ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
សង្គមជាតិ
សំរាមនៅតែជាបញ្ហាចោទសម្រាប់ខេត្តទេសចរណ៍សៀមរាប
13, Feb 2016 ,
9:40 am
រូបភាព
×
ដោយ:
អុីសា រ៉ហានី (Isa Rohany)
សៀមរាប៖ មិនមែនជារឿងថ្មីនោះទេ នៅពេលដែលគេនិយាយអំពីបញ្ហាសំរាម។ គេអាចនិយាយបានថា ស្ទើរតែទូទាំងប្រទេសទៅហើយ ដែលគេតែងឮពីការរអ៊ូរទាំ ពីបញ្ហាសំរាម ដែលបង្កក្លិនស្អុយ ការដាក់ពាសវាលពាសកាល មានពេលខ្លះបានប៉ើងហោះហើរ ច្រឡំថាជាបក្សីក៏មាន។ សម្រាប់ខេត្តសៀមរាប ដែលជាខេត្តទេសចរណ៍លំដាប់ទីមួយរបស់កម្ពុជា បញ្ហាសំរាមនៅមិនទាន់ដោះស្រាយបាននៅឡើយ។ ផ្លូវសំខាន់ៗ ដែលមានភ្ញៀវទេសចរដើរសឹងទង្កិចក្បាលគ្នានោះ ក៏មានគំនសំរាម និងជះក្លិនស្អុយជាហូរហែនៅឡើយ។
ពលរដ្ឋរស់នៅខេត្តសៀមរាបមិនតិចទេ ដែលបានដឹងនិងបានឮពីភាពកម្សោយ សេវាប្រមូលសំរាមរបស់ក្រុមហ៊ុន។ ជារឿយៗ គេតែងឃើញ និងឮពលរដ្ឋរិះគន់ ចំពោះភាពយឺតយ៉ាវរបស់ឡានដឹកសំរាម ដែលធ្វើឲ្យសំរាមកើតជាគំនភ្នំ និងចេញទឹកស្អុយពេញមុខផ្ទះ ឫមុខកន្លែងលក់ដូររបស់ពួកគេ។ តាមសណ្ឋាគារ អាហារដ្ឋាន ឫភោជនីយដ្ឋានខ្លះ ក៏មានការវេចខ្ចប់សំរាមបានត្រឹមត្រូវ ខ្លះទៀតក៏មិនបានត្រឹមត្រូវដែរ គឺដាក់នៅលើចិញ្ចើមផ្លូវមុខហាងតែម្តង។
អភិបាលរងខេត្តសៀមរាប លោក គឹម ឆៃហៀង បានទទួលស្គាល់ថា សេវាប្រមូលសំរាមនៅតែមានភាពយឺតយ៉ាវ។ ក្នុងបទសម្ភាសជាមួយក្រុមសារព័ត៌មានកាលពីពេលថ្មីៗនេះ លោក គឹម ឆៃហៀង មិនបានលើកពីមូលហេតុទេ ដោយលោកគ្រាន់តែបញ្ជាក់ថា ក្រុមហ៊ុនប្រមូលសំរាមនៅសៀមរាប មិនទាន់ឆ្លើយតបទៅនឹងទំហំសំរាមបាននៅឡើយ។ យោងតាមរបាយការណ៍ខាងមន្ទីរបរិស្ថានខេត្ត សៀមរាបមានសំរាមក្នុងមួយថ្ងៃប្រមាណ៣០តោន។ ក្នុងនោះ ការប្រមូលសំរាមជាប្រចាំថ្ងៃ បានតែជាងពាក់កណ្តាលប៉ុណ្ណោះ មានន័យថា សំរាមដែលសេសសល់ត្រូវបានប្រជាពលរដ្ឋដុតកំទេចចោល និងខ្លះទៀតត្រូវបានបោះពាសវាលពាសកាលនៅលើដីទំនេរ ខ្លះទៀតបោះចូលក្នុងប្រព័ន្ធលូជាដើម។ល។
អភិបាលក្រុងសៀមរាប លោក សូរ ប្លាតុង អះអាងថា សំរាមក្នុងក្រុងទេសចរណ៍មួយនេះ កើនឡើងពី៣០ ទៅ២៧០តោនក្នុងមួយថ្ងៃ។ ការកើនឡើងយ៉ាងឆាប់រហ័សនេះ ដោយសារសៀមរាបមានកំណើនប្រជាពលរដ្ឋលឿន គឺបច្ចុប្បន្ននេះមានប្រជាពលរដ្ឋប្រមាណ២សែនកន្លះ ដោយមិនរាប់ទាំងភ្ញៀវទេសចរចេញចូលនោះទេ។ លោក សូរ ប្លាតុងទទួលស្គាល់ថា សេវាដឹកសំរាមនៅមានកម្រិត រួមនិងបុគ្គលិកធ្វើការក្នុងក្រុមហ៊ុនប្រមូលសំរាមផងដែរ តែលោកក៏បានបន្ទោសប្រជាពលរដ្ឋខ្លះ ដែលបោះសំរាមមិនត្រូវពេលវេលាដែលឡានសំរាមត្រូវប្រមូល។ លោកអភិបាលក្រុង ស្នើឲ្យប្រជាពលរដ្ឋត្រូវមានការយល់ដឹងខ្ពស់ចំពោះបញ្ហានេះ ត្រូវវេចខ្ចប់ឲ្យបានត្រឹមត្រូវ និងមិនត្រូវបោះចោលពាសវាលពាសកាល ចូលទៅក្នុងប្រព័ន្ធលូជាដើមនោះដែរ។
ក្នុងប្រព័ន្ធលូក្នុងសង្កាត់ស្វាយដង្គំ គេឃើញមានសំរាមជាច្រើនសន្ធឹកបានកកស្ទះនៅក្នុងនោះ។ ទាំងថង់ប្លាស្ទិក ដបទឹក ប្រអប់ស្នោ។ល។ បានជាប់ក្នុងលូ ហើយមិនអាចហូរទៅណាកើតផងដែរ។ មូលហេតុជារឿយៗគេតែងឃើញប្រជាពលរដ្ឋដែលមានផ្ទះនៅជិតនោះ បោះទម្លាក់ ឫអ្នកលក់ដូរតាមរ៉ឺម៉ក បោះទាំងស្បោងៗតែម្តង ដោយពុំបានគិតពិចារណាពីផលប៉ះពាល់បន្តិចណាសោះ។ បញ្ហាទាំងនេះ អភិបាលក្រុងសៀមរាបធ្លាប់និយាយថា ជាសមត្ថកិច្ចរបស់មន្ទីរសាធារណការ និងដឹកជញ្ជូន ដែលត្រូវមានការកាយសំរាមចេញ និងស្ថារប្រព័ន្ធលូសាជាថ្មីផងដែរ។
កាលពីពេលថ្មីៗនេះ ប្រទេសកូរ៉េបានសម្រេចសង់ទីលានចាក់សំរាមថ្មីមួយកន្លែងឲ្យខេត្តសៀមរាប។ ទីតាំងថ្មីនោះ គ្រោងនឹងបង្កើតជារោងចក្រកែច្នៃសំរាមផងដែរ។ គម្រោងសង់ទីលានចាក់សំរាមថ្មី ត្រូវចំណាយថវិកាដល់ ១៣លានដុល្លារអាមេរិក និងសង់លើផ្ទៃដី៣០ហិកតា នៅតំបន់រុនតាឯក ស្រុកបន្ទាយស្រី។ បច្ចុប្បន្ន ខេត្តសៀមរាបមានកន្លែងចាក់សំរាមតែមួយប៉ុណ្ណោះ គឺនៅឃុំស្រពាំងធំ ស្រុកប្រាសាទបាគង ចំងាយប្រមាណ ២០គីឡូម៉ែត្រពីទីរួមខេត្ត។
បញ្ហាសំរាមជះផលអវិជ្ជមានដល់វិស័យទេសចរណ៍មួយចំណែកធំ។ ក្នុងបញ្ហាប្រឈមជាច្រើន ដែលប្រធានមន្ទីរទេសចរណ៍ខេត្តសៀមរាប បានលើកមកនិយាយក្នុងនោះក៏មានបញ្ហាសំរាមមួយដែរ ដែលនៅតែជាចំណោទសម្រាប់ខេត្តទេសចរណ៍មួយនេះ។ លោក ង៉ូវ សេងកាក់ ប្រធានមន្ទីរទេសចរណ៍ខេត្តសៀមរាប ក្នុងសន្និបាតបូកសរុបការងារប្រចាំឆ្នាំ២០១៥ និងលើកទិសដៅសម្រាប់ឆ្នាំ២០១៦នៅថ្ងៃទី១០ កុម្ភៈ បានលើកពីការត្អួញត្អែរបស់ម្ចាស់ផ្ទះសំណាក់ សណ្ឋាគារ ភោជនីយដ្ឋាន។ល។ ដែលថា ការប្រមូលសំរាមមានភាពយឺតយ៉ាវ។ លោក សេងកាក់ ស្នើឲ្យខេត្តពន្លឿនរកដំណោះស្រាយលើបញ្ហានេះ ជៀសវាងបង្កើនផលប៉ះពាល់លើកត្តាផ្សេងៗទៀត៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
សៀមរាប
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
5 ថ្ងៃ
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
7 ថ្ងៃ
បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
17 ម៉ោង
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
2 ថ្ងៃ
អត្ថបទពេញនិយមបន្ថែម