អន្តរជាតិ
×![]()
រដ្ឋាភិបាលកូរ៉េខាងត្បូង គ្រោងនឹងបង្កើតមជ្ឈមណ្ឌលកែប្រែសម្រាប់យុវជនកូរ៉េខាងត្បូងដែលញៀននឹងការប្រើប្រាស់ទូរសព្ទរបស់ពួកគេ។ នៅក្នុងមជ្ឈមណ្ឌលនេះ យុវជនទាំងនោះ នឹងត្រូវបង្ខំឲ្យរស់នៅដោយគ្មានទូរសព្ទនិងកុំព្យូទ័រ ហើយពួកគេនឹងរស់នៅតាមរបៀបជីវិតក្នុងពិភពលោកពិតប្រាកដមួយ។ នេះបើយោងតាមការផ្សាយរបស់ Al Jazeera។ 
កូរ៉េខាងត្បូងកំពុងតែរៀបចំបង្កើតមជ្ឈមណ្ឌលសម្រាប់កែប្រែយុវជនដែលងប់ងល់នឹងការចំណាយពេលយ៉ាងច្រើនលើឧបករណ៍អេឡិចត្រូនិច ជាពិសេសទូរសព្ទនិងកុំព្យូទ័រ។ គោលបំណងនៃការបង្កើតមជ្ឈមណ្ឌលនេះ ត្រូវបានមើលឃើញថា ជាការទប់ស្កាត់ការញៀនការប្រើប្រាស់ទូរសព្ទ ក្នុងចំណោមយុវជនកូរ៉េខាងត្បូង ដែលចំណាយពេលវេលាយ៉ាងច្រើនលើឧបករណ៍អេឡិចត្រូនិចទាំងនោះ។
បើតាម Al Jazeera សាលារៀនមួយកន្លែងនៅកូរ៉េខាងត្បូងកំពុងតែដំណើរចុះឈ្មោះយុជនក្មេងៗ ដែលនៅទីនោះ ក្រុមយុវជនក្មេងៗទាំងនោះ ត្រូវរស់នៅដោយគ្មានទូរសព្ទឬកុំព្យូទ័រឡើយ។ ជំនួសមកវិញ ពួកគេត្រូវបានលើកចិត្តឲ្យអានសៀវភៅ លេងហ្គេម និងធ្វើទំនាក់ទំនងជាមួយពិភពខាងក្រៅ។
នាយកមជ្ឈមណ្ឌលនេះលោក Shim Yong-Chool បានប្រាប់ Al Jazeera ថា៖«អំឡុងពេលដែលពួកគេនៅទីនេះ ពួកគេនឹងទទួលបានបទពិសោធន៍ថា ពួកគេពិតជាអាចរស់នៅដោយគ្មានទូរសព្ទទំនើប។ យើងជឿថា វាអាចជួយឲ្យពួកគេចេះគ្រប់គ្រងខ្លួនឯង»។ ជាមួយគ្នានេះដែរ យុវជនប្រុសស្រី ត្រូវដាក់នៅដាច់ដោយឡែកពីគ្នា និងដំណើរការកែប្រែនេះមានរយៈពេល៤សប្ដាហ៍។ ក្នុងរយៈពេលនេះ ពួកគេនឹងត្រូវបានជំរុញឲ្យគិតពីអនាគត និងអាជីពការងាររបស់ពួកគេផ្ទាល់។
យុវជន Yoon Jang-Won ដែលស្នាក់នៅមណ្ឌលនេះនិយាយថា រូបគេធ្លាប់ចំណាយពេលយ៉ាងតិច១២ម៉ោង នៅលើអេក្រង់ទូរសព្ទ មុនពេលចូលមជ្ឈមណ្ឌលនេះ។ យុវជនវ័យ១៦ឆ្នាំរូបនេះបន្តថា «នៅពេលដែលខ្ញុំជិតដេក ខ្ញុំតែងមានអារម្មណ៍ចង់ចុចទូរសព្ទ»។
«ឲ្យតែដល់ពេលប្រើទូរសព្ទ ខ្ញុំតែងតែចង់ចុចវា។ ខ្ញុំតែងតែគិតបែបនេះ។ ប៉ុន្តែចាប់តាំងពីយើងរស់នៅជាមួយគ្នាមក ខ្ញុំអាចជម្នះវាបាន។ ខ្ញុំមិនអីនោះទេ»។ នេះជាលើកឡើងរបស់យុវជន Yoon Jang-Won ។
កូរ៉េខាងត្បូងកំពុងតែរៀបចំបង្កើតមជ្ឈមណ្ឌលសម្រាប់កែប្រែយុវជនដែលងប់ងល់នឹងការចំណាយពេលយ៉ាងច្រើនលើឧបករណ៍អេឡិចត្រូនិច ជាពិសេសទូរសព្ទនិងកុំព្យូទ័រ។ គោលបំណងនៃការបង្កើតមជ្ឈមណ្ឌលនេះ ត្រូវបានមើលឃើញថា ជាការទប់ស្កាត់ការញៀនការប្រើប្រាស់ទូរសព្ទ ក្នុងចំណោមយុវជនកូរ៉េខាងត្បូង ដែលចំណាយពេលវេលាយ៉ាងច្រើនលើឧបករណ៍អេឡិចត្រូនិចទាំងនោះ។
បើតាម Al Jazeera សាលារៀនមួយកន្លែងនៅកូរ៉េខាងត្បូងកំពុងតែដំណើរចុះឈ្មោះយុជនក្មេងៗ ដែលនៅទីនោះ ក្រុមយុវជនក្មេងៗទាំងនោះ ត្រូវរស់នៅដោយគ្មានទូរសព្ទឬកុំព្យូទ័រឡើយ។ ជំនួសមកវិញ ពួកគេត្រូវបានលើកចិត្តឲ្យអានសៀវភៅ លេងហ្គេម និងធ្វើទំនាក់ទំនងជាមួយពិភពខាងក្រៅ។
នាយកមជ្ឈមណ្ឌលនេះលោក Shim Yong-Chool បានប្រាប់ Al Jazeera ថា៖«អំឡុងពេលដែលពួកគេនៅទីនេះ ពួកគេនឹងទទួលបានបទពិសោធន៍ថា ពួកគេពិតជាអាចរស់នៅដោយគ្មានទូរសព្ទទំនើប។ យើងជឿថា វាអាចជួយឲ្យពួកគេចេះគ្រប់គ្រងខ្លួនឯង»។ ជាមួយគ្នានេះដែរ យុវជនប្រុសស្រី ត្រូវដាក់នៅដាច់ដោយឡែកពីគ្នា និងដំណើរការកែប្រែនេះមានរយៈពេល៤សប្ដាហ៍។ ក្នុងរយៈពេលនេះ ពួកគេនឹងត្រូវបានជំរុញឲ្យគិតពីអនាគត និងអាជីពការងាររបស់ពួកគេផ្ទាល់។
យុវជន Yoon Jang-Won ដែលស្នាក់នៅមណ្ឌលនេះនិយាយថា រូបគេធ្លាប់ចំណាយពេលយ៉ាងតិច១២ម៉ោង នៅលើអេក្រង់ទូរសព្ទ មុនពេលចូលមជ្ឈមណ្ឌលនេះ។ យុវជនវ័យ១៦ឆ្នាំរូបនេះបន្តថា «នៅពេលដែលខ្ញុំជិតដេក ខ្ញុំតែងមានអារម្មណ៍ចង់ចុចទូរសព្ទ»។
«ឲ្យតែដល់ពេលប្រើទូរសព្ទ ខ្ញុំតែងតែចង់ចុចវា។ ខ្ញុំតែងតែគិតបែបនេះ។ ប៉ុន្តែចាប់តាំងពីយើងរស់នៅជាមួយគ្នាមក ខ្ញុំអាចជម្នះវាបាន។ ខ្ញុំមិនអីនោះទេ»។ នេះជាលើកឡើងរបស់យុវជន Yoon Jang-Won ។
Tag:
កូរ៉េខាងត្បូង
ទូរសព្ទ
© រក្សាសិទ្ធិដោយ thmeythmey.com
