អន្តរជាតិ
×![]()
នាវាដឹកយន្តហោះទីពីររបស់ចិនត្រូវគេសង់ឡើយដោយមានបច្ចេកវិទ្យាទំនើបជាងមុនដើម្បីប្រឆាំងសត្រូវ និងធំជាងមុនអាចដឹកយន្តហោះចម្បាំងបានច្រើនជាងមុនផង។ បច្ចុប្បន្ននេះមហាយក្សចិនកំពុងប្រឹងប្រែងសាងសង់នាវាដឹកយន្តហោះបន្ថែមដើម្បីពង្រឹងកម្លាំងទ័ពជើងទឹករបស់ខ្លួន ព្រោះមហាអំណាចនេះមាននាវាដឹកយន្តហោះតែមួយគ្រឿងប៉ុណ្ណោះ។
សូមស្ដាប់ព័ត៌មានលម្អិត៖
អ្នកនាំពាក្យកងទ័ពជើងទឹកចិនបានបញ្ជាក់ថា នាវាដឹកយន្តហោះ ទីពីររបស់ចិននឹងក្លាយជានាវាដែលមានសមត្ថភាពខ្ពស់ មានបំពាក់បច្ចេកវិទ្យាទំនើប និងអាចដឹកយន្តហោះបានច្រើនជាមុនដោយមានទាំងឧទ្ធម្ភាគចក្រ និងយន្តហោះប្រដេញផង។
យោងតាមសម្តីលោក Yin Zhuo ដែលស្រង់ដោយសារព័ត៌មានរុស្ស៊ី Sputnikថា បច្ចុប្បន្នកងទ័ពជើងទឹកចិនមាននាវាដឹកយន្តហោះមួយគ្រឿង តែនេះចិនកំពុងសង់នាវាមួយគ្រឿងទៀត ដែលធំជាងមុន និងមានយន្តហោះចម្បាំងប្រភេទ J-15 ផង ដែលមានសមត្ថភាពអាចកម្ទេចនាវាមុជទឹក ។
ក្រៅពីថា ជានាវាដែលមានបំពាក់សព្វាវុធទំនើបច្រើន នាវាដឹកយន្តហោះថ្មីរបស់ចិនត្រូវសាងសង់និងរចនាឡើងដើម្បីបំពេញប្រតិបត្តិការក្នុងស្ថានភាពមនុស្សធម៌ និងជម្លៀសមនុស្សក្នុងស្ថានភាពចាំបាច់ផងដែរ។
ការសង់នាវាដឹកយន្តហោះបន្ថែមនេះ នឹងជួយឲ្យកងទ័ពជើងទឹកចិនបំពេញភារកិច្ចរបស់ខ្លួនបានប្រសើរជាងមុន ហើយវាក៏បញ្ជាក់ថាយោធាជើងទឹកចិនមានអំណាចខ្លាំងជាងមុនដែរ។ នាវានេះជាអាវុធយុទ្ធសាស្ត្រមួយដែលមានប្រសិទ្ធិភាពបំផុតក្នុងចម្បាំងនៅឆ្ងាយ ព្រោះវាអាចដឹកជញ្ជូនយន្តហោះចម្បាំងទៅឆ្ងាយបានយ៉ាងងាយ។
បើតាមរបាយការណ៍សហរដ្ឋអាមេរិកប្រចាំ ឆ្នាំ ២០១៥ មហាយក្សចិនបន្តកម្មវិធីសាងសង់នាវាដឹកយន្តហោះក្នុងស្រុក ហើយគេរំពឹងថាក្នុងរយៈពេល ១៥ឆ្នាំទៅមុខ ចិននឹងសម្រេចជោគជ័យក្នុងការផលិតនាវាប្រភេទនេះច្រើនគ្រឿង។ ពេលនោះហើយ កងទ័ពជើងទឹកចិននឹងកាន់តែមានឥទ្ធិពលនិងសមត្ថភាពខ្លាំង។
ចំណែកនាវាដឹកយន្តហោះទីមួយរបស់ចិនដែលទើបចូលជាបម្រើកងទ័ពក្នុងខែកញ្ញាឆ្នាំ ២០១២ កន្លងទៅនេះទេ។នាវានោះមានឈ្មោះថា Liaoning ដែលមានទម្ងន់ ៥៥០០០តោន ហើយនាវានេះត្រូវបានរដ្ឋាភិបាលចិនទិញមកពីអតីតរដ្ឋហភាពសូវៀត អ៊ុយក្រែន ឆ្នាំ ១៩៩៨ ។
តាមពិតទៅ ការលើកឡើងរបស់អ្នកនាំពាក្យកងទ័ពជើងទឹកចិននេះ កើតមានឡើងប្រហែលជា ២ ឬ៣ ខែប៉ុណ្ណោះក្រោយពេលដែលក្រសួងការពារជាតិចិនប្រកាសថា នាវាដឹកយន្តហោះទីពីរ ត្រូវសាងសង់ឡើងនៅកំពង់ផែចិន Dalian។ ហើយក្រោយការប្រកាស គេក៏មិនទាន់ទទួលព័ត៌មានច្បាស់លាស់នៅឡើយដែរថា តើគម្រោងសង់នាវាដឹកយន្តហោះទីពីរនេះជារឿងពិតប្រាកដឬអត់៕
សូមស្ដាប់ព័ត៌មានលម្អិត៖
អ្នកនាំពាក្យកងទ័ពជើងទឹកចិនបានបញ្ជាក់ថា នាវាដឹកយន្តហោះ ទីពីររបស់ចិននឹងក្លាយជានាវាដែលមានសមត្ថភាពខ្ពស់ មានបំពាក់បច្ចេកវិទ្យាទំនើប និងអាចដឹកយន្តហោះបានច្រើនជាមុនដោយមានទាំងឧទ្ធម្ភាគចក្រ និងយន្តហោះប្រដេញផង។
យោងតាមសម្តីលោក Yin Zhuo ដែលស្រង់ដោយសារព័ត៌មានរុស្ស៊ី Sputnikថា បច្ចុប្បន្នកងទ័ពជើងទឹកចិនមាននាវាដឹកយន្តហោះមួយគ្រឿង តែនេះចិនកំពុងសង់នាវាមួយគ្រឿងទៀត ដែលធំជាងមុន និងមានយន្តហោះចម្បាំងប្រភេទ J-15 ផង ដែលមានសមត្ថភាពអាចកម្ទេចនាវាមុជទឹក ។
ក្រៅពីថា ជានាវាដែលមានបំពាក់សព្វាវុធទំនើបច្រើន នាវាដឹកយន្តហោះថ្មីរបស់ចិនត្រូវសាងសង់និងរចនាឡើងដើម្បីបំពេញប្រតិបត្តិការក្នុងស្ថានភាពមនុស្សធម៌ និងជម្លៀសមនុស្សក្នុងស្ថានភាពចាំបាច់ផងដែរ។
ការសង់នាវាដឹកយន្តហោះបន្ថែមនេះ នឹងជួយឲ្យកងទ័ពជើងទឹកចិនបំពេញភារកិច្ចរបស់ខ្លួនបានប្រសើរជាងមុន ហើយវាក៏បញ្ជាក់ថាយោធាជើងទឹកចិនមានអំណាចខ្លាំងជាងមុនដែរ។ នាវានេះជាអាវុធយុទ្ធសាស្ត្រមួយដែលមានប្រសិទ្ធិភាពបំផុតក្នុងចម្បាំងនៅឆ្ងាយ ព្រោះវាអាចដឹកជញ្ជូនយន្តហោះចម្បាំងទៅឆ្ងាយបានយ៉ាងងាយ។
បើតាមរបាយការណ៍សហរដ្ឋអាមេរិកប្រចាំ ឆ្នាំ ២០១៥ មហាយក្សចិនបន្តកម្មវិធីសាងសង់នាវាដឹកយន្តហោះក្នុងស្រុក ហើយគេរំពឹងថាក្នុងរយៈពេល ១៥ឆ្នាំទៅមុខ ចិននឹងសម្រេចជោគជ័យក្នុងការផលិតនាវាប្រភេទនេះច្រើនគ្រឿង។ ពេលនោះហើយ កងទ័ពជើងទឹកចិននឹងកាន់តែមានឥទ្ធិពលនិងសមត្ថភាពខ្លាំង។
ចំណែកនាវាដឹកយន្តហោះទីមួយរបស់ចិនដែលទើបចូលជាបម្រើកងទ័ពក្នុងខែកញ្ញាឆ្នាំ ២០១២ កន្លងទៅនេះទេ។នាវានោះមានឈ្មោះថា Liaoning ដែលមានទម្ងន់ ៥៥០០០តោន ហើយនាវានេះត្រូវបានរដ្ឋាភិបាលចិនទិញមកពីអតីតរដ្ឋហភាពសូវៀត អ៊ុយក្រែន ឆ្នាំ ១៩៩៨ ។
តាមពិតទៅ ការលើកឡើងរបស់អ្នកនាំពាក្យកងទ័ពជើងទឹកចិននេះ កើតមានឡើងប្រហែលជា ២ ឬ៣ ខែប៉ុណ្ណោះក្រោយពេលដែលក្រសួងការពារជាតិចិនប្រកាសថា នាវាដឹកយន្តហោះទីពីរ ត្រូវសាងសង់ឡើងនៅកំពង់ផែចិន Dalian។ ហើយក្រោយការប្រកាស គេក៏មិនទាន់ទទួលព័ត៌មានច្បាស់លាស់នៅឡើយដែរថា តើគម្រោងសង់នាវាដឹកយន្តហោះទីពីរនេះជារឿងពិតប្រាកដឬអត់៕
Tag:
ចិន
នាវាដឹកយន្តហោះ
Liaoning
© រក្សាសិទ្ធិដោយ thmeythmey.com
