ជាតិ
នាយករដ្ឋមន្ត្រីប្រាប់ពលរដ្ឋឲ្យប្រយ័ត្នអគ្គិភ័យកើតឡើងក្នុងពិធីចូលឆ្នាំចិន
× សម្តេច ហ៊ុន សែន បានផ្ញើសារទៅកាន់ប្រជាពលរដ្ឋឲ្យយកចិត្តទុកដាក់ខ្ពស់ ចំពោះអគ្គីភ័យ ដែលតែងតែបង្កហានីភ័យ ក្នុងឱកាសចូលឆ្នាំចិនខាងមុននេះ ។
នាយករដ្ឋមន្ត្រីកម្ពុជា បានលើកឡើងថា មូលហេតុចម្បងនៃការឆាប់ឆេះ ក្នុងពិធីបុណ្យចូលឆ្នាំចិន ជាញឹកញាប់តែងកើតឡើងពីការអុជធូបនិងទៀន ដើម្បីសែនដូនតា។ លើសពីនេះទៅទៀត ប្រមុខរដ្ឋាភិបាលកម្ពុជា ក៏បានក្រើនរម្លឹកដល់ប្រជាពលរដ្ឋឲ្យមានស្មារតីខ្ពស់ និងចូលរួមគោរពច្បាប់ចរាចរណ៍ទាំងអស់ ជាពិសេសក្នុងពិធីបុណ្យចូលឆ្នាំនេះតែម្តង ដើម្បីកាត់បន្ថយគ្រោះថ្នាក់លើដងផ្លូវឲ្យកាន់តែតិចជាងមុន។
នាយករដ្ឋមន្ត្រីរូបនេះ បញ្ជាក់ដូច្នេះថា៖«អ្វីដែលខ្ញុំចង់បាន គឺសូមឲ្យគោរពច្បាប់ចរាចរណ៍ទាំងអស់គ្នា និងក៏សូមអំពាវនាវឲ្យប្រយ័ត្ននឹងអគ្គិភ័យ ព្រោះថាឲ្យតែដល់ឆ្នាំចិន តែងតែមានអគ្គិភ័យ ហើយពេលសួរថា មកពីមូលហេតុអ្វី គឺមកពីសែនកុងម៉ា»។
សូមស្តាប់ប្រសាសន៍របស់ប្រមុខរដ្ឋាភិបាលកម្ពុជា ដែលបានថ្លែងក្នុងពិធីចែកសញ្ញាបត្រដល់និស្សិតជិត ៥ពាន់នាក់ នៃសាកលវិទ្យាល័យជាតិគ្រប់គ្រង នៅសាលមហោស្រពសន្និបាតកោះពេជ្រ នាពេលព្រឹកថ្ងៃទី ៤ កុម្ភៈនេះ ៖
© រក្សាសិទ្ធិដោយ thmeythmey.com