សង្គមអន្តរជាតិ
អន្តរជាតិ
អាល្លឺម៉ង់ ជប៉ុន និងអាមេរិក មានលំដាប់នៃសហគ្រិនភាពខ្ពស់ជាងគេ
× ការសិក្សាមួយដែលរៀបចំដោយភ្នាក់ងារ BAV Consulting និងសាកលវិទ្យាល័យ Pennsylvania សហរដ្ឋអាមេរិក តាមរយៈការស្រង់មតិលើមនុស្ស១៦០០០នាក់ក្នុងបណ្តាប្រទេសចំនួន៦០ បានបង្ហាញឲ្យឃើញថា អាល្លឺម៉ង់ គឺជាប្រទេសដែលមានលំដាប់នៃសហគ្រិនភាពខ្ពស់ជាងគេ(Entrepreneurship) ហើយជប៉ុន និងអាមេរិកស្ថិតនៅលេខរៀងជាបន្តបន្ទាប់។
យោងតាមគេហទំព័រ U.S. News and World Report របស់អាមេរិក ការស្ទង់មតិបានផ្តោតជាសំខាន់ទៅលើភាពជាសហគ្រិននៅក្នុងប្រទេសនីមួយៗ ការច្នៃប្រឌិត ការបង្កើតថ្មី ការផ្តល់ភាពងាយស្រួល ការអប់រំជំនាញ តម្លាភាពក្នុងមុខជំនួញ ការអភិវឌ្ឍហេដ្ឋារចនាសម្ព័ន្ធ និងការអនុវត្តច្បាប់ទូទៅ ជាដើម។
ប្រភេទដែលមានលំដាប់ខ្ពស់នៃសហគ្រិនភាពនោះ គឺសុទ្ធតែបានប្រើប្រាស់ចំណូលពីផលិតផលក្នុងស្រុកដើម្បីរួមចំណែកដល់ការស្រាវជ្រាវ និងអភិវឌ្ឍន៍ផ្សេងៗ ។
ប្រទេសដែលល្អជាងគេទាំង៣០លើភាពជាសហគ្រិន រួមមាន៖
១-អាល្លឺ់ម៉ង់
២-ជប៉ុន
៣-សហរដ្ឋអាមេរិក
៤-ចក្រភពអង់គ្លេស
៥-កាណាដា
៦-ស៊ុយអែត
៧-ហូឡង់
៨-ដាណីម៉ាក
៩-សឹង្ហបុរី
១០-អូស្ត្រាលី
១១-បារាំង
១២-កូរ៉េខាងត្បូង
១៣-ចិន
១៤-អូទ្រីស
១៥-លុចសំបួរ
១៦-នូវែល សេឡង់
១៧-អៀរឡង់
១៨-អ៊ីតាលី
១៩-អេស្ប៉ាញ
២០-រុស្ស៊ី
២១-អ៊ីស្រាអែល
២២-ឥណ្ឌា
២៣-ព័រទុយហ្គាល់
២៤-អារ៉ាប៊ី សាអូឌីត
២៥-អាហ្វ្រិកខាងត្បូង
២៦-សាធារណរដ្ឋឆេក
២៧-ម៉ាឡេស៊ី
២៨-ហុងគ្រី
២៩-ប្រេស៊ីល
៣០-តួកគី៕
Tag:
សហគ្រិនភាព
US News
Best Countries
© រក្សាសិទ្ធិដោយ thmeythmey.com