អន្តរជាតិ
×![]()
ដោយ: តន ចាន់រិទ្ធារ៉ា
រដ្ឋាភិបាលជប៉ុនកំពុងតែពិចារណាផ្ដល់ជំនួយទ្រង់ទ្រាយធំទៅឲ្យមីយ៉ាន់ម៉ា ដែលផ្ដោតលើការសាងសង់ហេដ្ឋារចនាសម្ព័ន្ធ និងការរៀបចំទីក្រុង។ នេះបើយោងតាមប្រភពមន្ត្រីរដ្ឋាភិបាលជប៉ុន ដែលបានបញ្ជាក់ទៀតថា ការផ្ដល់ជំនួយនេះគឺធ្វើតាមសំណើរបស់មេបក្សឈ្នះឆ្នោតសម្ព័ន្ធជាតិដើម្បីប្រជាធិបតេយ្យលោកស្រី អ៊ុងសាន ស៊ូជី។ 
ប្រភពមន្ត្រីរដ្ឋាភិបាលជប៉ុនបានឲ្យដឹងថា ជប៉ុននឹងផ្ដល់ជំនួយដ៏ធំជាកម្ចីនិងជំនួយជាមួយទឹកប្រាក់ច្រើនជាង១០០លានយ៉េន ក្រោមរូបភាពនៃជំនួយអភិវឌ្ឍផ្លូវការ (ODA) ទៅរដ្ឋាភិបាលមីយ៉ាន់ម៉ា ខណៈដែលរដ្ឋាភិបាលថ្មីដែលដឹកនាំដោយបក្សសម្ព័ន្ធជាតិដើម្បីប្រជាធិបតេយ្យរបស់លោកស្រី អ៊ុងសាន ស៊ូជី ចូលកាន់ដំណែងនៅខែមេសាខាងមុខ។ ជំនួយនេះនឹងផ្ដោតលើការអភិវឌ្ឍផ្លូវថ្នល់ និងការរៀបចំផែនការទីក្រុង។
យោងតាមមន្ត្រីដដែល រដ្ឋាភិបាលទីក្រុងតូក្យូចង់ពន្លឿនការងារនេះ បន្ទាប់រដ្ឋាភិបាលថ្មីចូលកាន់អំណាច ហើយធ្វើរបាយការណ៍ពិស្ដារស្ដីបញ្ហានេះឲ្យចប់ក្នុងខែមិថុនា។ នេះមានន័យថា ជប៉ុនចង់បញ្ចប់ផែនការផ្ដល់ជំនួយនេះឲ្យបានលឿនជាងប្រទេសដទៃទៀតដែលចង់ផ្ដល់ជំនួយដល់មីយ៉ាន់ម៉ាដែរនោះ ដ្បិតក៏មានប្រទេសមួយចំនួនទៀតទាក់ទងផ្ដល់ជំនួយដល់រដ្ឋាភិបាលដែលដឹកនាំដោយបក្សលោកស្រី ស៊ូជី ផងដែរ។ អាមេរិក សហភាពអឺរ៉ុប ដែលតែងគាំទ្រលោកស្រី ស៊ូជី រហូតមក សុទ្ធមានចំណងផ្ដល់ជំនួយទាំងអស់ ស្របពេលចិនដែលតែងគាំទ្ររបបយោធា ក៏ទាក់ទងបក្សលោកស្រីដូចគ្នា។
បើតាម The Japan Times លោកស្រី អ៊ុងសាន ស៊ូជី បានដាក់សំណើសុំជំនួយពីជប៉ុនទៅកាន់លោក Hiroto Izumi ទីប្រឹក្សាពិសេសរបស់នាយករដ្ឋមន្ត្រីជប៉ុនលោក ស៊ីនហ្សូ អាបេ ដែលធ្វើដំណើរមកមីយ៉ាន់ម៉ាកាលពីខែកុម្ភៈមុននេះ។ ជំនួយ ODA របស់ជប៉ុន ទំនងជារួមបញ្ចូលទាំងការផលិតអគ្គីសនី និងហេដ្ឋារចនាសម្ព័ន្ធដឹកជញ្ជូននៅទីក្រុងយ៉ាំងហ្គោន ព្រោះតំបន់មួយចំនួននៅខ្វះអគ្គសនីប្រើប្រាស់ ហើយការកកស្ទះក៏កើនឡើងដោយសារកំណើនយានយន្តក្នុងទីក្រុង។
លើសពីនេះទៅទៀត បើទោះជារដ្ឋធម្មនុញ្ញមីយ៉ាន់ម៉ាហាមលោកស្រី ស៊ូជី ធ្វើប្រធានាធិបតីក៏ដោយ ប្រភពមន្ត្រីរដ្ឋាភិបាលជប៉ុនខាងលើនិយាយទៀតថា លោក Izumi ប្រាប់លោកស្រី ស៊ូជី ថា រដ្ឋាភិបាលលោកអាបេ ចាត់ទុកលោកស្រី ស៊ូជី ជាមេដឹកនាំពិតប្រាកដរបស់មីយ៉ាន់ម៉ា។ ជ័យលាភីណូបែលសន្តិភាពឆ្នាំ១៩៩១ រូបនេះមិនអាចធ្វើជាប្រធានាធិបតីបានទេ ព្រោះមាត្រា៥៩នៃរដ្ឋធម្មនុញ្ញមីយ៉ាន់ម៉ា ចែងហាមអ្នកណាមានប្ដីប្រពន្ធឬកូន មានសញ្ជាតិបរទេសធ្វើជាប្រធានាធិបតី ហើយលោកស្រី ស៊ូជី មានអតីតប្ដីនិងកូនប្រុសពីរនាក់មានសញ្ជាតិអង់គ្លេស។
សូមបញ្ជាក់ថា ជប៉ុនបានបង្កើនការផ្ដល់ជំនួយរបស់ខ្លួនទៅមីយ៉ាន់ម៉ា នៅពេលដែលមីយ៉ាន់ម៉ាផ្លាស់ពីការគ្រប់គ្រងដោយយោធា ទៅរកប្រជាធិបតេយ្យក្នុងឆ្នាំ២០១១។ ការវិលទៅរកប្រជាធិបតេយ្យរបស់មីយ៉ាន់ម៉ា បានទាក់ទាញប្រទេសជាច្រើនឲ្យសម្លឹងឃើញឱកាសវិនិយោគក្នុងប្រទេសនេះ ដែលនៅសល់ធនធានរ៉ែយ៉ាងច្រើន៕
ប្រភពមន្ត្រីរដ្ឋាភិបាលជប៉ុនបានឲ្យដឹងថា ជប៉ុននឹងផ្ដល់ជំនួយដ៏ធំជាកម្ចីនិងជំនួយជាមួយទឹកប្រាក់ច្រើនជាង១០០លានយ៉េន ក្រោមរូបភាពនៃជំនួយអភិវឌ្ឍផ្លូវការ (ODA) ទៅរដ្ឋាភិបាលមីយ៉ាន់ម៉ា ខណៈដែលរដ្ឋាភិបាលថ្មីដែលដឹកនាំដោយបក្សសម្ព័ន្ធជាតិដើម្បីប្រជាធិបតេយ្យរបស់លោកស្រី អ៊ុងសាន ស៊ូជី ចូលកាន់ដំណែងនៅខែមេសាខាងមុខ។ ជំនួយនេះនឹងផ្ដោតលើការអភិវឌ្ឍផ្លូវថ្នល់ និងការរៀបចំផែនការទីក្រុង។
យោងតាមមន្ត្រីដដែល រដ្ឋាភិបាលទីក្រុងតូក្យូចង់ពន្លឿនការងារនេះ បន្ទាប់រដ្ឋាភិបាលថ្មីចូលកាន់អំណាច ហើយធ្វើរបាយការណ៍ពិស្ដារស្ដីបញ្ហានេះឲ្យចប់ក្នុងខែមិថុនា។ នេះមានន័យថា ជប៉ុនចង់បញ្ចប់ផែនការផ្ដល់ជំនួយនេះឲ្យបានលឿនជាងប្រទេសដទៃទៀតដែលចង់ផ្ដល់ជំនួយដល់មីយ៉ាន់ម៉ាដែរនោះ ដ្បិតក៏មានប្រទេសមួយចំនួនទៀតទាក់ទងផ្ដល់ជំនួយដល់រដ្ឋាភិបាលដែលដឹកនាំដោយបក្សលោកស្រី ស៊ូជី ផងដែរ។ អាមេរិក សហភាពអឺរ៉ុប ដែលតែងគាំទ្រលោកស្រី ស៊ូជី រហូតមក សុទ្ធមានចំណងផ្ដល់ជំនួយទាំងអស់ ស្របពេលចិនដែលតែងគាំទ្ររបបយោធា ក៏ទាក់ទងបក្សលោកស្រីដូចគ្នា។
បើតាម The Japan Times លោកស្រី អ៊ុងសាន ស៊ូជី បានដាក់សំណើសុំជំនួយពីជប៉ុនទៅកាន់លោក Hiroto Izumi ទីប្រឹក្សាពិសេសរបស់នាយករដ្ឋមន្ត្រីជប៉ុនលោក ស៊ីនហ្សូ អាបេ ដែលធ្វើដំណើរមកមីយ៉ាន់ម៉ាកាលពីខែកុម្ភៈមុននេះ។ ជំនួយ ODA របស់ជប៉ុន ទំនងជារួមបញ្ចូលទាំងការផលិតអគ្គីសនី និងហេដ្ឋារចនាសម្ព័ន្ធដឹកជញ្ជូននៅទីក្រុងយ៉ាំងហ្គោន ព្រោះតំបន់មួយចំនួននៅខ្វះអគ្គសនីប្រើប្រាស់ ហើយការកកស្ទះក៏កើនឡើងដោយសារកំណើនយានយន្តក្នុងទីក្រុង។
លើសពីនេះទៅទៀត បើទោះជារដ្ឋធម្មនុញ្ញមីយ៉ាន់ម៉ាហាមលោកស្រី ស៊ូជី ធ្វើប្រធានាធិបតីក៏ដោយ ប្រភពមន្ត្រីរដ្ឋាភិបាលជប៉ុនខាងលើនិយាយទៀតថា លោក Izumi ប្រាប់លោកស្រី ស៊ូជី ថា រដ្ឋាភិបាលលោកអាបេ ចាត់ទុកលោកស្រី ស៊ូជី ជាមេដឹកនាំពិតប្រាកដរបស់មីយ៉ាន់ម៉ា។ ជ័យលាភីណូបែលសន្តិភាពឆ្នាំ១៩៩១ រូបនេះមិនអាចធ្វើជាប្រធានាធិបតីបានទេ ព្រោះមាត្រា៥៩នៃរដ្ឋធម្មនុញ្ញមីយ៉ាន់ម៉ា ចែងហាមអ្នកណាមានប្ដីប្រពន្ធឬកូន មានសញ្ជាតិបរទេសធ្វើជាប្រធានាធិបតី ហើយលោកស្រី ស៊ូជី មានអតីតប្ដីនិងកូនប្រុសពីរនាក់មានសញ្ជាតិអង់គ្លេស។
សូមបញ្ជាក់ថា ជប៉ុនបានបង្កើនការផ្ដល់ជំនួយរបស់ខ្លួនទៅមីយ៉ាន់ម៉ា នៅពេលដែលមីយ៉ាន់ម៉ាផ្លាស់ពីការគ្រប់គ្រងដោយយោធា ទៅរកប្រជាធិបតេយ្យក្នុងឆ្នាំ២០១១។ ការវិលទៅរកប្រជាធិបតេយ្យរបស់មីយ៉ាន់ម៉ា បានទាក់ទាញប្រទេសជាច្រើនឲ្យសម្លឹងឃើញឱកាសវិនិយោគក្នុងប្រទេសនេះ ដែលនៅសល់ធនធានរ៉ែយ៉ាងច្រើន៕
Tag:
ជប៉ុន
មីយ៉ាន់ម៉ា
© រក្សាសិទ្ធិដោយ thmeythmey.com
