អន្តរជាតិ
មេឧទ្ទាមឥស្លាមហ្វីលីពីន ព្រមានការបើកសាខារបស់ក្រុមជ្រុលនិយមISនៅភាគខាងត្បូងប្រទេស
លោក Murad Ebrahim ប្រធានរណសិរ្សរំដោះឥស្លាមម៉ូរ៉ូ
×![]()
ប្រធានអង្គការនៃឧទ្ទាមឥស្លាមហ្វីលីពីនធំជាងគេ បានព្រមាននៅថ្ងៃចន្ទទី០៧ ខែមីនាម្សិលមិញថា ក្រុមជ្រុលនិយមរដ្ឋឥស្លាម កំពុងតែព្យាយាមបង្កើតសាខា ឬមូលដ្ឋានរបស់ពួកគេនៅភាគខាងត្បូងនៃប្រទេសហ្វីលីពីនដែលកំពុងតែគ្រប់គ្រងដោយក្រុមឧទ្ទាមស្រាប់នោះ។ 
លោក Murad Ebrahim ប្រធានរណសិរ្សរំដោះឥស្លាមម៉ូរ៉ូ (MILF) បានថ្លែងឲ្យដឹងថាក្រុមជ្រុលនិយម IS កំពុងតែព្យាយាមបញ្ចូលខ្លួនរបស់ពួកគេទៅតំបន់មិនដាណាវ (Mindanao) ដែលស្ថិតនៅភាគខាង ត្បូងនៃប្រទេសហ្វីលីពីនហើយ។ ការលើកឡើងនេះ ធ្វើឡើងក្រោយពីដំណើរការនៃការចរចាសន្តិភាព ត្រូវបានជាប់គាំង ពោលគឺនៅពេលសភាហ្វីលីពីន បានបរាជ័យក្នុងការអនុម័តច្បាប់រវាងរដ្ឋាភិបាល និង ក្រុម MILF ក្នុងការផ្តល់ស្វ័យភាពទៅឲ្យក្រុមនោះ។
លោក Murad Ebrahim ក៏បានសង្កត់ធ្ងន់ដែរថា ក្រោយពីការបរាជ័យនៃច្បាប់នោះ(ការផ្តល់ស្វ័យភាព) ក្រុមរណសិរ្សពិត ជាមានការព្រួយបារម្ភយ៉ាងខ្លាំង ចំពោះវត្តមានរបស់ក្រុមជ្រុលនិយម ។ ជាពិសេស នោះ ការរាំងស្ទះនៃការធ្វើច្បាប់ដើម្បីគ្រប់គ្រងតំបន់នោះ នឹងអាចបើកផ្លូវឲ្យក្រុមជ្រុលនិយម ឆ្លៀតយកប្រយោជន៍អំពីអវត្តមាននេះ។
សូមបញ្ជាក់ផងដែរថា កោះមិនដាណាវ គឺជាតំបន់ភូមិសាស្ត្រមួយដ៏ស្មុគស្មាញរបស់ហ្វីលីពីន។ ទីនោះហើយគឺជាជម្រករបស់ក្រុមឧទ្ទាម ដែលតែងតែប៉ះទង្គិចគ្នាជាមួយនឹងកងកម្លាំងរដ្ឋាភិបាលជាញឹកញាប់។ ការប៉ះទង្គិចគ្នាដោយការបាញ់ប្រហារបានស្ងប់ស្ងាត់ទៅវិញក្រោយ រដ្ឋាភិបាលហ្វីលីពីន និងមេដឹកនាំក្រុមឧទ្ទាមរណសិរ្សរំដោះឥស្លាមម៉ូរ៉ូ បានចុះកិច្ចព្រមព្រៀងសន្តិភាពបទឈប់បាញ់កាលពីខែមិនា ឆ្នាំ ២០១៤ ហើយបានសន្យាថានឹងអនុញ្ញាតឲ្យរណសិរ្សរំដោះឥស្លាមម៉ូរ៉ូ( Moro Islamic Liberation Front) អាចមានស្វ័យភាពនៅក្នុងការគ្រប់គ្រងទាំងផ្នែកសេដ្ឋកិច្ច និងនយោបាយនៅក្នុងតំបន់ជម្លោះនោះ។
យ៉ាងណាក៏ដោយ ដូចមេឧទ្ទាមរណសិរ្ស បានព្រមានបើសភានៅតែមិនអនុម័តច្បាប់មួយដើម្បីផ្តល់ លទ្ធភាពផ្លូវច្បាប់ឲ្យក្រុមម៉ូរ៉ូ គ្រប់គ្រងតំបន់នោះទេ ពិតប្រាកដណាស់ ក្រុមជ្រុលនិយម នឹងបើកសាខា របស់ពួកគេនៅហ្វីលីពីនជាក់ជាពុំខាន ដ្បិត លោក Murad ក៏បានអះអាងដែរថា រណសិរ្សម៉ូរ៉ូ ក៏ធា្លប់សុំ ចរចាជាមួយក្រុមឧទ្ទាមដើម្បីវាយប្រហាររដ្ឋាភិបាលផងដែរ៕
លោក Murad Ebrahim ប្រធានរណសិរ្សរំដោះឥស្លាមម៉ូរ៉ូ (MILF) បានថ្លែងឲ្យដឹងថាក្រុមជ្រុលនិយម IS កំពុងតែព្យាយាមបញ្ចូលខ្លួនរបស់ពួកគេទៅតំបន់មិនដាណាវ (Mindanao) ដែលស្ថិតនៅភាគខាង ត្បូងនៃប្រទេសហ្វីលីពីនហើយ។ ការលើកឡើងនេះ ធ្វើឡើងក្រោយពីដំណើរការនៃការចរចាសន្តិភាព ត្រូវបានជាប់គាំង ពោលគឺនៅពេលសភាហ្វីលីពីន បានបរាជ័យក្នុងការអនុម័តច្បាប់រវាងរដ្ឋាភិបាល និង ក្រុម MILF ក្នុងការផ្តល់ស្វ័យភាពទៅឲ្យក្រុមនោះ។
លោក Murad Ebrahim ក៏បានសង្កត់ធ្ងន់ដែរថា ក្រោយពីការបរាជ័យនៃច្បាប់នោះ(ការផ្តល់ស្វ័យភាព) ក្រុមរណសិរ្សពិត ជាមានការព្រួយបារម្ភយ៉ាងខ្លាំង ចំពោះវត្តមានរបស់ក្រុមជ្រុលនិយម ។ ជាពិសេស នោះ ការរាំងស្ទះនៃការធ្វើច្បាប់ដើម្បីគ្រប់គ្រងតំបន់នោះ នឹងអាចបើកផ្លូវឲ្យក្រុមជ្រុលនិយម ឆ្លៀតយកប្រយោជន៍អំពីអវត្តមាននេះ។
សូមបញ្ជាក់ផងដែរថា កោះមិនដាណាវ គឺជាតំបន់ភូមិសាស្ត្រមួយដ៏ស្មុគស្មាញរបស់ហ្វីលីពីន។ ទីនោះហើយគឺជាជម្រករបស់ក្រុមឧទ្ទាម ដែលតែងតែប៉ះទង្គិចគ្នាជាមួយនឹងកងកម្លាំងរដ្ឋាភិបាលជាញឹកញាប់។ ការប៉ះទង្គិចគ្នាដោយការបាញ់ប្រហារបានស្ងប់ស្ងាត់ទៅវិញក្រោយ រដ្ឋាភិបាលហ្វីលីពីន និងមេដឹកនាំក្រុមឧទ្ទាមរណសិរ្សរំដោះឥស្លាមម៉ូរ៉ូ បានចុះកិច្ចព្រមព្រៀងសន្តិភាពបទឈប់បាញ់កាលពីខែមិនា ឆ្នាំ ២០១៤ ហើយបានសន្យាថានឹងអនុញ្ញាតឲ្យរណសិរ្សរំដោះឥស្លាមម៉ូរ៉ូ( Moro Islamic Liberation Front) អាចមានស្វ័យភាពនៅក្នុងការគ្រប់គ្រងទាំងផ្នែកសេដ្ឋកិច្ច និងនយោបាយនៅក្នុងតំបន់ជម្លោះនោះ។
យ៉ាងណាក៏ដោយ ដូចមេឧទ្ទាមរណសិរ្ស បានព្រមានបើសភានៅតែមិនអនុម័តច្បាប់មួយដើម្បីផ្តល់ លទ្ធភាពផ្លូវច្បាប់ឲ្យក្រុមម៉ូរ៉ូ គ្រប់គ្រងតំបន់នោះទេ ពិតប្រាកដណាស់ ក្រុមជ្រុលនិយម នឹងបើកសាខា របស់ពួកគេនៅហ្វីលីពីនជាក់ជាពុំខាន ដ្បិត លោក Murad ក៏បានអះអាងដែរថា រណសិរ្សម៉ូរ៉ូ ក៏ធា្លប់សុំ ចរចាជាមួយក្រុមឧទ្ទាមដើម្បីវាយប្រហាររដ្ឋាភិបាលផងដែរ៕
© រក្សាសិទ្ធិដោយ thmeythmey.com
