អន្តរជាតិ
×![]()
ដោយ: ថ្មីៗ
អតីតស្ត្រីទីមួយ និងជាភរិយាអតីតប្រធានាធិបតី រ៉ូណាល់ រីហ្កែន (Ronald Reagan) លោកស្រី Nancy Reagan បានស្លាប់នៅថ្ងៃអាទិត្យទី ៦ មីនា ក្នុងវ័យ ៩៤ឆ្នាំ។ នេះបើតាមសារព័ត៌មាន ABC។
បើតាមការដឹងពីតំណាងក្រុមគ្រួសារលោក រីហ្កែន លោកស្រី Nancy Reagan បានទទួលមរណភាពនៅផ្ទះលោកស្រីដែលស្ថិតនៅក្នុងទីក្រុង Los Angeles។ ការស្លាប់របស់លោកស្រី Nacy Reagan បណ្តាលមកពីបញ្ហាបេះដូង ហើយសពលោកស្រីនឹងត្រូវបញ្ចុះនៅបណ្ណាល័យលោក រ៉ូណាល់ រីហ្កែន ដែលស្ថិតនៅតំបន់ Simi Valley នៃរដ្ឋកាលីហ្វរនីញ៉ា។ ទីតាំងបញ្ចុះសពលោកស្រីគឺនៅក្បែរផ្នូររបស់ស្វាមីលោកស្រី លោក រ៉ូណាល់ រីហ្កែន ដែលបានស្លាប់តាំងពី ខែមិថុនា ឆ្នាំ ២០០៤ មកនោះ។
យោងតាមអ្នកតំណាងដដែល មុនពិធីបុណ្យសពបញ្ចប់និងមានការបញ្ចុះសព សាធារណជនអាចអញ្ជើញទៅចូលរួម និងគោរពវិញ្ញាណក្ខន្ធ័លោកស្រីបាន ដែលកម្មវិធីគោរពវិញ្ញាណក្ខ័ន្ធ នេះរៀបចំឡើងនៅបណ្ណាល័យខាងលើ។
សូមបញ្ជាក់ថា លោកស្រី Nancy Reagan បានធ្វើជាស្ត្រីទីមួយចាប់ពីឆ្នាំ ១៩៨១ ដល់ឆ្នាំ ១៩៨៩ ហើយក្នុងពេលនោះលោកស្រីបានខិតខំប្រឹងប្រែងយ៉ាងខ្លាំងដើម្បីប្រឆាំងការប្រើប្រាស់គ្រឿងញៀនក្នុងចំណោមកុមារនិងក្រុមវ័យជំទង់ផងដែរ៕
© រក្សាសិទ្ធិដោយ thmeythmey.com
