ជាតិ
សង្គមជាតិ
សម្តេច ស ខេង បញ្ជាឲ្យអភិបាលខេត្តសៀមរាបបង្កើនការការពារផ្នែកសន្តិសុខដល់ភ្ញៀវទេសចរ
× សៀមរាប៖ នៅក្នុងកិច្ចប្រជុំបូកសរុបការងារប្រចាំឆ្នាំ២០១៥ របស់សាលាខេត្តសៀមរាបនៅរសៀលថ្ងៃទី៤ កុម្ភៈ សម្តេច ស ខេង រដ្ឋមន្ត្រីក្រសួងមហាផ្ទៃ ស្នើឲ្យអាជ្ញាធរខេត្តសៀមរាប ធ្វើយ៉ាងណាត្រូវពង្រឹង និងបង្កើនការការពារផ្នែកសន្តិសុខ សណ្តាប់ធ្នាប់ និងធានាសុវត្ថិភាពដល់ប្រជាពលរដ្ឋ ជាពិសេសភ្ញៀវទេសចរបរទេស ដែលមកកម្សាន្តក្នុងខេត្តសៀមរាប។ ចំណុចសំខាន់ៗ ដែលសម្តេច ស ខេង បានលើកឡើងនោះ រួមមានការទប់ស្កាត់ការប៉ងធ្វើភេវរកម្ម សកម្មភាពប៉ងធ្វើឲ្យមានភាពចលាចលក្នុងសង្គម អំពើឆក់ប្លន់ ការចរាចរណ៍គ្រឿងញៀន ចារកម្មផ្លូវភេទ។ល។
សម្តេច ស ខេង បានបញ្ជាក់ថា បើទោះជាកន្លងមក ខេត្តសៀមរាបពុំទាន់កើតមានអំពើប្លន់ប្រដាប់អាវុធទ្រង់ទ្រាយធំ ដូចបណ្តាខេត្តមួយចំនួនយ៉ាងណាក្តី ប៉ុន្តែត្រូវមានការប្រុងប្រយ័ត្នខ្ពស់ ដើម្បីធានាសុវត្ថិភាពដល់ភ្ញៀវទេសចរបរទេស ដែលមកកម្សាន្តខេត្តសៀមរាប រាប់លាននាក់ ក្នុងមួយឆ្នាំៗ ។ សម្តេច បន្តថា គេមិនត្រូវមើលស្រាលទៅលើបញ្ហាទាំងអស់នោះឡើយ។
សូមស្តាប់ប្រសាសន៍សម្តេច ស ខេង ដូចតទៅ
© រក្សាសិទ្ធិដោយ thmeythmey.com