ជាតិ
×![]()
ដោយ: ថ្មីៗ
ភ្នំពេញ៖ កម្មករនិយោជិតចំនួន ១៣០នាក់ បានស្លាប់ ចំណោមកម្មករនិយោជិតរងគ្រោះសរុបចំនួន ៧៣៥៧នាក់ ក្នុងករណីគ្រោះថ្នាក់ចរាចរណ៍ក្នុងឆ្នាំ២០១៥ ចំនួន ៦៤៩១ករណី ។ បើប្រៀបធៀបនឹងឆ្នាំ២០១៤ ចំនួនករណីគ្រោះថ្នាក់ចរាចរណ៍ឆ្នាំ ២០១៥នេះកើនឡើង ២៦៩១ករណី ក្នុងនោះ ស្លាប់កើនចំនួន ៥៧នាក់។ នេះបើតាមប្រសាសន៍លោក សេង សក្តា អគ្គនាយកនៃអគ្គនាយកដ្ឋានការងារ។
លោក សេង សក្តា អគ្គនាយកនៃអគ្គនាយកដ្ឋានការងារនិងជាប្រធានក្រុមប្រឹក្សាភិបាល នៃបេឡាជាតិរបបសន្តិសុខសង្គម(ប.ស.ស)បានថ្លែងថា កម្មករនិយោជិតចំនួន ៧៣៥៧នាក់ បានរងគ្រោះដោយសារករណីគ្រោះថ្នាក់ចរាចរណ៍ចំនួន ៦៤៩១ករណីក្នុងនោះ កម្មករនិយោជិតចំនួន ១៣០នាក់បានស្លាប់ និង ៧២២៧ រងរបួសធ្ងន់ស្រាល។ លោកបញ្ជាក់ថាថា មធ្យោបាយធ្វើដំណើររបស់កម្មករនិយោជិតដែលអត្រាស្លាប់ច្រើនជាងគេមានដូចជា ម៉ូតូមានចំនួន ៩០នាក់ រថយន្ត ៣៣នាក់ និងដោយមធ្យោបាយផ្សេងៗទៀតចំនួន ៧នាក់។
លោកបន្តថ្លែងក្នុងពិធីប្រជុំបូកសរុបលទ្ធផលការងារឆ្នាំ២០១៥និងទិសដៅអនុវត្តបន្តរបស់ក្រុមការងារសុវត្ថិភាពចរាចរណ៍ផ្លូវគោកសម្រាប់គាំពារកម្មករនិយោជិត (ស.ផ.ក) នៅថ្ងៃទី០៤ ខែកុម្ភៈ ឆ្នាំ២០១៦នេះថា មូលហេតុចម្បងដែលបង្កឲ្យមានគ្រោះថ្នាក់ចរាចរណ៍ រួមមាន បើកបរហួស ល្បឿនកំណត់ បើកបរក្នុងស្ថានភាពស្រវឹង ប្រជែងក្នុងស្ថានភាពគ្រោះថ្នាក់ មិនគោរពសិទ្ធិ អាទិភាព និងបើកបរមិនប្រកាន់ស្តាំ ជាដើម។ រីឯកត្តាយានយន្តមានចំនួន ២ភាគរយ កត្តាផ្លូវ ១ភាគរយ និងកត្តាផ្សេងៗចំនួន ៣ភាគរយ។
លោកនិយាយយ៉ាងដូច្នេះថា៖«ពិនិត្យជារួម ឆ្លងតាមការខិតខំប្រឹងប្រែងបំពេញការងាររបស់ក្រុមការងារ ស.ផ.ក យើងឃើញថា នៅក្នុងឆ្នាំ ២០១៥នេះ អត្រាគ្រោះថ្នាក់ចរាចរណ៍លើកមធ្យោបាយធ្វើដំណើររបស់កម្មករបណ្តាលមកពីយានយន្តដឹកកម្មករមានចំនួន ៥៣ភាគរយ និងយានយន្តដទៃចំនួន ៤៧ភាគរយ»។
បើតាមការប្រៀបធៀបទិន្នន័យកម្មករនិយោជិតគ្រោះថ្នាក់ចរាចរណ៍របស់បេឡាជាតិសន្តិសុខសង្គមឆ្នាំ២០១៤ ករណីគ្រោះថ្នាក់ចរាចរណ៍ក្នុងឆ្នាំ ២០១៥ មានចំនួន ៦៤៩១ករណី កើនឡើង ២៦៩១ករណី ក្នុងនោះ ជនរងគ្រោះសរុបចំនួន ៧៣៥៧នាក់ កើនឡើង ២៦២០នាក់ ស្លាប់ចំនួន ១៣០កើនឡើង ៥៧នាក់ អ្នកបួសធ្ងន់ចំនួន ១០៦៨នាក់ កើនឡើង ២៧៩នាក់ និងរបួសស្រាលចំនួន៦១៥៩នាក់ កើនឡើងចំនួន២២៨៤នាក់។
លោក សេង សក្តា បានលើកឡើងពីបញ្ហាប្រឈមចំនួនបង្កឲ្យមានគ្រោះថ្នាក់ចរាចរណ៍ ដូចជា អ្នកបើកបរដឹកកម្មករនិយោជិតភាគច្រើន មិនស្ថិតនៅក្រោមការគ្រប់គ្រងរបស់រោងចក្រសហគ្រាស, អ្នកប្រើប្រាស់ផ្លូវមួយចំនួនតូចមិនសូវយកចិត្តទុកដាក់ ចំពោះការគោរព ច្បាប់ស្តីពីចរាចរណ៍ផ្លូវគោក, អ្នកបើកបរមានប័ណ្ណបើកបរមិនត្រូវតាមប្រភេទយានយន្ត, អ្នកបើកបរពុំបានឆ្លងកាត់សាលាបង្រៀនបើកបរត្រឹមត្រូវ, យានយន្តចាស់ទ្រុឌទ្រោម, និងយានយន្តកែច្នៃពុំមានការត្រួតពិនិត្យតាមលក្ខណៈបច្ចេកទេស ជាដើម។
បើយោងតាមរបាយការណ៍គ្រោះថ្នាក់ចរាចរណ៍របស់នាយកដ្ឋាននគរបាលជាតិ និងសណ្តាប់ធ្នាប់សាធារណៈ បច្ចុប្បន្ន រថយន្តដឹកកម្មករទូទាំងប្រទេស មានចំនួន ៣៥៩១គ្រឿង តាមបណ្តារោងចក្រចំនួន ៣០៧ ៕
លោក សេង សក្តា អគ្គនាយកនៃអគ្គនាយកដ្ឋានការងារនិងជាប្រធានក្រុមប្រឹក្សាភិបាល នៃបេឡាជាតិរបបសន្តិសុខសង្គម(ប.ស.ស)បានថ្លែងថា កម្មករនិយោជិតចំនួន ៧៣៥៧នាក់ បានរងគ្រោះដោយសារករណីគ្រោះថ្នាក់ចរាចរណ៍ចំនួន ៦៤៩១ករណីក្នុងនោះ កម្មករនិយោជិតចំនួន ១៣០នាក់បានស្លាប់ និង ៧២២៧ រងរបួសធ្ងន់ស្រាល។ លោកបញ្ជាក់ថាថា មធ្យោបាយធ្វើដំណើររបស់កម្មករនិយោជិតដែលអត្រាស្លាប់ច្រើនជាងគេមានដូចជា ម៉ូតូមានចំនួន ៩០នាក់ រថយន្ត ៣៣នាក់ និងដោយមធ្យោបាយផ្សេងៗទៀតចំនួន ៧នាក់។
លោកបន្តថ្លែងក្នុងពិធីប្រជុំបូកសរុបលទ្ធផលការងារឆ្នាំ២០១៥និងទិសដៅអនុវត្តបន្តរបស់ក្រុមការងារសុវត្ថិភាពចរាចរណ៍ផ្លូវគោកសម្រាប់គាំពារកម្មករនិយោជិត (ស.ផ.ក) នៅថ្ងៃទី០៤ ខែកុម្ភៈ ឆ្នាំ២០១៦នេះថា មូលហេតុចម្បងដែលបង្កឲ្យមានគ្រោះថ្នាក់ចរាចរណ៍ រួមមាន បើកបរហួស ល្បឿនកំណត់ បើកបរក្នុងស្ថានភាពស្រវឹង ប្រជែងក្នុងស្ថានភាពគ្រោះថ្នាក់ មិនគោរពសិទ្ធិ អាទិភាព និងបើកបរមិនប្រកាន់ស្តាំ ជាដើម។ រីឯកត្តាយានយន្តមានចំនួន ២ភាគរយ កត្តាផ្លូវ ១ភាគរយ និងកត្តាផ្សេងៗចំនួន ៣ភាគរយ។
លោកនិយាយយ៉ាងដូច្នេះថា៖«ពិនិត្យជារួម ឆ្លងតាមការខិតខំប្រឹងប្រែងបំពេញការងាររបស់ក្រុមការងារ ស.ផ.ក យើងឃើញថា នៅក្នុងឆ្នាំ ២០១៥នេះ អត្រាគ្រោះថ្នាក់ចរាចរណ៍លើកមធ្យោបាយធ្វើដំណើររបស់កម្មករបណ្តាលមកពីយានយន្តដឹកកម្មករមានចំនួន ៥៣ភាគរយ និងយានយន្តដទៃចំនួន ៤៧ភាគរយ»។
បើតាមការប្រៀបធៀបទិន្នន័យកម្មករនិយោជិតគ្រោះថ្នាក់ចរាចរណ៍របស់បេឡាជាតិសន្តិសុខសង្គមឆ្នាំ២០១៤ ករណីគ្រោះថ្នាក់ចរាចរណ៍ក្នុងឆ្នាំ ២០១៥ មានចំនួន ៦៤៩១ករណី កើនឡើង ២៦៩១ករណី ក្នុងនោះ ជនរងគ្រោះសរុបចំនួន ៧៣៥៧នាក់ កើនឡើង ២៦២០នាក់ ស្លាប់ចំនួន ១៣០កើនឡើង ៥៧នាក់ អ្នកបួសធ្ងន់ចំនួន ១០៦៨នាក់ កើនឡើង ២៧៩នាក់ និងរបួសស្រាលចំនួន៦១៥៩នាក់ កើនឡើងចំនួន២២៨៤នាក់។
លោក សេង សក្តា បានលើកឡើងពីបញ្ហាប្រឈមចំនួនបង្កឲ្យមានគ្រោះថ្នាក់ចរាចរណ៍ ដូចជា អ្នកបើកបរដឹកកម្មករនិយោជិតភាគច្រើន មិនស្ថិតនៅក្រោមការគ្រប់គ្រងរបស់រោងចក្រសហគ្រាស, អ្នកប្រើប្រាស់ផ្លូវមួយចំនួនតូចមិនសូវយកចិត្តទុកដាក់ ចំពោះការគោរព ច្បាប់ស្តីពីចរាចរណ៍ផ្លូវគោក, អ្នកបើកបរមានប័ណ្ណបើកបរមិនត្រូវតាមប្រភេទយានយន្ត, អ្នកបើកបរពុំបានឆ្លងកាត់សាលាបង្រៀនបើកបរត្រឹមត្រូវ, យានយន្តចាស់ទ្រុឌទ្រោម, និងយានយន្តកែច្នៃពុំមានការត្រួតពិនិត្យតាមលក្ខណៈបច្ចេកទេស ជាដើម។
បើយោងតាមរបាយការណ៍គ្រោះថ្នាក់ចរាចរណ៍របស់នាយកដ្ឋាននគរបាលជាតិ និងសណ្តាប់ធ្នាប់សាធារណៈ បច្ចុប្បន្ន រថយន្តដឹកកម្មករទូទាំងប្រទេស មានចំនួន ៣៥៩១គ្រឿង តាមបណ្តារោងចក្រចំនួន ៣០៧ ៕
Tag:
បេឡាសន្តិសុខសង្គម
កម្មករ
គ្រោះថ្នាក់ចរាចរណ៍
© រក្សាសិទ្ធិដោយ thmeythmey.com
