ជាតិ
កូរ៉េជួយ១៣លានដុល្លារ ដើម្បីសាងសង់ទីលានចាក់សំរាម និងរោងចក្រកែច្នៃនៅសៀមរាប
×![]()
ដោយ: ថ្មីៗ
ភ្នំពេញ៖ រដ្ឋាភិបាលកូរ៉េបានផ្តល់ជំនួយចំនួន ១៣លានដុល្លារអាមេរិកដល់កម្ពុជា ដើម្បីសាងសង់ទីលានចាក់សំរាម និងរោងចក្រកែច្នៃសំរាមនៅខេត្តសៀមរាប។ អភិបាលខេត្តសៀមរាប បញ្ជាក់ថា ទីតាំងនៃគម្រោងមួយនេះ មានទំហំដី ៣០ហិកតា ក្នុងស្រុកបន្ទាយស្រី។ រោងចក្រកែច្នៃសំរាមមួយនេះ អាចកែច្នៃកាកសំណល់ឱ្យទៅជារបស់ប្រើប្រាស់ផ្សេងៗ ក្នុងមួយថ្ងៃ ៣០០តោន។
តាមលោក គឹម ឆៃហៀង អភិបាលខេត្តសៀមរាប គម្រោងសាងសង់ទីលានចាក់សំរាម និងរោងចក្រកែច្នៃ ដែលចំណាយប្រាក់ចំនួន ១៣លានដុល្លារអាមេរិកនេះ អាចនឹងចាប់ផ្តើមដំណើការក្នុងខែមីនាឆ្នាំ២០១៦ខាងមុខ។ ទីតាំងនៃការកសាងនេះមានទំហំផ្ទៃដីចំនួន ៣០ហិកតា ស្ថិតនៅឃុំរុនតាឯក ស្រុកបន្ទាយស្រី ដែលមានចម្ងាយ៣០គីឡូម៉ែត្រពីទីរួមខេត្ត។ លោក បញ្ជាក់ថា សម្រាប់គម្រោងសាងសង់នេះផ្នែកបច្ចេកទេស និងការគ្រប់គ្រងមួយចំនួនធំ ក្នុងជំហានដំបូងគឺខាងភាគីកូរ៉េជាអ្នកអនុវត្តន៍ទាំងអស់។ លោកអភិបាល រំពឹងទុកថាបន្ទាប់ពីទីលានចាក់សំរាមនិងកែច្នៃនេះ ត្រូវបានសាងសង់រួចរាល់ ការគ្រប់គ្រងសំរាមនៅក្នុងក្រុងសៀមរាប នឹងមានភាពល្អប្រសើរ ហើយបរិស្ថាននឹងមានភាពស្រស់ស្អាត។
បើយោងតាមរបាយការណ៍របស់មន្ទីរបរិស្ថានខេត្តសៀមរាប ខេត្តទេសចរណ៍មួយនេះ មានសំរាមប្រមាណជា២៧០តោន ក្នុងមួយថ្ងៃ។ក្រុមហ៊ុនប្រមូលសំរាម ប្រមូល និងដឹកជញ្ជូនចេញបានតែ៦០ទៅ៧០ភាគរយប៉ុណ្ណោះ។ ចំណែកសំរាមដែលនៅសល់ ត្រូវបានប្រជាពលរដ្ឋយកទៅដុតកប់ ឬបោះចោលនៅតាមដងផ្លូវ ឫក្នុងប្រឡាយទឹកដែលកំពុងតែធ្វើឱ្យមានហានិភ័យដល់បរិស្ថាន សុខភាព និងការរស់នៅរបស់ប្រជាពលរដ្ឋ។
រោងចក្រកែច្នៃសំរាមមួយនេះ មានលទ្ធភាពកែច្នៃកាកសំណល់ ឱ្យទៅជារបស់ប្រើប្រាស់ផ្សេងៗ ក្នុងមួយថ្ងៃ បានរហូតដល់៣០០តោន៕
ប្រភពពី AKP
តាមលោក គឹម ឆៃហៀង អភិបាលខេត្តសៀមរាប គម្រោងសាងសង់ទីលានចាក់សំរាម និងរោងចក្រកែច្នៃ ដែលចំណាយប្រាក់ចំនួន ១៣លានដុល្លារអាមេរិកនេះ អាចនឹងចាប់ផ្តើមដំណើការក្នុងខែមីនាឆ្នាំ២០១៦ខាងមុខ។ ទីតាំងនៃការកសាងនេះមានទំហំផ្ទៃដីចំនួន ៣០ហិកតា ស្ថិតនៅឃុំរុនតាឯក ស្រុកបន្ទាយស្រី ដែលមានចម្ងាយ៣០គីឡូម៉ែត្រពីទីរួមខេត្ត។ លោក បញ្ជាក់ថា សម្រាប់គម្រោងសាងសង់នេះផ្នែកបច្ចេកទេស និងការគ្រប់គ្រងមួយចំនួនធំ ក្នុងជំហានដំបូងគឺខាងភាគីកូរ៉េជាអ្នកអនុវត្តន៍ទាំងអស់។ លោកអភិបាល រំពឹងទុកថាបន្ទាប់ពីទីលានចាក់សំរាមនិងកែច្នៃនេះ ត្រូវបានសាងសង់រួចរាល់ ការគ្រប់គ្រងសំរាមនៅក្នុងក្រុងសៀមរាប នឹងមានភាពល្អប្រសើរ ហើយបរិស្ថាននឹងមានភាពស្រស់ស្អាត។
បើយោងតាមរបាយការណ៍របស់មន្ទីរបរិស្ថានខេត្តសៀមរាប ខេត្តទេសចរណ៍មួយនេះ មានសំរាមប្រមាណជា២៧០តោន ក្នុងមួយថ្ងៃ។ក្រុមហ៊ុនប្រមូលសំរាម ប្រមូល និងដឹកជញ្ជូនចេញបានតែ៦០ទៅ៧០ភាគរយប៉ុណ្ណោះ។ ចំណែកសំរាមដែលនៅសល់ ត្រូវបានប្រជាពលរដ្ឋយកទៅដុតកប់ ឬបោះចោលនៅតាមដងផ្លូវ ឫក្នុងប្រឡាយទឹកដែលកំពុងតែធ្វើឱ្យមានហានិភ័យដល់បរិស្ថាន សុខភាព និងការរស់នៅរបស់ប្រជាពលរដ្ឋ។
រោងចក្រកែច្នៃសំរាមមួយនេះ មានលទ្ធភាពកែច្នៃកាកសំណល់ ឱ្យទៅជារបស់ប្រើប្រាស់ផ្សេងៗ ក្នុងមួយថ្ងៃ បានរហូតដល់៣០០តោន៕
ប្រភពពី AKP
© រក្សាសិទ្ធិដោយ thmeythmey.com
