អន្តរជាតិ
×![]()
រដ្ឋមន្ត្រីការបរទេសចិនលោក វ៉ាង យី បានប្រកាសថា រដ្ឋាភិបាលចិននឹងផ្ដល់ជំនួយអាហារចំនួន១ម៉ឺនតោន ដល់ជនភៀសខ្លួនស៊ីរី ដែលកំពុងជួបប្រទះបញ្ហាស្បៀងអាហារ។ លោក វ៉ាងយី ដែលកំពុងចូលរួមសន្និសីទស្ដីពីស៊ីរី នៅទីក្រុងឡុងដ៍ ក៏បានស្នើឲ្យមានសន្តិភាពក្នុងប្រទេសស៊ីរី និងបញ្ឈប់បញ្ហាមនុស្សធម៌ដែលកំពុងកើតឡើង។ នេះបើយោងតាមទីភ្នាក់ងារព័ត៌មានចិន Xinhua។
សូមស្ដាប់ព័ត៌មានលម្អិត៖
ខណៈចូលរួមសន្និសីទស្ដីពីការគាំទ្រស៊ីរីនិងតំបន់នៅទីក្រុងឡុងដ៍ រដ្ឋមន្ត្រីការបរទេសចិន វ៉ាងយី បានប្រកាសផ្ដល់ជំនួយជាស្បៀងអាហារយ៉ាងច្រើនដល់ទៅ១ម៉ឺនតោន ទៅឲ្យប្រជាជនស៊ីរីដែលកំពុងរត់ភៀសខ្លួន។ ស្បៀងអាហារនេះ នឹងជួយសម្រួលដល់ស្ថានភាពខ្វះខាតអាហាររបស់ជនភៀសខ្លួនស៊ីរី បានមួយចំណែកដែរ។ រដ្ឋមន្ត្រីការបរទេសរូបនេះក៏បានបង្ហាញពីជំហរបស់ចិន លើការបង្កើនជំនួយ ក៏ដូចជាការស្វែងរកសន្តិភាពពិតប្រាកដនៅស៊ីរី។
ឆ្លៀតពេលនោះ លោក វ៉ាងយី បានលើកឡើងពីវិធានការចាំបាច់ ក្នុងការដោះស្រាយបញ្ហាមនុស្សធម៌នេះ។ លោកថា ដំណោះស្រាយចាំបាច់ មិនមែនតែចែកចាយជំនួយនោះទេ តែក៏ត្រូវស្វែងរកឬសគល់នៃបញ្ហាទាំងនោះ ហើយវិធានការបន្ទាន់នៅពេលនេះ គឺជួយពង្រឹងស្ថានភាពរស់នៅរបស់ជនភៀសខ្លួន និងអ្នកដែលគ្មានផ្ទះសម្បែង។ ជាមួយគ្នានោះ លោកក៏បានស្នើឲ្យភាគីទាំងអស់ គោរព និងអនុវត្តន៍តាមសេចក្ដីសម្រេច ក្នុងការសម្រួលដល់ការដឹកជញ្ជូនស្បៀងអាហារ ទៅដល់ដៃជនភៀសខ្លួនផងដែរ។
ក្រៅពីការប្រកាសផ្ដល់ជំនួយ រដ្ឋមន្ត្រីការបរទេសចិន ក៏បានសើ្នឲ្យចាប់ផ្ដើមការចរចាសន្តិភាពឡើងវិញដែរ ដោយផ្ដោតលើផលប្រយោជន៍រួម ជាជាងប្រយោជន៍ផ្ទាល់ខ្លួន។ លោក វ៉ាង បញ្ជាក់ថា សហគមន៍អន្តរជាតិ គួរតែប្រឹងប្រែងស្វែងរកដំណោះស្រាយនយោបាយសម្រាប់ស៊ីរី។ ការចរចាជារឿងដ៏សំខាន់ ក្នុងដំណើរការនយោបាយនៅស៊ីរី ហើយភាគីទាំងអស់ ត្រូវតែឆក់យកឱកាសចរចានេះ ដើម្បីបង្ហាញពីឆន្ទះរបស់ខ្លួន ក្នុងការរកដំណោះស្រាយ។
លើសពីនេះទៅទៀត បើតាម Xinhua នេះមិនមែនជាលើកទីមួយទេ ដែលរដ្ឋាភិបាលចិនផ្ដល់ជំនួយទៅស៊ីរី ក៏ដូចជាតំបន់មជ្ឈិមបូព៌ាទាំងមូល ដែលធ្វើឡើងតាមរយៈមធ្យោបាយផ្សេងៗ។ អំឡុងពេលកិច្ចប្រជុំG-20 ប្រធានាធិបតីចិន ស៊ី ជិនពីង បានផ្ដល់លុយចំនួន១០០លានដុល្លារទៅស៊ីរី សម្រាប់ដោះស្រាយវិបត្តិជនភៀសខ្លួន។ នៅពេលទស្សនកិច្ចទៅកាន់មជ្ឈិមបូព៌ានៅពេលថ្មីៗនេះ លោក ស៊ី ក៏បានប្រកាសផ្ដល់ប្រាក់២៣០លានយ័ន ដើម្បីដោះស្រាយបញ្ហាជនភៀសខ្លួន នៅតាមបណ្តាប្រទេសនានាក្នុងតំបន់។
សូមរម្លឹកថា វិបត្តិស៊ីរីបានឈានមកដល់ឆ្នាំទី៦ ខណៈជម្លោះនេះ បានបង្ខំឲ្យប្រជាជនស៊ីរីរាប់លាននាក់ចាកចេញពីផ្ទះសម្បែង និងបាត់បង់ទីលំនៅ។ ជាមួយនឹងការបាត់បង់ផ្ទះសម្បែង ជនភៀសខ្លួនទាំងនោះ ក៏រងនូវគ្រោះអត់ឃ្លាន ខ្វះចំណីអាហារ ជាពិសេសនៅតំបន់ដែលក្រុមឧទ្ទាមកាន់កាប់។ ទោះបីជាមានជំនួយបានទៅដល់តំបន់ខ្លះក៏ដោយ ជនរងគ្រោះភាគច្រើននៅតែប្រឈមមុខនឹងបញ្ហា ដ្បិតជម្លោះចេះតែអូសបន្លាយមិនងាយនឹងចប់ ហើយការចរចា នៅតែមិនច្បាស់លាស់ រកដំណោះស្រាយមិនឃើញ៕
សូមស្ដាប់ព័ត៌មានលម្អិត៖
ខណៈចូលរួមសន្និសីទស្ដីពីការគាំទ្រស៊ីរីនិងតំបន់នៅទីក្រុងឡុងដ៍ រដ្ឋមន្ត្រីការបរទេសចិន វ៉ាងយី បានប្រកាសផ្ដល់ជំនួយជាស្បៀងអាហារយ៉ាងច្រើនដល់ទៅ១ម៉ឺនតោន ទៅឲ្យប្រជាជនស៊ីរីដែលកំពុងរត់ភៀសខ្លួន។ ស្បៀងអាហារនេះ នឹងជួយសម្រួលដល់ស្ថានភាពខ្វះខាតអាហាររបស់ជនភៀសខ្លួនស៊ីរី បានមួយចំណែកដែរ។ រដ្ឋមន្ត្រីការបរទេសរូបនេះក៏បានបង្ហាញពីជំហរបស់ចិន លើការបង្កើនជំនួយ ក៏ដូចជាការស្វែងរកសន្តិភាពពិតប្រាកដនៅស៊ីរី។
ឆ្លៀតពេលនោះ លោក វ៉ាងយី បានលើកឡើងពីវិធានការចាំបាច់ ក្នុងការដោះស្រាយបញ្ហាមនុស្សធម៌នេះ។ លោកថា ដំណោះស្រាយចាំបាច់ មិនមែនតែចែកចាយជំនួយនោះទេ តែក៏ត្រូវស្វែងរកឬសគល់នៃបញ្ហាទាំងនោះ ហើយវិធានការបន្ទាន់នៅពេលនេះ គឺជួយពង្រឹងស្ថានភាពរស់នៅរបស់ជនភៀសខ្លួន និងអ្នកដែលគ្មានផ្ទះសម្បែង។ ជាមួយគ្នានោះ លោកក៏បានស្នើឲ្យភាគីទាំងអស់ គោរព និងអនុវត្តន៍តាមសេចក្ដីសម្រេច ក្នុងការសម្រួលដល់ការដឹកជញ្ជូនស្បៀងអាហារ ទៅដល់ដៃជនភៀសខ្លួនផងដែរ។
ក្រៅពីការប្រកាសផ្ដល់ជំនួយ រដ្ឋមន្ត្រីការបរទេសចិន ក៏បានសើ្នឲ្យចាប់ផ្ដើមការចរចាសន្តិភាពឡើងវិញដែរ ដោយផ្ដោតលើផលប្រយោជន៍រួម ជាជាងប្រយោជន៍ផ្ទាល់ខ្លួន។ លោក វ៉ាង បញ្ជាក់ថា សហគមន៍អន្តរជាតិ គួរតែប្រឹងប្រែងស្វែងរកដំណោះស្រាយនយោបាយសម្រាប់ស៊ីរី។ ការចរចាជារឿងដ៏សំខាន់ ក្នុងដំណើរការនយោបាយនៅស៊ីរី ហើយភាគីទាំងអស់ ត្រូវតែឆក់យកឱកាសចរចានេះ ដើម្បីបង្ហាញពីឆន្ទះរបស់ខ្លួន ក្នុងការរកដំណោះស្រាយ។
លើសពីនេះទៅទៀត បើតាម Xinhua នេះមិនមែនជាលើកទីមួយទេ ដែលរដ្ឋាភិបាលចិនផ្ដល់ជំនួយទៅស៊ីរី ក៏ដូចជាតំបន់មជ្ឈិមបូព៌ាទាំងមូល ដែលធ្វើឡើងតាមរយៈមធ្យោបាយផ្សេងៗ។ អំឡុងពេលកិច្ចប្រជុំG-20 ប្រធានាធិបតីចិន ស៊ី ជិនពីង បានផ្ដល់លុយចំនួន១០០លានដុល្លារទៅស៊ីរី សម្រាប់ដោះស្រាយវិបត្តិជនភៀសខ្លួន។ នៅពេលទស្សនកិច្ចទៅកាន់មជ្ឈិមបូព៌ានៅពេលថ្មីៗនេះ លោក ស៊ី ក៏បានប្រកាសផ្ដល់ប្រាក់២៣០លានយ័ន ដើម្បីដោះស្រាយបញ្ហាជនភៀសខ្លួន នៅតាមបណ្តាប្រទេសនានាក្នុងតំបន់។
សូមរម្លឹកថា វិបត្តិស៊ីរីបានឈានមកដល់ឆ្នាំទី៦ ខណៈជម្លោះនេះ បានបង្ខំឲ្យប្រជាជនស៊ីរីរាប់លាននាក់ចាកចេញពីផ្ទះសម្បែង និងបាត់បង់ទីលំនៅ។ ជាមួយនឹងការបាត់បង់ផ្ទះសម្បែង ជនភៀសខ្លួនទាំងនោះ ក៏រងនូវគ្រោះអត់ឃ្លាន ខ្វះចំណីអាហារ ជាពិសេសនៅតំបន់ដែលក្រុមឧទ្ទាមកាន់កាប់។ ទោះបីជាមានជំនួយបានទៅដល់តំបន់ខ្លះក៏ដោយ ជនរងគ្រោះភាគច្រើននៅតែប្រឈមមុខនឹងបញ្ហា ដ្បិតជម្លោះចេះតែអូសបន្លាយមិនងាយនឹងចប់ ហើយការចរចា នៅតែមិនច្បាស់លាស់ រកដំណោះស្រាយមិនឃើញ៕
Tag:
ចិន
ស៊ីរី
© រក្សាសិទ្ធិដោយ thmeythmey.com
