អន្តរជាតិ
នយោបាយអន្តរជាតិ
×![]()
សាន់ហ្វ្រាន់ស៊ីស្កូ៖ ក្រោយផ្តល់សន្ទរកថាបើកកិច្ចប្រជុំក្រុមប្រឹក្សាធុរកិច្ចអាមេរិកអាស៊ាននៅព្រឹកថ្ងៃ ១៧ កុម្ភៈ (ម៉ោងក្នុងតំបន់) ប្រធានាធិបតីឥណ្ឌូនេស៊ីលោក ចូកូ វិដូដូ ( Joko Widodo) បានបន្តដំណើរទៅទស្សនកិច្ចទៅក្រុមហ៊ុន Twitter។ ក្នុងជំនួបជាមួយនាយកប្រតិបត្តិក្រុមហ៊ុនបណ្តាញសង្គមនេះ ប្រមុខរដ្ឋឥណ្ឌូនេស៊ីជជែកពីវិធានការទប់ស្កាត់ភេរវកម្ម។
ប្រធានាធិបតីឥណ្ឌូនេស៊ីលោក ចូកូ វីដូដូ បានអញ្ជើញទៅទស្សនកិច្ចនៅក្រុមហ៊ុនបណ្តាញសង្គម Twitter នៅក្នុងទីក្រុងសាន់ហ្វ្រាន់ស៊ីស្កូ បន្ទាប់ពីលោកបញ្ចប់សុន្ទរកថាបើកកិច្ចប្រជុំធុរៈកិច្ចអាស៊ាននិងអាមេរិក។ ក្នុងដំណើរទស្សនកិច្ចនេះ លោក ចូកូ វីដូដូ ស្វែងរកជំនួយពីក្រុមហ៊ុនបណ្តាញសង្គមដ៏ធំនេះផងដើម្បីពង្រឹងយុទ្ធសាស្ត្រទប់ស្កាត់ភេរវកម្ម។
មេដឹកនាំឥណ្ឌូនេស៊ីខាងលើបានជួបជាមួយលោក Jack Dorsey នាយកប្រតិបត្តិនៃក្រុមហ៊ុន Twitter នៅទីស្នាក់ការកណ្តាលក្រុមហ៊ុននេះនៅទីក្រុងសាន់ហ្វ្រាន់ស៊ីស្កូ ដោយលោក វីដូដូ បានលើកឡើងពីវិធានការចាំបាច់សម្រាប់ដោះស្រាយបញ្ហាសន្តិសុខ ហើយបណ្តាញទំនាក់ទំនងសង្គមដូចជា Twitter នេះមាននាទីសំខាន់ក្នុងការកម្ចាត់ចលនាភេរវកម្មនិងការផ្សព្វផ្សាយគំនិតឬមនោគមន៍វិជ្ជាជ្រុលនិយមជាដើមផង។
លោក ជឿជាក់ថា បណ្តាញសង្គមធំៗ ដូចជា Twitter នឹងធ្វើសកម្មភាពច្រើនជាងមុនដើម្បីចូលរួមប្រឆាំងចលនាជ្រុលនិយមនិងភេរវកម្ម។ យ៉ាងណាក៏ដោយ បណ្តាញសង្គមដូចជា Twitter នេះក៏ជាទីតាំងសំខាន់សម្រាប់ក្រុមភេរវជនប្រមែរប្រមូលនិងអូសទាញអ្នកគាំទ្រខ្លួនដែរ ហើយក្រុមភេរវជនដូចជាក្រុមដែស្ហប្រើប្រាស់បណ្តាសង្គមនេះដើម្បីផ្សព្វផ្សាយមនោគមន៍វិជ្ជាពួកគេ។
តាមពិតទៅការទស្សនកិច្ចរបស់លោក ចូកូវីដូ ទៅកាន់ទីស្នាក់ការកណ្តាលក្រុមហ៊ុន Twitter នេះកើតឡើងក្រោយពេលដែលលោកចាកចេញពីទីក្រុង Rancho Mirage ដែលជាកន្លែងលោកចូលរួមកិច្ចប្រជុំកំពូលអាស៊ាននិងអាមេរិកនោះ។ ហើយដំណើរទស្សនកិច្ចរកជំនួយពី Twitter ដើម្បីប្រឆាំងភេរវកម្មនេះដែរ ក៏កើតឡើងស្របពេលការគំរាមកំហែងពីក្រុមភេរវជននៅក្នុងប្រទេសឥណ្ឌូួនេស៊ីកើតឡើងនិងក្រោយការវាយប្រហារកណ្តាលក្រុងហ្សាការតាកាលពីដើមខែមករាកន្លងទៅ៕
ប្រធានាធិបតីឥណ្ឌូនេស៊ីលោក ចូកូ វីដូដូ បានអញ្ជើញទៅទស្សនកិច្ចនៅក្រុមហ៊ុនបណ្តាញសង្គម Twitter នៅក្នុងទីក្រុងសាន់ហ្វ្រាន់ស៊ីស្កូ បន្ទាប់ពីលោកបញ្ចប់សុន្ទរកថាបើកកិច្ចប្រជុំធុរៈកិច្ចអាស៊ាននិងអាមេរិក។ ក្នុងដំណើរទស្សនកិច្ចនេះ លោក ចូកូ វីដូដូ ស្វែងរកជំនួយពីក្រុមហ៊ុនបណ្តាញសង្គមដ៏ធំនេះផងដើម្បីពង្រឹងយុទ្ធសាស្ត្រទប់ស្កាត់ភេរវកម្ម។
មេដឹកនាំឥណ្ឌូនេស៊ីខាងលើបានជួបជាមួយលោក Jack Dorsey នាយកប្រតិបត្តិនៃក្រុមហ៊ុន Twitter នៅទីស្នាក់ការកណ្តាលក្រុមហ៊ុននេះនៅទីក្រុងសាន់ហ្វ្រាន់ស៊ីស្កូ ដោយលោក វីដូដូ បានលើកឡើងពីវិធានការចាំបាច់សម្រាប់ដោះស្រាយបញ្ហាសន្តិសុខ ហើយបណ្តាញទំនាក់ទំនងសង្គមដូចជា Twitter នេះមាននាទីសំខាន់ក្នុងការកម្ចាត់ចលនាភេរវកម្មនិងការផ្សព្វផ្សាយគំនិតឬមនោគមន៍វិជ្ជាជ្រុលនិយមជាដើមផង។
លោក ជឿជាក់ថា បណ្តាញសង្គមធំៗ ដូចជា Twitter នឹងធ្វើសកម្មភាពច្រើនជាងមុនដើម្បីចូលរួមប្រឆាំងចលនាជ្រុលនិយមនិងភេរវកម្ម។ យ៉ាងណាក៏ដោយ បណ្តាញសង្គមដូចជា Twitter នេះក៏ជាទីតាំងសំខាន់សម្រាប់ក្រុមភេរវជនប្រមែរប្រមូលនិងអូសទាញអ្នកគាំទ្រខ្លួនដែរ ហើយក្រុមភេរវជនដូចជាក្រុមដែស្ហប្រើប្រាស់បណ្តាសង្គមនេះដើម្បីផ្សព្វផ្សាយមនោគមន៍វិជ្ជាពួកគេ។
តាមពិតទៅការទស្សនកិច្ចរបស់លោក ចូកូវីដូ ទៅកាន់ទីស្នាក់ការកណ្តាលក្រុមហ៊ុន Twitter នេះកើតឡើងក្រោយពេលដែលលោកចាកចេញពីទីក្រុង Rancho Mirage ដែលជាកន្លែងលោកចូលរួមកិច្ចប្រជុំកំពូលអាស៊ាននិងអាមេរិកនោះ។ ហើយដំណើរទស្សនកិច្ចរកជំនួយពី Twitter ដើម្បីប្រឆាំងភេរវកម្មនេះដែរ ក៏កើតឡើងស្របពេលការគំរាមកំហែងពីក្រុមភេរវជននៅក្នុងប្រទេសឥណ្ឌូួនេស៊ីកើតឡើងនិងក្រោយការវាយប្រហារកណ្តាលក្រុងហ្សាការតាកាលពីដើមខែមករាកន្លងទៅ៕
Tag:
ឥណ្ឌូនេស៊ី
Joko Widodo
Twitter
© រក្សាសិទ្ធិដោយ thmeythmey.com
