ជាតិ
សង្គមជាតិ
×![]()
ដោយ: សារព័ត៌មានថ្មីៗ
សាកលវិទ្យាល័យ ហេង សំរិន ត្បូងឃ្មុំ គ្រោងនឹងដាក់សម្ពោធជាផ្លូវការនៅថ្ងៃទី១១ កុម្ភៈ ឆ្នាំ២០១៦ ។ កសាងក្នុងតំបន់រដ្ឋបាលសាលាខេត្តត្បូងឃ្មុំ ដែលជាខេត្តថ្មីកាត់ចេញពីខេត្តកំពង់ចាម សាកលវិទ្យាល័យ ហេង សំរិន ត្បូងឃ្មុំ ផ្តួចផ្តើមកសាងឡើងដោយសម្តេច ស ខេង ក្នុងបំណងរម្លឹកពីសកម្មភាពនានារបស់សម្តេច ហេង សំរិន នៅស្រុកកំណើតរបស់លោក។
ក្នុងពិធីបូកសរុបការងារប្រចាំឆ្នាំ២០១៥ នៅសាលាខេត្តសៀមរាបកាលពីសប្តាហ៍មុន សម្តេច ស ខេង រដ្ឋមន្ត្រីក្រសួងមហាផ្ទៃឲ្យដឹងថា សម្តេច ហ៊ុន សែន នឹងទៅសម្ពោធសាកលវិទ្យាល័យ ហេង សំរិន នៅថ្ងៃទី១១ កុម្ភៈ។ សម្តេចបន្ថែមថា សាកលវិទ្យាល័យដែលលោកជាអ្នកផ្តួចផ្តើមកសាង និងបានដាក់ឈ្មោះថា សកលវិទ្យាល័យ ហេង សំរិន ត្បូងឃ្មុំ ព្រោះលោកចង់រម្លឹកពីសកម្មភាពមួយចំនួនរបស់សម្តេច ហេង សំរិន ជាពិសេស ខេត្តត្បូងឃ្មុំ ជាស្រុកកំណើតរបស់សម្តេច ហេង សំរិន។
សាកលវិទ្យាល័យ ហេង សំរិន ត្បូងឃ្មុំ មានបីជាន់រាប់ទាំងជាន់ផ្ទាល់ដី សង់ឡើងនៅលើផ្ទៃដីធំទូលាយ ដោយស្ថិតនៅភូមិនិគមលើ (តំបន់ចំការម៉ៃសាក់) ឃុំស្រឡប់ ស្រុកតត្បូងឃ្មុំ ខេត្តត្បូងឃ្មុំ និងស្ថិតក្រោមការគ្រប់គ្រងរបស់ក្រសួងអប់រំយុវជន និងកីឡា។ យោងតាមអនុក្រិត្យរដ្ឋាភិបាលកម្ពុជា ស្តីពីការបង្កើតសាកលវិទ្យា ហេង សំរិន ត្បូងឃ្មុំ សាកលវិទ្យាល័យនេះ ដើរតួជាមជ្ឈមណ្ឌលបណ្តុះបណ្តាលធនធានមនុស្ស ស្រាវជ្រាវវិទ្យាសាស្ត្រនិងបច្ចេកវិទ្យា ស្របតាមគោលនយោបាយរបស់ក្រសួងអប់រំ យុវជន និងកីឡា។ សាកលវិទ្យាល័យ ហេង សំរិន ត្បូងឃ្មុំ មានបីមហាវិទ្យា និងវិទ្យាស្ថានចំនួនបី។ មួយមហាវិទ្យាល័យកសិកម្ម ពីរមហាវិទ្យាល័យវិស្វកម្ម បីមហាវិទ្យាល័យអក្សរសាស្ត្រ និងមនុស្សសាស្ត្រ។ ចំណែកវិទ្យាសា្ថន មានវិទ្យាស្ថានភាសាបរទេស វិទ្យាស្ថានបច្ចេកវិទ្យាព័ត៌មាន និងវិទ្យាសា្ថនបណ្តុះបណ្តាលបច្ចេកទេស និងវិជ្ជាជីវៈ។
គួរបញ្ជាក់ថា បច្ចុប្បន្ននេះអាគារទាំងមូលរបស់សាកលវិទ្យាល័យ ហេង សំរិន ត្បូងឃ្មុំ បានរួចរាល់ជាស្ថាពរហើយ នៅសល់តែអាគារស្នាក់នៅរបស់គ្រូ និងសិស្សតែប៉ុណ្ណោះ។ តាមការបញ្ជាក់របស់សម្តេច ស ខេង នៅតំបន់នេះក៏បានរៀបចំជាច្រកចេញចូលតែមួយផងដែរ ដើម្បីបម្រើសេចក្តីត្រូវការរបស់ប្រជាពលរដ្ឋ៕
សូមស្តាប់ប្រសាសន៍របស់សម្តេច ស ខេង
ក្នុងពិធីបូកសរុបការងារប្រចាំឆ្នាំ២០១៥ នៅសាលាខេត្តសៀមរាបកាលពីសប្តាហ៍មុន សម្តេច ស ខេង រដ្ឋមន្ត្រីក្រសួងមហាផ្ទៃឲ្យដឹងថា សម្តេច ហ៊ុន សែន នឹងទៅសម្ពោធសាកលវិទ្យាល័យ ហេង សំរិន នៅថ្ងៃទី១១ កុម្ភៈ។ សម្តេចបន្ថែមថា សាកលវិទ្យាល័យដែលលោកជាអ្នកផ្តួចផ្តើមកសាង និងបានដាក់ឈ្មោះថា សកលវិទ្យាល័យ ហេង សំរិន ត្បូងឃ្មុំ ព្រោះលោកចង់រម្លឹកពីសកម្មភាពមួយចំនួនរបស់សម្តេច ហេង សំរិន ជាពិសេស ខេត្តត្បូងឃ្មុំ ជាស្រុកកំណើតរបស់សម្តេច ហេង សំរិន។
សាកលវិទ្យាល័យ ហេង សំរិន ត្បូងឃ្មុំ មានបីជាន់រាប់ទាំងជាន់ផ្ទាល់ដី សង់ឡើងនៅលើផ្ទៃដីធំទូលាយ ដោយស្ថិតនៅភូមិនិគមលើ (តំបន់ចំការម៉ៃសាក់) ឃុំស្រឡប់ ស្រុកតត្បូងឃ្មុំ ខេត្តត្បូងឃ្មុំ និងស្ថិតក្រោមការគ្រប់គ្រងរបស់ក្រសួងអប់រំយុវជន និងកីឡា។ យោងតាមអនុក្រិត្យរដ្ឋាភិបាលកម្ពុជា ស្តីពីការបង្កើតសាកលវិទ្យា ហេង សំរិន ត្បូងឃ្មុំ សាកលវិទ្យាល័យនេះ ដើរតួជាមជ្ឈមណ្ឌលបណ្តុះបណ្តាលធនធានមនុស្ស ស្រាវជ្រាវវិទ្យាសាស្ត្រនិងបច្ចេកវិទ្យា ស្របតាមគោលនយោបាយរបស់ក្រសួងអប់រំ យុវជន និងកីឡា។ សាកលវិទ្យាល័យ ហេង សំរិន ត្បូងឃ្មុំ មានបីមហាវិទ្យា និងវិទ្យាស្ថានចំនួនបី។ មួយមហាវិទ្យាល័យកសិកម្ម ពីរមហាវិទ្យាល័យវិស្វកម្ម បីមហាវិទ្យាល័យអក្សរសាស្ត្រ និងមនុស្សសាស្ត្រ។ ចំណែកវិទ្យាសា្ថន មានវិទ្យាស្ថានភាសាបរទេស វិទ្យាស្ថានបច្ចេកវិទ្យាព័ត៌មាន និងវិទ្យាសា្ថនបណ្តុះបណ្តាលបច្ចេកទេស និងវិជ្ជាជីវៈ។
គួរបញ្ជាក់ថា បច្ចុប្បន្ននេះអាគារទាំងមូលរបស់សាកលវិទ្យាល័យ ហេង សំរិន ត្បូងឃ្មុំ បានរួចរាល់ជាស្ថាពរហើយ នៅសល់តែអាគារស្នាក់នៅរបស់គ្រូ និងសិស្សតែប៉ុណ្ណោះ។ តាមការបញ្ជាក់របស់សម្តេច ស ខេង នៅតំបន់នេះក៏បានរៀបចំជាច្រកចេញចូលតែមួយផងដែរ ដើម្បីបម្រើសេចក្តីត្រូវការរបស់ប្រជាពលរដ្ឋ៕
សូមស្តាប់ប្រសាសន៍របស់សម្តេច ស ខេង
Tag:
ស ខេង
© រក្សាសិទ្ធិដោយ thmeythmey.com
