ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
ជប៉ុនផ្តល់ថវិកាជាង៣សែនដុល្លារដល់ NGO ដើម្បីពង្រឹងទីផ្សារផលិតផលសរីរាង្គនៅកម្ពុជា
04, Mar 2016 ,
9:19 pm
រូបភាព
×
ដោយ:
ភ្នំពេញ៖ រដ្ឋាភិបាលជប៉ុន តាមរយៈស្ថានទូតជប៉ុនប្រចាំកម្ពុជា បានផ្ដល់ថវិកាចំនួន ៣៣៨,៩៦៣ដុល្លារអាមេរិក ដល់ក្រុមអ្នកស្ម័គ្រចិត្តអន្តរជាតិរបស់អង្គការយ៉ាម៉ាហ្គាតា (International Volunteers of Yamagata) សម្រាប់អនុវត្តគម្រោងកាត់បន្ថយភាពក្រីក្រ តាមរយៈការពង្រឹងទីផ្សារនៃផលិតផលសរីរាង្គរបស់សហគមន៍កសិកម្ម ដំណាក់កាលទី១ ក្នុងខេត្តចំនួន០២ រួមមាន ខេត្តព្រះវិហារ និងស្វាយរៀង។
ថវិកានេះ ជាជំនួសឧបត្ថម្ភឥតសំណងរបស់រដ្ឋាភិបាលជប៉ុន សម្រាប់គម្រោងរបស់អង្គការក្រៅរដ្ឋាភិបាលជប៉ុន។ លោក គូម៉ាម៉ារ៉ូ យូជិ (KUMAMARU Yuri) ឯកអគ្គរដ្ឋទូតជប៉ុនប្រចាំកម្ពុជា បានថ្លែងក្នុងពិធី ចុះហត្ថលេខាផ្តល់ជំនួយឥតសំណងនេះថា រដ្ឋាភិបាលកម្ពុជាបានចេញវិធានការផ្លូវច្បាប់ សម្រាប់ពង្រឹងទីផ្សារកសិកម្មសរីរាង្គកម្ពុជា នៅឆ្នាំ ២០១១ និង២០១៣ ប៉ុន្តែលោកលឺថា ទីផ្សារកសិកម្មសរីរាង្គនូវមិនទាន់ល្អប្រសើរនៅឡើយ។
ពិធី MOU នេះប្រព្រឹត្តឡើងនៅថ្ងៃទី៤ មីនានេះ នៅស្ថានទូតជប៉ុន។ លោកឯកអគ្គរដ្ឋទូតបន្តថា ជំនួសឥតសំណងដែលត្រូវបានផ្តល់ដល់អង្គការ IVY ពេលនេះ ជាគម្រោងកាត់បន្ថយភាពក្រីក្រ តាមរយៈការពង្រឹងទីផ្សារនៃផលិតផលសរីរាង្គរបស់សហគមន៍កសិកម្ម ដំណាក់កាលទី១ ក្នុងខេត្តចំនួន ២ រួមមាន ខេត្តព្រះវិហារ និងស្វាយរៀង។ ហើយថា អង្គការ IVY នឹងសកម្មភាពរបស់ខ្លួន នៅក្នុងខេត្តព្រះវិហារ ជាមួយនឹងចំណេះដឹង និងបទពិសោធន៍កន្លងមក ដែលបានអនុវត្តក្នុងខេត្តស្វាយរៀង។
លោកថ្លែងតាមរយៈអ្នកបកប្រែថា៖«នៅក្នុងខេត្តព្រះវិហារជាទម្លាប់ កសិករដាំដុះស្រូវដោយប្រើប្រាស់វិធីសាស្ត្រសរីរាង្គ ហើយបច្ចុប្បន្ន កសិករបានរួបរួមគ្នាបង្កើតជាសហគមន៍ផ្គត់ផ្គង់ស្រូវសរីរាង្គចំនួន ៨ ហើយ គម្រោងនេះនឹងបង្កើតសហគមន៍កសិកម្មសរីរាង្គចំនួន ៤បន្ថែមទៀត ហើយអង្គការនឹងជួយ បង្រៀនពីបច្ចេកទេសគ្រប់គ្រងទៅដល់សហគមន៍កសិករទាំង ១២សហគមន៍ ហើយនឹង ជំរុញឲ្យមានទីផ្សាររួមគ្នាមួយ សម្រាប់ដាក់លក់ត្រូវសរីរាង្គ ដើម្បីជួយលើកស្ទួយជីវភាពកសិករ ឲ្យកាន់តែប្រសើរឡើង នៅខេត្តព្រះវិហារ»។
លោកឯកអគ្គរដ្ឋទូតជប៉ុនសង្ឃឹមថា ជំនួយរបស់រដ្ឋាភិបាលជប៉ុន តាមរយៈគម្រោងនឹងចូលរួមលើកស្ទួយ សង្គមកិច្ច និងសេដ្ឋកិច្ចក្នុងការកាត់បន្ថយភាពក្រីក្រ និងអភិវឌ្ឍន៍ជីវភាព របស់ប្រជាជនកម្ពុជា នៅតាមមូលដ្ឋានថែមទៀត។
ជាមួយគ្នាដែរ លោកស្រី អាយូមិ ម៉ាត់ស៊ូអ៊ូរ៉ា នាយិកាអង្គការ IVY បានថ្លែងពីគម្រោងនេះថា អង្គការ IVY នឹងជំរុញកសិករជាច្រើននាក់ ឲ្យចេះពង្រឹង និងពង្រីកទីផ្សារស្រូវសរីរាង្គ នៅក្នុងខេត្ត ព្រះវិហារ ដើម្បីកសិករទាំងនោះ ចេះធ្វើកសិកម្មជួយខ្លួនឯង ដោយពុំពឹងផ្អែក លើការធ្វើចំណាកស្រុក។
លើសពីនេះ លោកស្រីថា អង្គការនឹងសាងសង់មជ្ឈមណ្ឌលវេចខ្ចប់ សម្រាប់ដឹកជញ្ជូន ដល់សហគមន៍ផ្គត់ផ្គង់កសិផលស្វាយរៀង ហៅកាត់ថា សាក់ ដែលអង្គការអាយ វី វ៉ាយ បានសម្របសម្រួលបង្កើតក្នុងការបង្កើតឡើងនៅឆ្នាំ២០១១ ក្នុងខេត្តស្វាយរៀង។ ហើយថា សហគមន៍ផ្គត់ផ្គង់កសិផលស្វាយរៀង នឹងមានភាពម្ចាស់ការ និងឯករាជ្យពេញលេញ នៅពេលមជ្ឈមណ្ឌលវេចខ្ជប់សម្រាប់ដឹកជញ្ជូន ត្រូវបានប្តូរទៅកាន់ មជ្ឈមណ្ឌលវេចខ្ជប់សម្រាប់ដឹកជញ្ជូនថ្មី។
លោកស្រីបន្តថា អង្គការ IVY បានអនុវត្តដំណើរការសកម្មភាពខ្លួន នៅតាមតំបន់ជនបទ ក្នុងប្រទេសកម្ពុជា អស់រយៈពេល ១៧ឆ្នាំមកហើយ សេដ្ឋកិច្ចកម្ពុជា បាន និងកំពុងរីកចំរើន ដែលអត្រានៃភាពក្រីក្រត្រូវបានកាត់បន្ថយ។ តែយ៉ាងណា លោកស្រីនិយាយដូច្នេះថា៖« ប្រជាជនដែលស្ទើរតែចាត់ទុកជាអ្នកក្រីក្រ ដែលរស់នៅនៅក្រោមប្រាក់ចំណូល ២,៣ ដុល្លារ អាមេរិក ក្នុងមួយថ្ងៃ និងរស់នៅក្បែរបន្ទាត់ នៃភាពក្រីក្របានកើនឡើងស្ទើតែទ្វេរដង។ ក្នុងចំណោមប្រជាជនសរុប ១៥លាននាក់ក្នុងប្រទេសកម្ពុជា មានប្រជាជនប្រមាណ ១១លាន នាក់ រស់នៅក្នុង ឬក្បែរនឹងភាពក្រីក្រភាគច្រើន ប្រជាជនដែលរស់នៅតាមតំបន់ជនបទ»។
លោកស្រីបន្តថា IVY បាន និងកំពុងព្យាយាមផ្តល់អំណាចដល់កសិករដោយឲ្យពួកគេទទួលបានព័ត៌មាន ផ្តល់ឱកាសសិក្សារៀនសូត្រ និងរៀបចំក្រុមកសិករ នៅតាមតំបន់ជនបទ។
បើតាមលោកស្រី អាយូមិ ម៉ាត់ស៊ូអ៊ូរ៉ា កាលពីឆ្នាំមុន សហគមន៍ផ្គត់ផ្គង់កសិផលស្វាយរៀង បានផ្គត់ផ្គង់បន្លែជាមធ្យមចំនួន ៩តោនក្នុងមួយខែ និងលក់មួយឆ្នាំបានចំណូល ៦៣០០០ ដុល្លារអាមេរិក។
លោកស្រី ម៉ៅ ស៊ីថា ប្រធានសហគមន៍ផ្គត់ផ្គង់កសិផលស្វាយរៀង ស្ថិតក្នុងភូមិពៅ្ន ឃុំតាសួស ស្រុកស្វាយជ្រំ ខេត្តស្វាយរៀង បាននិយាយថា កសិករជាច្រើននាក់ ក្នុងសហគមន៍របស់លោកស្រី បានប្តូរទម្លាប់ពីការធ្វើកសិកម្មសរីរាង្គបែបយថាផលមកធ្វើតាមបែបបច្ចេកទេសដាំំដុះ និងកសិកម្មសរីរាង្គទំនើបវិញ ក្រោយពី IVY បានបណ្តុះ បណ្តាលពីបច្ចេកទេសនេះ។
ប៉ុន្តែយ៉ាងណា លោកស្រីថា សហគមន៍លោកស្រីពុំអាចដាំដុះដំណាំគ្រប់ប្រភេទតបតាមតម្រូវការទីផ្សារនៅឡើយ ដោយលោកស្រី លើកឡើងថា សហគមន៍លោកស្រីអាចផ្គត់ផ្គង់ផលិតផលកសិកម្មសរីរាង្គ ឲ្យកាស៊ីណូមួយកន្លែង នៅក្រុងបាវិត ចំនួនជាង ១តោន ក្នុងមួយសប្តាហ៍ និងមួយចំនួននៅរាជធានីភ្នំពេញ។ ហើយថា បន្លែសរីរាង្គទាំងនោះ រួមមាន ត្រសក់ សណ្តែកកួរ ត្រឡាច និងត្រកួនជាដើម។
ជាងនេះទៀត លោកស្រីថា សហគមន៍លោកស្រីមានបំណងដាំំដុះដំណាំផ្សេងទៀត ដូចជា ការ៉ុត និងឆៃថាវ ជាដើម ប៉ុន្តែលោកស្រី សោកស្តាយ ដោយហេតុថា សហគមន៍លោកស្រីពុំទាន់ចេះពីបច្ចេកទេសដាំដំណាំនេះ នៅឡើយ។
បើតាមលោកស្រី ម៉ៅ ស៊ីថា សមាជិកសហគមន៍ផ្គត់ផ្គង់កសិផលស្វាយរៀងមានចំនួន ៣០០គ្រួសារ ស្ថិតក្នុងភូមិចំនួន ៦០ ឃុំចំនួន ១៧ ស្រុកចំនួន ៥ ក្នុងខេត្តស្វាយរៀង។
បើតាមសេចក្តីប្រកាសព័ត៌មានទូតជប៉ុន កម្មវិធីជំនួយឥតសំណង សម្រាប់គម្រោងអង្គការក្រៅរដ្ឋាភិបាលជប៉ុន ត្រូវបានចាប់ផ្តើមតាំងពីឆ្នាំ ២០០២មក ម្លេះ ដើម្បីគាំទ្រ NGO ជប៉ុនជួយអភិវឌ្ឍ និងស្ថាបនានៅថ្នាក់មូលដ្ឋាន ក្នុងប្រទេសកម្ពុជា។ តាមលិខិតចុះថ្ងៃទី៤ មីនានេះ តាំងពីឆ្នាំ ២០០២មក រដ្ឋាភិបាលជប៉ុនបានផ្ដល់ថវិកាជាង ២៥លានដុល្លារអាមេរិក ដល់គម្រោងចំនួន៩២ ដែលផ្ដោតសំខាន់ ទៅលើវិស័យអប់រំ នៅកម្រិតមូលដ្ឋាន វិស័យសុខាភិបាល និងសកម្មភាពបោសសម្អាតមីន ជាដើម៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ជំនួយឥតសំណង
កម្ពុជា
ជប៉ុន
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
5 ថ្ងៃ
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
6 ថ្ងៃ
បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧
7 ថ្ងៃ
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
10 ម៉ោង
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
1 ថ្ងៃ
អត្ថបទពេញនិយមបន្ថែម