ពីនេះ ពីនោះ
ក្រឡាំងពែ, ត្រឡាំងពែ ក្នុងរបបប៉ុល ពត ប្រជាជនស្ងោរលាយបបរហូបបាន
× សណ្ឋានរូបជាតិ៖ រុក្ខជាតិនេះ គឺជាប្រភេទរុក្ខជាតិវល្លិវារឡើងដើមឈើ ឬវារលើដី ដែលដុះក្នុងព្រៃល្បោះនៃអាស៊ីផ្នែកអគ្នេយ៍។
អត្ថប្រយោជន៍របស់រុក្ខជាតិនេះ៖ វល្លិក្រឡាំងពែ ឬត្រឡាំងពែនេះគេអាចយកវាមកប្រើប្រាស់បានជាប្រយោជន៍ជាច្រើនចាប់តាំងពីដើមរហូតដល់ឫស។ ពេលជំនាន់ទុរ្ភិក្ស ក្នុងរបបប៉ុល ពត ប្រជាជនមួយចំនួនតែងតែព្យាយាមស្វែងរកដើមក្រឡាំងពែ ឬត្រឡាំងពែ នេះមកស្ងោរលាយជាមួយបបរដើម្បីបរិភោគ។ ក្នុងពេលធម្មតា គ្រូផ្សំថ្នាំយកស្លឹក ផ្លែ និងផ្កាក្រឡាំងពែ ទៅស្ងោរ សម្រាប់ជាឱសថរំលាយអាហារ និងឲ្យនោមច្រើន។ ចំណែកឫស របស់វាក៏ជាឱសថសម្រាប់ព្យាបាលជំងឺទឹកមូត្រ គ្រុន និងកែរដូវ ឲ្យបានទៀងទាត់វិញ។
[ដកស្រង់ពីសៀវភៅ៖ វចនានុក្រមការប្រើប្រាស់រុក្ខជាតិក្នុងប្រទេសកម្ពុជា]
© រក្សាសិទ្ធិដោយ thmeythmey.com