ពីនេះ ពីនោះ
×![]()
ដោយ: ថ្មីៗ
ភ្នំពេញ៖ សំឡេងយុវជនចូលរួមរិះគន់សង្គម ឃ្លាំងមើលបញ្ហាជាតិ ឃ្លាំងមើលរបៀបនៃការគ្រប់គ្រង ដឹកនាំ របស់រដ្ឋាភិបាល និងអ្នកនយោបាយ កំពុងតែក្លាយជាជំហ៊ានវិជ្ជមានថ្មី សម្រាប់អនាគតប្រទេសជាតិនៅថ្ងៃខាងមុខ។ យុវជនផុសផុលរឿងសង្គម រឿងនយោបាយ រឿងជាតិនិយម កាន់តែខ្លាំងឡើងខ្លាំងឡើង ហើយរូបភាពទាំងនេះគឺជាប្រធានបទថ្មីៗ ដែលអ្នកដឹកនាំត្រូវតាមដាន និងសិក្សាផងដែរថា តើជាចរន្តថ្មីទាំងនេះ នាំទៅរកការផ្លាស់ប្ដូរសង្គមក្នុងផ្លូវវិជ្ជមានពិត ឬនាំទៅរកផលអវិជ្ជមានដល់ជាតិ?
នៅក្នុងធម្មជាតិរបស់ទស្សនវិជ្ជា គឺការរិះគន់ ស្ថាបនា និងរក្សាទុក។ ចំណុចទាំងនេះគឺមានន័យថា ទស្សនវិជ្ជាគឺផ្ដើមចេញពីការរិះគន់ ដោយផ្អែកលើ់ហេតុនិងផលច្បាស់លាស់ គំនិតចាស់ៗ ដើម្បីឈានទៅរកអ្វីដែលថ្មី បន្ទាប់មកធ្វើការស្ថាបនាអ្វីដែលចាស់ឲ្យក្លាយជារបស់ថ្មី ទ្រឹស្ដីថ្មី គំនិតថ្មី ដែលវាស្របជាមួយនិងបរិបទថ្មីនៅក្នុងការអនុវត្តទ្រឹស្ដីទាំងនោះ។ ក្នុងករណីដែលមិនអាចស្ថាបនាបានគេមិនបោះបង់ចោលទេ តែរក្សាទុកព្រោះពេលនេះទ្រឹស្ដីនោះអាចខុស តែនៅពេលក្រោយប្រហែលជាទ្រឹស្ដីនោះអាចត្រឹមត្រូវនិងអនុវត្តន៍បាន។
ផ្ទុយមកវិញ សម្រាប់ការពិចារណាទៅលើសកម្មភាពរបស់យុវជនបច្ចុប្បន្ន នៅក្នុងការរិះគន់សង្គម រិះគន់អ្នកដឹកនាំ រិះគន់អ្នកនយោបាយ វាក្លាយជាការរិះគន់មួយដែលមិនទាន់មានទឡ្ហីករណ៍ច្បាស់លាស់ ហើយមិនទាន់មានហេតុនិងផល ដែលគេអាចទទួលយកបាននៅឡើយនោះទេ។
ជាការពិតណាស់ការរិះគន់មួយដែលល្អនៅក្នុងបរិបទថ្មីនេះគឺ ការរិះគន់បែបស្ថាបនា ដែលផ្ដើមចេញពីការផ្ដល់យោបល់ និងវាយតម្លៃអំពីគុណភាព ដោយផ្អែកលើការសិក្សាស្រាវជ្រាវ គ្រប់ជ្រុងជ្រោយ មានហេតុមានផល មានភស្ដុតាង មានទិន្នន័យតាមបែបផែនវិទ្យាសាស្ត្រ។ លើសពីនេះទៅទៀតការរិះគន់ក៏ត្រូវនាំមកនូវជាមួយដំណោះស្រាយផងដែរ។
បច្ចុប្បន្ននេះ បើមើលតាមតថភាពជាក់ស្ដែង សំឡេងរិះគន់ភាគច្រើនដែលចេញពីយុវជនគឺជា សម្ដីថាតាមគ្នា តាមនឹកឃើញ តាមអារម្មណ៍ អត្តនោម័តតែខ្លួនឯង គ្មានទិន្នន័យព័ត៌មានច្បាស់លាស់ ខ្វះមូលដ្ឋានច្បាស់លាស់លើផ្នែកសុភវិនិច្ឆ័យ ដែលធ្វើឲ្យសំឡេងរបស់យុវជនមួយភាគធំគឺជាការរិះគន់ដែលគ្មានប្រសិទ្ធភាព និងគ្មានតម្លៃចំពោះអ្នកដឹកនាំប្រទេស ក៏ដូចជាអ្នកនយោបាយមួយចំនួន។
ជាងនេះទៅទៀត ថ្វីត្បិតថា យុវជនបានផុសផុលរឿងជាតិ រឿងសង្គម រឿងនយោបាយ តែអ្នកទាំងនោះហាក់ សប្បាយជាមួយវប្បធម៌ការមួលបង្កាច់ ការលាបពណ៌បង្កើតរឿងមិនពិតដើម្បីទម្លាក់កំហុសឲ្យគ្នាទៅវិញទៅមក អសីលធម៌ ឈ្នានីសគ្នា ដែលវាមិនមែនជាដំណោះស្រាយល្អសម្រាប់សង្គម ហើយមានតែនាំបញ្ហាដល់ជាតិកាន់តែខ្លាំង។ ហេតុផលនេះគេមើលឃើញដោយផ្ទាល់ចំពោះសង្គមបច្ចុប្បន្ននេះ ព្រោះថាយុវជនបច្ចុប្បន្ននេះបានកំពុងតែបែកបាក់គ្នាទាំងផ្នត់គំនិត មនោគមវិជ្ជានយោបាយ បែងចែកបក្សពួក មិនអាចចុះសំរុងគ្នា ទោះបីអ្នកទាំងអស់នោះសុទ្ធតែអះអាងថាខ្លួនស្រឡាញ់ជាតិ ស្រឡាញ់ទឹកដី ស្រឡាញ់ប្រជាធិបតេយ្យ តែធាតុពិតគឺវារឿងមួយដែលផ្សេងទៅវិញ។
ជារួមមកបច្ចុប្បន្នប្រសិទ្ធភាពនៃសំឡេងរបស់យុវជនគឺមិនទាន់មាននៅក្នុង ចិត្តរបស់អ្នកដឹកនាំ អ្នកនយោបាយទេ។ ព្រោះការរិះគន់មិនមែនគ្រាន់តែនិយាយ ស្ដីបន្ទោស គ្មានមូលដ្ឋានច្បាស់លាស់ ហើយគ្មានដំណោះស្រាយនោះទេ។ ម្យ៉ាងវិញទៀត ការិះគន់បែបនេះគឺគ្មានភាគីពាក់ព័ន្ធណាមួយគេអាចទទួលយកគំនិតដែលយើងបានផ្ដល់ឲ្យគេនោះទេ។ ហេតុនេះ យុវជនគួរណាស់ ត្រូវតែក្លាយជាភ្នាក់ងារស្រាវជ្រាវ ដើម្បីប្រមូលទិន្នន័យ ព័ត៌មាន មានហេតុផលច្បាស់លាស់ ទោះតិចឬច្រើន តែវាជាភស្ដុតាងមួយដែលបញ្ជាក់ពីសម្ដីរបស់អ្នក នោះទើបជាហេតុផលដែលអ្នកលើយកទៅរិះគន់គេ រិះគន់រដ្ឋ រិះគន់អ្នកនយោបាយ គេអាចទទួលយកបាន៕
នៅក្នុងធម្មជាតិរបស់ទស្សនវិជ្ជា គឺការរិះគន់ ស្ថាបនា និងរក្សាទុក។ ចំណុចទាំងនេះគឺមានន័យថា ទស្សនវិជ្ជាគឺផ្ដើមចេញពីការរិះគន់ ដោយផ្អែកលើ់ហេតុនិងផលច្បាស់លាស់ គំនិតចាស់ៗ ដើម្បីឈានទៅរកអ្វីដែលថ្មី បន្ទាប់មកធ្វើការស្ថាបនាអ្វីដែលចាស់ឲ្យក្លាយជារបស់ថ្មី ទ្រឹស្ដីថ្មី គំនិតថ្មី ដែលវាស្របជាមួយនិងបរិបទថ្មីនៅក្នុងការអនុវត្តទ្រឹស្ដីទាំងនោះ។ ក្នុងករណីដែលមិនអាចស្ថាបនាបានគេមិនបោះបង់ចោលទេ តែរក្សាទុកព្រោះពេលនេះទ្រឹស្ដីនោះអាចខុស តែនៅពេលក្រោយប្រហែលជាទ្រឹស្ដីនោះអាចត្រឹមត្រូវនិងអនុវត្តន៍បាន។
ផ្ទុយមកវិញ សម្រាប់ការពិចារណាទៅលើសកម្មភាពរបស់យុវជនបច្ចុប្បន្ន នៅក្នុងការរិះគន់សង្គម រិះគន់អ្នកដឹកនាំ រិះគន់អ្នកនយោបាយ វាក្លាយជាការរិះគន់មួយដែលមិនទាន់មានទឡ្ហីករណ៍ច្បាស់លាស់ ហើយមិនទាន់មានហេតុនិងផល ដែលគេអាចទទួលយកបាននៅឡើយនោះទេ។
ជាការពិតណាស់ការរិះគន់មួយដែលល្អនៅក្នុងបរិបទថ្មីនេះគឺ ការរិះគន់បែបស្ថាបនា ដែលផ្ដើមចេញពីការផ្ដល់យោបល់ និងវាយតម្លៃអំពីគុណភាព ដោយផ្អែកលើការសិក្សាស្រាវជ្រាវ គ្រប់ជ្រុងជ្រោយ មានហេតុមានផល មានភស្ដុតាង មានទិន្នន័យតាមបែបផែនវិទ្យាសាស្ត្រ។ លើសពីនេះទៅទៀតការរិះគន់ក៏ត្រូវនាំមកនូវជាមួយដំណោះស្រាយផងដែរ។
បច្ចុប្បន្ននេះ បើមើលតាមតថភាពជាក់ស្ដែង សំឡេងរិះគន់ភាគច្រើនដែលចេញពីយុវជនគឺជា សម្ដីថាតាមគ្នា តាមនឹកឃើញ តាមអារម្មណ៍ អត្តនោម័តតែខ្លួនឯង គ្មានទិន្នន័យព័ត៌មានច្បាស់លាស់ ខ្វះមូលដ្ឋានច្បាស់លាស់លើផ្នែកសុភវិនិច្ឆ័យ ដែលធ្វើឲ្យសំឡេងរបស់យុវជនមួយភាគធំគឺជាការរិះគន់ដែលគ្មានប្រសិទ្ធភាព និងគ្មានតម្លៃចំពោះអ្នកដឹកនាំប្រទេស ក៏ដូចជាអ្នកនយោបាយមួយចំនួន។
ជាងនេះទៅទៀត ថ្វីត្បិតថា យុវជនបានផុសផុលរឿងជាតិ រឿងសង្គម រឿងនយោបាយ តែអ្នកទាំងនោះហាក់ សប្បាយជាមួយវប្បធម៌ការមួលបង្កាច់ ការលាបពណ៌បង្កើតរឿងមិនពិតដើម្បីទម្លាក់កំហុសឲ្យគ្នាទៅវិញទៅមក អសីលធម៌ ឈ្នានីសគ្នា ដែលវាមិនមែនជាដំណោះស្រាយល្អសម្រាប់សង្គម ហើយមានតែនាំបញ្ហាដល់ជាតិកាន់តែខ្លាំង។ ហេតុផលនេះគេមើលឃើញដោយផ្ទាល់ចំពោះសង្គមបច្ចុប្បន្ននេះ ព្រោះថាយុវជនបច្ចុប្បន្ននេះបានកំពុងតែបែកបាក់គ្នាទាំងផ្នត់គំនិត មនោគមវិជ្ជានយោបាយ បែងចែកបក្សពួក មិនអាចចុះសំរុងគ្នា ទោះបីអ្នកទាំងអស់នោះសុទ្ធតែអះអាងថាខ្លួនស្រឡាញ់ជាតិ ស្រឡាញ់ទឹកដី ស្រឡាញ់ប្រជាធិបតេយ្យ តែធាតុពិតគឺវារឿងមួយដែលផ្សេងទៅវិញ។
ជារួមមកបច្ចុប្បន្នប្រសិទ្ធភាពនៃសំឡេងរបស់យុវជនគឺមិនទាន់មាននៅក្នុង ចិត្តរបស់អ្នកដឹកនាំ អ្នកនយោបាយទេ។ ព្រោះការរិះគន់មិនមែនគ្រាន់តែនិយាយ ស្ដីបន្ទោស គ្មានមូលដ្ឋានច្បាស់លាស់ ហើយគ្មានដំណោះស្រាយនោះទេ។ ម្យ៉ាងវិញទៀត ការិះគន់បែបនេះគឺគ្មានភាគីពាក់ព័ន្ធណាមួយគេអាចទទួលយកគំនិតដែលយើងបានផ្ដល់ឲ្យគេនោះទេ។ ហេតុនេះ យុវជនគួរណាស់ ត្រូវតែក្លាយជាភ្នាក់ងារស្រាវជ្រាវ ដើម្បីប្រមូលទិន្នន័យ ព័ត៌មាន មានហេតុផលច្បាស់លាស់ ទោះតិចឬច្រើន តែវាជាភស្ដុតាងមួយដែលបញ្ជាក់ពីសម្ដីរបស់អ្នក នោះទើបជាហេតុផលដែលអ្នកលើយកទៅរិះគន់គេ រិះគន់រដ្ឋ រិះគន់អ្នកនយោបាយ គេអាចទទួលយកបាន៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
23 ម៉ោង
