ជាតិ
បេឡាជាតិចំណាយលុយជាង៣លានដុល្លារជួយកម្មកររងគ្រោះការងារ ក្នុងឆ្នាំ២០១៥
×![]()
ភ្នំពេញ៖ លោក សេង សក្តា អគ្គនាយកនៃអគ្គនាយកដ្ឋានការងារ និងជាប្រធានក្រុមប្រឹក្សាភិបាលនៃបេឡាជាតិរបបសន្តិសុខសង្គម (ប.ស.ស) បាននិយាយថា ប.ស.ស បានចំណាយថវិកាចំនួន ១២,០៥៨,៣៨៤,៣០០រៀល ស្មើប្រមាណ ៣លានដុល្លារអាមេរិក សម្រាប់ជួយកម្មករនិយោជិតដែលរងគ្រោះការងារ ក្នុងឆ្នាំ២០១៥។
លោក សេង សក្តា បានថ្លែងក្នុងពិធីប្រជុំបូកសរុបលទ្ធផលការងារឆ្នាំ ២០១៥ និងទិសដៅអនុវត្តបន្តរបស់ក្រុមការងារសុវត្ថិភាពចរាចរណ៍ផ្លូវគោកសម្រាប់គាំពារកម្មករនិយោជិត (ស.ផ.ក) នៅថ្ងៃទី៤ ខែកុម្ភៈនេះថា តាមរបាយការណ៍ហានិភ័យការងារដែលបេឡាជាតិរបបសន្តិសុខសង្គម (ប.ស.ស) បានទទួលក្នុងឆ្នាំ ២០១៥នេះ កម្មករនិយោជិតចំនួន ៣០,៩១៩នាក់រងគ្រោះការងារ ក្នុងនោះ កម្មករនិយោជិតគ្រោះថ្នាក់កន្លែងធ្វើការចំនួន ២២,៤៨៧នាក់ គ្រោះថ្នាក់ពេលធ្វើដំណើរចំនួន ៧,៧៩១នាក់ និងជំងឺវិជ្ជាជីវៈចំនួន ៣នាក់។
លោកថ្លែងយ៉ាងដូច្នេះថា៖«ប.ស.ស បានចេញសេចក្តីសម្រេចផ្តល់តាវកាលិកហានិភ័យការងារជូនកម្មករនិយោជិតដែលរងគ្រោះថ្នាក់ការងារ សម្រាប់ការព្យាបាលនៅតាមមន្ទីរពេទ្យ សម្រាប់ថែទាំ ការបាត់បង់សមត្ថភាពការងារបណ្តោះអាសន្ន បាត់បង់សមត្ថភាពការងារ អចិន្ត្រៃយ៍ វិភាជន៍បូជាសព ឧត្តរជីវី តាវកាលិកអ្នកចាំថែរក្សា សេវាបុននីតិសម្បទា (សិទ្ធិទទួលបានឧបករណ៍ ឬ អវៈយវៈសិប្បនិម្មិត) និងការចំណាយទៅលើមូលដ្ឋានសុខាភិបាល»។
កម្មករនិយោជិតទាំងអស់នៃសហគ្រាស គ្រឹះស្ថាន ដែលបានចុះបញ្ជិកាក្នុងបេឡាជាតិរបបសន្តិសុខសង្គម មានសិទ្ធិទទួលបានតាវកាលិកហានិយភ័យការងារ នៅពេលដែលសាមីជនទទួលរងនូវហានិភ័យការងារ ។ មន្ទីរពេទ្យ ឬ មន្ទីរពហុព្យាបាល ឬ គ្រូពេទ្យព្យាបាល ត្រូវទទួលស្គាល់ពីបេឡាជាតិរបបសន្តិសុខសង្គម ។
លោក សេង សក្តា បន្តថា៖«ការធានារ៉ាប់រងនេះ គឺផ្តល់ទៅលើហានិភ័យការងារ ឬហៅថាគ្រោះថ្នាក់ ការងារ រួមមាន គ្រោះថ្នាក់នៅកន្លែងការងារ ពេលធ្វើដំណើរ និងជំងឺវិជ្ជាជីវៈ»។
បើតាមប្រធានក្រុមប្រឹក្សាភិបាល នៃបេឡាជាតិរបបសន្តិសុខសង្គម បច្ចុប្បន្ន ប.ស.ស មានសាខា ២៥រាជធានី/ខេត្ត និងបានចុះបញ្ជិសហគ្រាសគ្រឹះស្ថានចំនួន ៧៧៩៦ សហគ្រាស និងកម្មកនិយោជិតចំនួន ១,០៧៧,០៧៩នាក់ ក្នុងនោះ ស្រីចំនួន ៧៦២,០១៣នាក់៕
លោក សេង សក្តា បានថ្លែងក្នុងពិធីប្រជុំបូកសរុបលទ្ធផលការងារឆ្នាំ ២០១៥ និងទិសដៅអនុវត្តបន្តរបស់ក្រុមការងារសុវត្ថិភាពចរាចរណ៍ផ្លូវគោកសម្រាប់គាំពារកម្មករនិយោជិត (ស.ផ.ក) នៅថ្ងៃទី៤ ខែកុម្ភៈនេះថា តាមរបាយការណ៍ហានិភ័យការងារដែលបេឡាជាតិរបបសន្តិសុខសង្គម (ប.ស.ស) បានទទួលក្នុងឆ្នាំ ២០១៥នេះ កម្មករនិយោជិតចំនួន ៣០,៩១៩នាក់រងគ្រោះការងារ ក្នុងនោះ កម្មករនិយោជិតគ្រោះថ្នាក់កន្លែងធ្វើការចំនួន ២២,៤៨៧នាក់ គ្រោះថ្នាក់ពេលធ្វើដំណើរចំនួន ៧,៧៩១នាក់ និងជំងឺវិជ្ជាជីវៈចំនួន ៣នាក់។
លោកថ្លែងយ៉ាងដូច្នេះថា៖«ប.ស.ស បានចេញសេចក្តីសម្រេចផ្តល់តាវកាលិកហានិភ័យការងារជូនកម្មករនិយោជិតដែលរងគ្រោះថ្នាក់ការងារ សម្រាប់ការព្យាបាលនៅតាមមន្ទីរពេទ្យ សម្រាប់ថែទាំ ការបាត់បង់សមត្ថភាពការងារបណ្តោះអាសន្ន បាត់បង់សមត្ថភាពការងារ អចិន្ត្រៃយ៍ វិភាជន៍បូជាសព ឧត្តរជីវី តាវកាលិកអ្នកចាំថែរក្សា សេវាបុននីតិសម្បទា (សិទ្ធិទទួលបានឧបករណ៍ ឬ អវៈយវៈសិប្បនិម្មិត) និងការចំណាយទៅលើមូលដ្ឋានសុខាភិបាល»។
កម្មករនិយោជិតទាំងអស់នៃសហគ្រាស គ្រឹះស្ថាន ដែលបានចុះបញ្ជិកាក្នុងបេឡាជាតិរបបសន្តិសុខសង្គម មានសិទ្ធិទទួលបានតាវកាលិកហានិយភ័យការងារ នៅពេលដែលសាមីជនទទួលរងនូវហានិភ័យការងារ ។ មន្ទីរពេទ្យ ឬ មន្ទីរពហុព្យាបាល ឬ គ្រូពេទ្យព្យាបាល ត្រូវទទួលស្គាល់ពីបេឡាជាតិរបបសន្តិសុខសង្គម ។
លោក សេង សក្តា បន្តថា៖«ការធានារ៉ាប់រងនេះ គឺផ្តល់ទៅលើហានិភ័យការងារ ឬហៅថាគ្រោះថ្នាក់ ការងារ រួមមាន គ្រោះថ្នាក់នៅកន្លែងការងារ ពេលធ្វើដំណើរ និងជំងឺវិជ្ជាជីវៈ»។
បើតាមប្រធានក្រុមប្រឹក្សាភិបាល នៃបេឡាជាតិរបបសន្តិសុខសង្គម បច្ចុប្បន្ន ប.ស.ស មានសាខា ២៥រាជធានី/ខេត្ត និងបានចុះបញ្ជិសហគ្រាសគ្រឹះស្ថានចំនួន ៧៧៩៦ សហគ្រាស និងកម្មកនិយោជិតចំនួន ១,០៧៧,០៧៩នាក់ ក្នុងនោះ ស្រីចំនួន ៧៦២,០១៣នាក់៕
Tag:
បេឡាសន្តិសុខសង្គម
កម្មករ
© រក្សាសិទ្ធិដោយ thmeythmey.com
