ណាហ្គាវើល ជួប ក្រសួងការពារជាតិ ខណៈបឹងកេតអង្គរ ប៉ះវេស្ទើនភ្នំពេញ

កីឡាជាតិ

ជាតិ

ណាហ្គាវើល ជួប ក្រសួងការពារជាតិ ខណៈបឹងកេតអង្គរ ប៉ះវេស្ទើនភ្នំពេញ

27, Feb 2016 , 10:02 am

រូបភាព

ដោយ:

ក្រុមជើងឯករងរដូវកាល២០១៥ ណាហ្គាវើល ជួប ក្រសួងការពារជាតិ ខណៈ ក្រុមលេខ៣រដូវកាលមុន បឹងកេតអង្គរ ប៉ះជាមួយក្រុមវេស្ទើនភ្នំពេញ នាការប្រកួតក្របខណ្ឌមិត្តហ្វូនខេមបូឌានលីក នាពហុកីឡដ្ឋានជាតិ ថ្ងៃទី២៧ ខែកុម្ភៈ នេះ។

ក្រុមម្ចាស់ជើងឯករងពានរង្វាន់មិត្តហ្វូនខេមបូឌានលីករដូវកាល២០១៥ ណាហ្គាវើល បន្ទាប់ពីស្មើជាមួយក្រុមវេស្ទើនភ្នំពេញ កាលពីសប្តាហ៍ទី១នៃវគ្គសន្សំពិន្ទុជុំទី១ នឹងធ្វើការប្រកួតជើងទី២ ជាមួយក្រុមដែលលុតក្រុមនគរបាលជាតិ ៤-១ ក្រសួងការពារជាតិ នាវេលាម៉ោង ៣:៣០នាទី ខណៈក្រុមវេស្ទើនភ្នំពេញ ត្រូវជួបប្រកួតជាមួយក្រុមបឹងកេតអង្គរ នាវេលាម៉ោង៦ល្ងាចថ្ងៃទី២៧ ខែកុម្ភៈ នៅពហុកីឡដ្ឋានជាតិ។

នាជំនួបរវាងក្រុមវេស្ទើនភ្នំពេញ និងក្រុមបឹងកេតអង្គរ នឹងក្លាយជាជំនួបមួយដ៏ស្វិតស្វាញសម្រាប់វេស្ទើន ព្រោះក្រុមបឹងកេតអង្គរជាក្រុមខ្លាំងមួយដែលឈរក្នុងលំដាប់លេខ៣ នាពានរង្វាន់លីកកំពូលកម្ពុជា ២០១៥ និងជាក្រុមជើងឯករងពានរង្វាន់ Toyota Mekong Club Championship 2015 បន្ទាប់ពីបានផ្តួលជើងខ្លាំងមីយ៉ាន់ម៉ា Yangon United ៣-០ ក្រុមជើងឯកលីកកំពូល វៀតណាម Becamex Binh Doung ៣-២ ក្នុងវគ្គពាក់កណ្តាលផ្តាច់ព្រ័ត្រ ហើយកាលពីវគ្គសន្សំពិន្ទុជុំទី១ សប្តាហ៍ទី១ នៃពានរង្វាន់មិត្តហ្វូនខេមបូឌានលីក២០១៦ ក្រុមនេះបានយកឈ្នះក្រុមអាស៊ីអឺរ៉ុប ៣-២ ទៀតផង។

ដោយឡែកសម្រាប់ជំនួបកាលពីថ្ងៃសុក្រនៅពហុកីឡដ្ឋានជាតិអូឡាំពិក ភ្នំពេញក្រោន បានត្រឹមស្មើជាមួយ អគ្គស្នងការដ្ឋាននគរបាលជាតិ ក្នុងលទ្ធផលសូន្យស្មើ ៕