អន្តរជាតិ
វ័យ៧១ឆ្នាំ លោក Museveni អាចនឹងដឹកនាំអ៊ូហ្គង់ដា៣៥ឆ្នាំ បើឈ្នះការបោះឆ្នោតម្តងទៀត
×![]()
បើទោះបីជាមានការពន្យារពេលបន្តិចក្នុងមណ្ឌលមួយចំនួនក៏ដោយ ការបោះឆ្នោត អ៊ូហ្គង់ដា ក្នុងការជ្រើសរើសសមាជិកសភា និងប្រធានាធិបតីថ្មី បានបញ្ចប់ទៅដោយសន្តិវិធី។ លទ្ធផលនៃការ បោះឆ្នោត អាចនឹងត្រូវបានប្រកាសនៅថ្ងៃសៅរ៍នេះ។ ទន្ទឹមនឹងការ បោះឆ្នោតនេះ ក៏មានការរិះគន់ដែរថា លទ្ធផល ត្រូវបានរៀបចំរួចទៅហើយ ពោលគឺលោកប្រធានាធិបតី Yoweri Museveni នឹងបន្តតំណែងនៅអាណត្តិ ថ្មីទៀត។
បើមិនមានការប្រែប្រួលនោះទេ នៅថ្ងៃទី២០ ខែកុម្ភៈ នេះ លទ្ធផលជាបឋមនៃការបោះឆ្នោតប្រធានាធិ បតី និងសមាជិកសភា អ៊ូហ្គង់ដា នឹងត្រូវបានប្រកាសហើយ។ លោកប្រធានាធិបតីជិតផុតអាណត្តិ Yoweri Museveni ត្រូវបានរំពឹងថានឹងឡើងកាន់អំណាចក្នុងអាណត្តិទី៥របស់លោកបន្តទៀត។
កាលពីថ្ងៃទី១៨ ខែកុម្ភៈ ម្សិលមិញ ប្រទេសតំបន់អាហ្វ្រិកខាងកើតដែលគ្មានជាប់សមុទ្រមួយសោះ អ៊ូហ្គង់ដា បានរៀបចំការបោះឆ្នោតប្រធានាធិបតី និងសមាជិកសភាដែលមានការចូលរួមពីប្រជាពលរដ្ឋ ប្រមាណជាង១៥លាននាក់។ សម្រាប់បេក្ខភាពប្រធានាធិបតីដែលមានការប្រកួតប្រជែងគ្នាខ្លាំងមាន បីរូបដូចជា លោកប្រធានាធិបតីជិតផុតអាណត្តិ Yoweri Museveni អតីតនាយករដ្ឋមន្ត្រី លោក Amama Mbabazi និងប្រធានបក្សប្រឆាំងវេទិកាដើម្បីការផ្លាស់ប្តូរប្រធាធិបតេយ្យ លោក Kizza Besigye។
បើទោះបីជាក្រុមអ្នកអង្កេតការបោះឆ្នោត មើលឃើញថាការបោះឆ្នោតនេះ មានលក្ខណៈប្រសើរជាង ការបោះឆ្នោតមុនៗក៏ដោយដែលបញ្ចូលទាំងការប្រើប្រាស់ការបោះឆ្នោតបែបបច្ចេកវិទ្យាទំនើប វា ក៏មានបញ្ហាមួយចំនួនបានកើតឡើងផងដែរ។ ហើយនោះគឺ បណ្តាញសង្គមដែលមានដូចជាហ្វេសប៊ុក ជាដើមនោះ ត្រូវបានផ្អាកបណ្តោះអាសន្ន ដោយលោកប្រធានាធិបតី Yoweri Museveni បានអះអាងជាមុខសញ្ញា មួយដែលអាចបង្កឲ្យមានភាពតានតឹងក្នុងអំឡុង និងក្រោយការបោះឆ្នោត។
ជាមួយគ្នានេះ ក្រុមប៉ូលីសបានប្រើប្រាស់កាំភ្លើងឧស្ម័នដើម្បីបំបែកអ្នកតវ៉ា និងបានចាប់ខ្លួនមេដឹកនាំ បក្សប្រឆាំងលោក Kizza Besigye ដែលផ្ទុះបាតុកម្មប្រឆាំងនឹងការបោះឆ្នោតដែលលោកបានរកឃើញ ថាមានការបន្លំ និងរៀបចំលទ្ធផលទុកជាមុនទៀតផង។ តែនៅថ្ងៃសុក្រ នេះ លោក ត្រូវបានប៉ូលិស ដោះលែងវិញហើយ។
លោក Kizza Besigye ដែលជាបេក្ខភាពប្រធានាធិបតីដែលប្រកួតប្រជែង លោកប្រធានាធិបតីជិតផុតអាណត្តិ Yoweri Museveni បីអាណត្តិហើយនោះ បានថ្លែងប្រាប់ព័ត៌មាន Aljazeera ថា លោក មានការជឿជាក់ថាលោក នឹងឈ្នះក្នុងការបោះឆ្នោតនោះ។ តែជុំវិញភាពមិនប្រក្រតីនេះ លោក Kizza ថា « សំឡេងពីប្រជាជន បានបរាជ័យក្នុងរយៈពេល៣០ឆ្នាំហើយ ហើយអ្វីដែលមិនអាចសម្រេចបានក្នុង រយៈពេលជាយូរហើយនោះ អាចនឹងមិនត្រូវបានសម្រេចក្នុងរយៈពេល៥ឆ្នាំទៀតហើយ»។
សូមបញ្ជាក់ផងដែរថា លោក Yoweri Museveni ដែលមានអាយុ៧១ឆ្នាំហើយនោះ បានឡើងកាន់ អំណាចជាប្រធានាធិបតីអ៊ូហ្គង់ដាតាំងពីឆ្នាំ១៩៨៦ មកម្ល៉េះ។ ហើយបើលោក ឈ្នះការបោះឆ្នោតលើក នេះម្តងទៀតនោះ លោក នឹងត្រូវក្លាយជាមេដឹកនាំប្រទេសរហូតដល់៣៥ឆ្នាំ៕
បើមិនមានការប្រែប្រួលនោះទេ នៅថ្ងៃទី២០ ខែកុម្ភៈ នេះ លទ្ធផលជាបឋមនៃការបោះឆ្នោតប្រធានាធិ បតី និងសមាជិកសភា អ៊ូហ្គង់ដា នឹងត្រូវបានប្រកាសហើយ។ លោកប្រធានាធិបតីជិតផុតអាណត្តិ Yoweri Museveni ត្រូវបានរំពឹងថានឹងឡើងកាន់អំណាចក្នុងអាណត្តិទី៥របស់លោកបន្តទៀត។
កាលពីថ្ងៃទី១៨ ខែកុម្ភៈ ម្សិលមិញ ប្រទេសតំបន់អាហ្វ្រិកខាងកើតដែលគ្មានជាប់សមុទ្រមួយសោះ អ៊ូហ្គង់ដា បានរៀបចំការបោះឆ្នោតប្រធានាធិបតី និងសមាជិកសភាដែលមានការចូលរួមពីប្រជាពលរដ្ឋ ប្រមាណជាង១៥លាននាក់។ សម្រាប់បេក្ខភាពប្រធានាធិបតីដែលមានការប្រកួតប្រជែងគ្នាខ្លាំងមាន បីរូបដូចជា លោកប្រធានាធិបតីជិតផុតអាណត្តិ Yoweri Museveni អតីតនាយករដ្ឋមន្ត្រី លោក Amama Mbabazi និងប្រធានបក្សប្រឆាំងវេទិកាដើម្បីការផ្លាស់ប្តូរប្រធាធិបតេយ្យ លោក Kizza Besigye។
បើទោះបីជាក្រុមអ្នកអង្កេតការបោះឆ្នោត មើលឃើញថាការបោះឆ្នោតនេះ មានលក្ខណៈប្រសើរជាង ការបោះឆ្នោតមុនៗក៏ដោយដែលបញ្ចូលទាំងការប្រើប្រាស់ការបោះឆ្នោតបែបបច្ចេកវិទ្យាទំនើប វា ក៏មានបញ្ហាមួយចំនួនបានកើតឡើងផងដែរ។ ហើយនោះគឺ បណ្តាញសង្គមដែលមានដូចជាហ្វេសប៊ុក ជាដើមនោះ ត្រូវបានផ្អាកបណ្តោះអាសន្ន ដោយលោកប្រធានាធិបតី Yoweri Museveni បានអះអាងជាមុខសញ្ញា មួយដែលអាចបង្កឲ្យមានភាពតានតឹងក្នុងអំឡុង និងក្រោយការបោះឆ្នោត។
ជាមួយគ្នានេះ ក្រុមប៉ូលីសបានប្រើប្រាស់កាំភ្លើងឧស្ម័នដើម្បីបំបែកអ្នកតវ៉ា និងបានចាប់ខ្លួនមេដឹកនាំ បក្សប្រឆាំងលោក Kizza Besigye ដែលផ្ទុះបាតុកម្មប្រឆាំងនឹងការបោះឆ្នោតដែលលោកបានរកឃើញ ថាមានការបន្លំ និងរៀបចំលទ្ធផលទុកជាមុនទៀតផង។ តែនៅថ្ងៃសុក្រ នេះ លោក ត្រូវបានប៉ូលិស ដោះលែងវិញហើយ។
លោក Kizza Besigye ដែលជាបេក្ខភាពប្រធានាធិបតីដែលប្រកួតប្រជែង លោកប្រធានាធិបតីជិតផុតអាណត្តិ Yoweri Museveni បីអាណត្តិហើយនោះ បានថ្លែងប្រាប់ព័ត៌មាន Aljazeera ថា លោក មានការជឿជាក់ថាលោក នឹងឈ្នះក្នុងការបោះឆ្នោតនោះ។ តែជុំវិញភាពមិនប្រក្រតីនេះ លោក Kizza ថា « សំឡេងពីប្រជាជន បានបរាជ័យក្នុងរយៈពេល៣០ឆ្នាំហើយ ហើយអ្វីដែលមិនអាចសម្រេចបានក្នុង រយៈពេលជាយូរហើយនោះ អាចនឹងមិនត្រូវបានសម្រេចក្នុងរយៈពេល៥ឆ្នាំទៀតហើយ»។
សូមបញ្ជាក់ផងដែរថា លោក Yoweri Museveni ដែលមានអាយុ៧១ឆ្នាំហើយនោះ បានឡើងកាន់ អំណាចជាប្រធានាធិបតីអ៊ូហ្គង់ដាតាំងពីឆ្នាំ១៩៨៦ មកម្ល៉េះ។ ហើយបើលោក ឈ្នះការបោះឆ្នោតលើក នេះម្តងទៀតនោះ លោក នឹងត្រូវក្លាយជាមេដឹកនាំប្រទេសរហូតដល់៣៥ឆ្នាំ៕
© រក្សាសិទ្ធិដោយ thmeythmey.com
