ជាតិ
នយោបាយជាតិ
ករណីឯកឧត្តម កឹម សុខា៖ស្រីមុំបន្តបដិសេធសំឡេងខ្សែអាត់នៅមុខមន្រ្តីភេរវកម្មមហាផ្ទៃ
× ក្រោយពីឆ្លើយបំភ្លឺនៅចំពោះមន្រ្តីភេរវកម្មរបស់ក្រសួងមហាផ្ទៃអស់រយៈពេលជាង ៤ ម៉ោងនៅថ្ងៃសុក្រនេះ កញ្ញា ស្រីមុំ មិននិយាយប្រាប់អ្នកកាសែតឡើយ ដោយគ្រាន់តែបញ្ជាក់ខ្លីថា កញ្ញាមិនអាចនិយាយបានទេពេលនេះ។
តែយ៉ាងណាក៏ដោយ អ្នកស្រី ទ្រី ឈួន មេធាវីការពារក្តីស្រីមុំ ដែលមានវត្តមានក្នុងពេលផ្តល់ចម្លើយនៅនាយកដ្ឋានប្រឆាំងភេរវកម្ម បានថ្លែងថា កូនក្តីរបស់អ្នកស្រី បានបដិសេធថា សំឡេងខ្សែអាត់និយាយស្នេហាជាមួយលោក កឹម សុខា នោះ មិនមែនជាសំឡេងខ្លួននោះទេ។
លោក ហ៊ី សុខឃី ប្រធាននាយកដ្ឋានប្រឆាំងភេរវកម្ម មិនអត្ថាប្បាយពីអ្វីដែលខ្លួនបានសាកសួរកញ្ញា ស្រីមុំ មានឈ្មោះដើមថា ឃុំ ច័ន្ទតារាទី នោះទេ ដោយលោកអះអាងថា ក្រុមការងាររបស់លោក នឹងបន្តស្រាវជ្រាវទៀតជុំវិញករណីនេះ ជាពិសេសជុំវិញបណ្តឹងបរិហារកេរ្តិ៍ កញ្ញា ធី សុវណ្ណថា។
ដោយឡែកទាក់ទងនឹងនិស្សិតម្នាក់ដែលថា ខ្លួនតំណាងឲ្យនិស្សិតនានានៅរាជធានីភ្នំពេញ ដែលរង់ចាំជូនលិខិតអញ្ជើញ កញ្ញា ស្រីមុំ ឲ្យចូលរួមសិក្ខាសាលាបំភ្លឺពីខ្សែអាត់ដែលគេសង្ស័យថា ជាសំឡេងនាង និងលោក កឹម សុខា នោះ កញ្ញា ស្រីមុំ មិនទទួលយកលិខិតនោះទេ៕ © រក្សាសិទ្ធិដោយ thmeythmey.com