើលោក ញឹក ប៊ុនឆៃ និងមន្ត្រីដែលទៅចូលរួមបង្កើតបក្សថ្មី ដែលមានឈ្មោះបម្រើការងារក្នុងជួររដ្ឋាភិបាល នឹងត្រូវបាត់បង់តួនាទីដែរទេ? លោក សុខ ឥសាន បដិសេធមិនឆ្លើយសំនួរនេះឡើយ ដោយលោកគ្រាន់តែឆ្លើយថាចំណុចទាំងអស់នេះ គឺអាស្រ័យទៅលើសម្ដេច ហ៊ុន សែន ប្រមុខរដ្ឋាភិបាល។
លោក ញឹក ប៊ុនឆៃ អនុប្រធានគណបក្សហ្វ៊ុនស៊ិនប៉ិច បានសម្រេចដើរចេញពីគណបក្សនេះ ទៅបង្កើតគណបក្សថ្មីមួយទៀតដែលមានឈ្មោះថា «គណបក្សខ្មែររួបរួមជាតិ» ក្រោមហេតុផលថា លោកមិនពេញចិត្តនឹងការដឹកនាំរបស់សម្ដេចក្រុមព្រះ នរោត្តម រណឫទ្ធិ ដែលបានកៀបសង្កត់មកលើខ្លួន និងមន្ត្រីបក្សមួយចំនួនទៀត។ លោកថា ទ្រង់ រណឫទ្ធិ បានបង្កើតបក្សពួកនិយម ដឹកនាំបែបអត្តនោម័តិ ហើយបក្សគ្មានការរីកចម្រើនទេក្នុងរយៈពេល១ឆ្នាំនេះ។លោកបានប្រកាសថា ការបែកបាក់គ្នាពីសម្ដេចក្រុមព្រះពេលនេះ គឺជាលើកចុងក្រោយហើយ ដែលលោកគ្មានថ្ងៃនឹងវិលមករួបរួមជាមួយសម្ដេចក្រុមព្រះទៀតឡើយ។
យ៉ាងណាក៏ដោយអ្នកនាំពាក្យគណបក្សហ្វ៊ុនស៊ិនប៉ិច និងជាមនុស្សស្និទ្ធនឹងព្រះអង្គម្ចាស់នរោត្តម រណឫទ្ធិ បានចាត់ទុកការចាកចេញរបស់លោក ញឹក ប៊ុនឆៃ ថា ជាសិទ្ធិរបស់លោក ញឹក ប៊ុនឆៃ។ ក៏ប៉ុន្តែអ្នកនាំពាក្យរូបនេះ ចោទលោក ញឹក ប៊ុនឆៃ ដែលអូសទាញមន្ត្រី ហ្វ៊ុនស៊ិនប៉ិច មានតំណែងក្នុងរដ្ឋាភិបាលមួយចំនួនទៅជាមួយខ្លួនក្រោមការឃោសនាថា នឹងមិនបាត់តំណែងនោះទេ៕
«គណបក្សយើងមិនចង់ឲ្យគណបក្សហ្វ៊ុនស៊ិនប៉ិចមានការបែកបាក់គ្នាទេ ចង់ឲ្យមានការរួបរួមគ្នា»។ នេះជាការបញ្ជាក់របស់លោក សុខ ឥសាន បានថ្លែងនៅក្នុងនាមជាអ្នកនាំពាក្យគណបក្សប្រជាជន ដែលជាដៃគូសហប្រតិបត្តិការជាមួយគណបក្សហ្វ៊ុនស៊ិនប៉ិច។ ថ្លែងប្រាប់សារព័ត៌មានថ្មីៗលោក សុខ ឥសាន ក៏មិនបានបញ្ចេញទស្សនៈអ្វីច្រើន ជុំវិញការបែកបាក់គ្នារវាងសម្ដេចក្រុមព្រះ និងលោក ញឹក ប៊ុនឆៃ នោះដែរ ដោយលោកថា នេះគឺជាការសិទ្ធិសម្រេចចិត្តរបស់បុគ្គលម្នាក់ៗ ក្នុងការសម្រេចចិត្តធ្វើអ្វីមួយ។
នៅពេលដែរសួរថា បើលោក ញឹក ប៊ុនឆៃ បែកពីសម្ដេចក្រុមព្រះទៅបង្កើតគណបក្សថ្មីមួយទៀតនេះ តើគណបក្សប្រជាជនកម្ពុជា នឹងធ្វើជាដៃគូជាមួយគណបក្សលោក ញឹក ប៊ុនឆៃ ដែរឬទេ? តើលោក ញឹក ប៊ុនឆៃ និងមន្ត្រីដែលទៅចូលរួមបង្កើតបក្សថ្មី ដែលមានឈ្មោះបម្រើការងារក្នុងជួររដ្ឋាភិបាល នឹងត្រូវបាត់បង់តួនាទីដែរទេ? លោក សុខ ឥសាន បដិសេធមិនឆ្លើយសំនួរនេះឡើយ ដោយលោកគ្រាន់តែឆ្លើយថាចំណុចទាំងអស់នេះ គឺអាស្រ័យទៅលើសម្ដេច ហ៊ុន សែន ប្រមុខរដ្ឋាភិបាល។
លោក ញឹក ប៊ុនឆៃ អនុប្រធានគណបក្សហ្វ៊ុនស៊ិនប៉ិច បានសម្រេចដើរចេញពីគណបក្សនេះ ទៅបង្កើតគណបក្សថ្មីមួយទៀតដែលមានឈ្មោះថា «គណបក្សខ្មែររួបរួមជាតិ» ក្រោមហេតុផលថា លោកមិនពេញចិត្តនឹងការដឹកនាំរបស់សម្ដេចក្រុមព្រះ នរោត្តម រណឫទ្ធិ ដែលបានកៀបសង្កត់មកលើខ្លួន និងមន្ត្រីបក្សមួយចំនួនទៀត។ លោកថា ទ្រង់ រណឫទ្ធិ បានបង្កើតបក្សពួកនិយម ដឹកនាំបែបអត្តនោម័តិ ហើយបក្សគ្មានការរីកចម្រើនទេក្នុងរយៈពេល១ឆ្នាំនេះ។លោកបានប្រកាសថា ការបែកបាក់គ្នាពីសម្ដេចក្រុមព្រះពេលនេះ គឺជាលើកចុងក្រោយហើយ ដែលលោកគ្មានថ្ងៃនឹងវិលមករួបរួមជាមួយសម្ដេចក្រុមព្រះទៀតឡើយ។
យ៉ាងណាក៏ដោយអ្នកនាំពាក្យគណបក្សហ្វ៊ុនស៊ិនប៉ិច និងជាមនុស្សស្និទ្ធនឹងព្រះអង្គម្ចាស់នរោត្តម រណឫទ្ធិ បានចាត់ទុកការចាកចេញរបស់លោក ញឹក ប៊ុនឆៃ ថា ជាសិទ្ធិរបស់លោក ញឹក ប៊ុនឆៃ។ ក៏ប៉ុន្តែអ្នកនាំពាក្យរូបនេះ ចោទលោក ញឹក ប៊ុនឆៃ ដែលអូសទាញមន្ត្រី ហ្វ៊ុនស៊ិនប៉ិច មានតំណែងក្នុងរដ្ឋាភិបាលមួយចំនួនទៅជាមួយខ្លួនក្រោមការឃោសនាថា នឹងមិនបាត់តំណែងនោះទេ៕
Tag:
CPP
ហ្វ៊ុនស៊ិនប៉ិច
នយោបាយ
© រក្សាសិទ្ធិដោយ thmeythmey.com
