ក្លិបណាហ្គាវើល បានប្រកាសពីកិច្ចព្រមព្រៀងជាមួយអតីតកីឡាករយុវជនជម្រើសជាតិកូរ៉េខាងត្បូង Park Yong Jun សម្រាប់ការប្រកួតប្រជែងក្នុងពានរង្វាន់មិត្តហ្វូនខេមបូឌានលីកនាពេលខាងមុខ។
យោងតាមហ្វេសប៊ុកផ្លូវការរបស់ណាហ្គាវើល Park Yong Jun ពាក់អាវលេខ៧៧ ។ កីឡាករដែលលេងនៅតំបន់ស្លាបរូបនេះ ជាអតីតសមាជិកជម្រើសជាតិ U-19 និង U-20 របស់កូរ៉េខាងត្បូងចន្លោះពីឆ្នាំ២០១២ ដល់ឆ្នាំ២០១៣ ។ Yong Jun ក៏ជាសមាជិកម្នាក់នៃឈុត U-20 World Cup របស់កូរ៉េខាងត្បូងនាព្រឹត្តិការណ៍កាលពីឆ្នាំ២០១៣ នៅប្រទេសតួកគី។
នៅឆ្នាំ២០១៣ ផងដែរ Yong Jun លេងឲ្យក្លិប Suwon Samsung Bluewings នៃក្របខណ្ឌកំពូលកូរ៉េខាងត្បូង K League Classic មុនលេងឲ្យក្លិប Buncheon 1995 FC នៃក្របខណ្ឌលំដាប់ទី២ K League Challenge ពីរដូវកាលឆ្នាំ២០១៤ ដល់ឆ្នាំ២ឥ១៥ ៕