ជាតិ
ព្រឹទ្ធសភាបន្តពិនិត្យសេចក្តីព្រាងច្បាប់ស្តីពី គណនេយ្យ និងសវនកម្ម នៅថ្ងៃទី៥ កុម្ភៈនេះ
× ភ្នំពេញ៖ គណៈកម្មាធិការអចិន្ត្រៃយ៍ព្រឹទ្ធសភា បានបន្តពិនិត្យ និងឲ្យយោបល់របៀបវារៈមានតែមួយ គឺលើសេចក្តីព្រាងច្បាប់ស្តីពី គណនេយ្យ និងសវនកម្ម ក្នុងសម័យប្រជុំលើកទី៨ នីតិកាលទី៣ នៃព្រឹទ្ធសភា នៅព្រឹកថ្ងៃសុក្រទី០៥ ខែកុម្ភៈ ឆ្នាំ២០១៦ នៅវិមានព្រឹទ្ធសភា។
បើតាមសេចក្តីជូនដំណឹងស្តីពី លទ្ធផលនៃកិច្ចប្រជុំគណៈកម្មាធិការអចិន្រៃ្តយ៍ព្រឹទ្ធសភា ចុះថ្ងៃទី០៤ ខែកុម្ភៈ របស់អគ្គលេខាធិការដ្ឋានព្រឹទ្ធសភា កិច្ចប្រជុំរបស់គណៈកម្មាធិការអចិន្ត្រៃយ៍ព្រឹទ្ធសភាប្រព្រឹត្តទៅដោយមានវត្តមានសម្តេច សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា។
ជាមួយគ្នាដែរ នៅថ្ងៃទី៤ កុម្ភៈ គណៈកម្មាធិការអចិន្ត្រៃយ៍ព្រឹទ្ធសភា ក៏បានពិនិត្យ និងយល់ព្រមលើរបាយការណ៍អនុវត្តចំណូលចំណាយថវិកាជាតិរបស់ព្រឹទ្ធសភាឆ្នាំ ២០១៥ និងគម្រោងប្រើប្រាស់កញ្ចប់ថវិកាឆ្នាំ ២០១៦ របស់ព្រឹទ្ធសភា។ ព្រឹទ្ធសភាបានសម្រេចប្រគល់ភារកិច្ចគណៈកម្មការសេដ្ឋកិច្ច ហិរញ្ញវត្ថុ ធនាគារនិងសវនកម្ម និងអគ្គលេខាធិការដ្ឋានព្រឹទ្ធសភាបន្តនីតិវិធី និងបែបបទ ដើម្បីអនុវត្តសេចក្តីសម្រេចខាងលើនេះ៕
© រក្សាសិទ្ធិដោយ thmeythmey.com