ជាតិ
×![]()
ដោយ: ថ្មីៗ
សៀមរាប៖ តាមគម្រោង ទីលានចាក់សំរាមថ្មីដែលឧបត្ថម្ភដោយប្រទេសកូរ៉េ នឹងដំណើរការសាងសង់ក្នុងឆ្នាំ២០១៦នេះ។ គម្រោងនេះ នឹងប្រើប្រាស់ដីវាលមួយកន្លែង ដែលស្ថិតនៅឃុំរុកតាឯក ស្រុកបន្ទាយស្រី។
ដោយសារទីតាំងចាក់សំរាមបច្ចុប្បន្នដែលស្ថិតនៅឃុំត្រពាំងធំ ស្រុកប្រាសាទបាគង បានពេញទៅហើយ ណាមួយវាស្ថិតនៅកៀកនឹងដីភូមិផងនោះ អាជ្ញាធរខេត្តសៀមរាប ក្រោមជំនួយរបស់កូរ៉េ នឹងធ្វើការសាងសង់ទីលានចាក់សំរាមថ្មី ដើម្បីរំដោះកន្លែងចាស់។ ទីលានចាក់សំរាមថ្មី គ្រោងនឹងសាងសង់នៅលើដីវាល ទំហំប្រមាណ៣០ហិកតា នៅតំបន់រុនតាឯក ស្រុកបន្ទាយស្រី។ តាមគម្រោង ទីលានចាក់សំរាមថ្មីនេះ គ្រោងនឹងចំណាយថវិកាប្រមាណ ១៣លានដុល្លារសហរដ្ឋអាមេរិក។ នេះបើតាមការបញ្ជាក់របស់លោក គឺម ឆៃហៀង អភិបាលរងខេត្តសៀមរាប។
លោក គឹម ឆៃហៀង ក្នុងបទសម្ភាសន៍នឹងក្រុមអ្នកសារព័ត៌មានកាលពីពេលថ្មីៗនេះ បានបញ្ជាក់ថា ទីលានចាក់សំរាមថ្មី គ្រោងនឹងមានបច្ចេកគ្រប់គ្រងកាកសំណល់រឹង ដើម្បីកែច្នៃនៅពេលអនាគតផង។ «អនាគត ខេត្តសៀមរាបនឹងមានកន្លែងរោងចក្រកែច្នៃសំរាមទៅជាជីរកំប៉ុស្តិនិងទៅជាហ្គាស និងមួយចំណែកទៀតអាចយកមកប្រើប្រាស់ជាថ្មីបាន»។ នេះជាការបញ្ជាក់របស់ លោក គឹម ឆៃហៀង អភិបាលរងខេត្តសៀមរាប ក្នុងទំព័រហ្វេសប៊ុករបស់លោក។ ចំពោះវត្តមានទីលានចាក់សំរាមថ្មីនេះដែរ នឹងអនុញ្ញាតឲ្យមានការគ្រប់គ្រងសំរាម ឲ្យកាន់តែមានប្រសិទ្ធិភាពខ្ពស់។ នេះជាការបញ្ជាក់បន្ថែមរបស់លោក គឹម ឆៃហៀង។
នៅក្នុងខេត្តទេសចរណ៍សៀមរាប ក្នុងមួយថ្ងៃមានសំរាមជិត៣០តោន។ ក្នុងនោះក្រុមហ៊ុនប្រមូលសំរាម ធ្វើការប្រមូលបានជាងពាក់កណ្តាលប៉ុណ្ណោះ ហើយមួយចំណែកទៀតត្រូវបានប្រជាពលរដ្ឋប្រមូលដុត និងខ្លះទៀត ក៏បោះចោលពាសវាលពាសកាល ដូចជាតាមប្រព័ន្ធប្រឡាយលូជាដើម។ តាមគម្រោងទីលានចាក់សំរាមថ្មីនេះ លោកអភិបាលរងខេត្តរំពឹងថា នឹងអាចរួមចំណែកកែលម្អបញ្ហាអនាម័យក្នុងខេត្តសៀមរាប ឲ្យបានកាន់តែប្រសើរជាងមុនៗ ខណៈពេលបច្ចុប្បន្ននេះ បញ្ហាមួយនេះកំពុងនៅចោទនៅឡើយ៕
ដោយសារទីតាំងចាក់សំរាមបច្ចុប្បន្នដែលស្ថិតនៅឃុំត្រពាំងធំ ស្រុកប្រាសាទបាគង បានពេញទៅហើយ ណាមួយវាស្ថិតនៅកៀកនឹងដីភូមិផងនោះ អាជ្ញាធរខេត្តសៀមរាប ក្រោមជំនួយរបស់កូរ៉េ នឹងធ្វើការសាងសង់ទីលានចាក់សំរាមថ្មី ដើម្បីរំដោះកន្លែងចាស់។ ទីលានចាក់សំរាមថ្មី គ្រោងនឹងសាងសង់នៅលើដីវាល ទំហំប្រមាណ៣០ហិកតា នៅតំបន់រុនតាឯក ស្រុកបន្ទាយស្រី។ តាមគម្រោង ទីលានចាក់សំរាមថ្មីនេះ គ្រោងនឹងចំណាយថវិកាប្រមាណ ១៣លានដុល្លារសហរដ្ឋអាមេរិក។ នេះបើតាមការបញ្ជាក់របស់លោក គឺម ឆៃហៀង អភិបាលរងខេត្តសៀមរាប។
លោក គឹម ឆៃហៀង ក្នុងបទសម្ភាសន៍នឹងក្រុមអ្នកសារព័ត៌មានកាលពីពេលថ្មីៗនេះ បានបញ្ជាក់ថា ទីលានចាក់សំរាមថ្មី គ្រោងនឹងមានបច្ចេកគ្រប់គ្រងកាកសំណល់រឹង ដើម្បីកែច្នៃនៅពេលអនាគតផង។ «អនាគត ខេត្តសៀមរាបនឹងមានកន្លែងរោងចក្រកែច្នៃសំរាមទៅជាជីរកំប៉ុស្តិនិងទៅជាហ្គាស និងមួយចំណែកទៀតអាចយកមកប្រើប្រាស់ជាថ្មីបាន»។ នេះជាការបញ្ជាក់របស់ លោក គឹម ឆៃហៀង អភិបាលរងខេត្តសៀមរាប ក្នុងទំព័រហ្វេសប៊ុករបស់លោក។ ចំពោះវត្តមានទីលានចាក់សំរាមថ្មីនេះដែរ នឹងអនុញ្ញាតឲ្យមានការគ្រប់គ្រងសំរាម ឲ្យកាន់តែមានប្រសិទ្ធិភាពខ្ពស់។ នេះជាការបញ្ជាក់បន្ថែមរបស់លោក គឹម ឆៃហៀង។
នៅក្នុងខេត្តទេសចរណ៍សៀមរាប ក្នុងមួយថ្ងៃមានសំរាមជិត៣០តោន។ ក្នុងនោះក្រុមហ៊ុនប្រមូលសំរាម ធ្វើការប្រមូលបានជាងពាក់កណ្តាលប៉ុណ្ណោះ ហើយមួយចំណែកទៀតត្រូវបានប្រជាពលរដ្ឋប្រមូលដុត និងខ្លះទៀត ក៏បោះចោលពាសវាលពាសកាល ដូចជាតាមប្រព័ន្ធប្រឡាយលូជាដើម។ តាមគម្រោងទីលានចាក់សំរាមថ្មីនេះ លោកអភិបាលរងខេត្តរំពឹងថា នឹងអាចរួមចំណែកកែលម្អបញ្ហាអនាម័យក្នុងខេត្តសៀមរាប ឲ្យបានកាន់តែប្រសើរជាងមុនៗ ខណៈពេលបច្ចុប្បន្ននេះ បញ្ហាមួយនេះកំពុងនៅចោទនៅឡើយ៕
© រក្សាសិទ្ធិដោយ thmeythmey.com
