អន្តរជាតិ
អ្នកបង្កើតអ៊ីម៉ែល និងសញ្ញា @ ទទួលមរណភាពក្នុងអាយុ៧៤ឆ្នាំ
× លោក Ray Tomlinson ជនជាតិអាមេរិក ដែលជាអ្នកច្នៃប្រឌិតអ៊ីម៉ែល និងសញ្ញា @ (ARPANET) បានទទួលមរណភាពក្នុងអាយុ៧៤ឆ្នាំ កាលពីថ្ងៃសៅរ៍។ កាលពីឆ្នាំ១៩៧១ លោក Tomlinson គឺជាមនុស្សទីមួយដែលបានបង្កើតប្រព័ន្ធអ៊ីម៉ែលជាមួយនឹងនិមិត្តសញ្ញា @ ហើយអាចភ្ជាប់ទំនាក់ទំនងជាមួយនឹងបណ្តាញដទៃទៀតនៅលើអ៊ីនធ័រណិត។
លោក Mike Doble អ្នកនាំពាក្យក្រុមហ៊ុន Raytheon Company ដែលជាកន្លែងធ្វើការរបស់លោក Ray Tomlinson ក្នុងរដ្ឋម៉ាសាឈូសេត សហរដ្ឋអាមេរិក បានប្រកាសពីដំណឹងមរណភាពនេះ ប៉ុន្តែមិនបានបញ្ជាក់ពីមូលហេតុពិតប្រាកដនោះឡើយ ខណៈបណ្តាញព័ត៌មានមួយចំនួនផ្សព្វផ្សាយថា គាត់ស្លាប់ដោយសារជំងឺគាំងបេះដូង។
កើតនៅក្រុងញូវយ៉ក លោក Tomlinson បានចូលរៀននៅសាលាពហុបច្ចេកវិទ្យា Rensselaer Polytechnic Institute និង MIT - Massachusetts Institute of Technology ។ លោកបានធ្វើការនៅក្រុមហ៊ុនធំៗជាច្រើន ហើយក៏ជាទទួលមេដាយកិត្តិយសជាច្រើនផងដែរ៕
Tag:
អ៊ីម៉ែល
Ray Tomlinson
© រក្សាសិទ្ធិដោយ thmeythmey.com