ជាតិ
បទយកការណ៍ / បទសម្ភាសន៍
×![]()
ប្រធានគណបក្សសង្គ្រោះជាតិ ឯកឧត្តម សម រង្ស៊ី មិនចាប់អារម្មណ៍នឹងការព្រមានបញ្ចេញព័ត៌មានពុករលួយខ្លួនពីសំណាក់លោក ឱម យ៉ិនទៀង ប្រធានអង្គភាពប្រឆាំងអំពើពុករលួយនោះទេ។ ក្នុងបទសម្ភាសន៍ខ្លីជាមួយ លោក ជា ធីរិទ្ធ និពន្ធនាយករងសារព័ត៌មានថ្មីៗ ពីប្រទេសបារាំងមក ឯកឧត្តម សម រង្ស៊ី បានចាត់ទុកការលើកឡើងរបស់លោក ឱម យ៉ិនទៀង ថា និយាយគ្មានមូលដ្ឋាន។
សូមស្តាប់ និងអានបទសម្ភាសន៍ខាងក្រោម៖
លោក ជា ធីរិទ្ធ៖ ឯកឧត្តម បានជ្រាបហើយថា ស្របពេលដែលឯកឧត្តមជាប្រធានគណបក្សសង្គ្រោះជាតិ កំពុងគេចពីការចាប់ខ្លួនរបស់តុលាការនៅក្រៅប្រទេស នៅក្នុងប្រទេសឯណេះវិញ អនុប្រធានគណបក្សរបស់ឯកឧត្តម គឺឯកឧត្តម កឹម សុខា កំពុងតែហ៊ុំព័ទ្ធដោយរឿងអាស្រូវស្នេហា ហើយមានយុវជនមួយក្រុមកំពុងតែតវ៉ារឿងនេះ។ ករណីឯកឧត្តម កឹម សុខា នេះរដ្ឋសភា ក៏ហៅឯកឧត្តម កឹម សុខា មកបំភ្លឺ ឯអង្គភាពប្រឆាំងអំពើពុករលួយឯណោះ ក៏ចាត់ការរឿងនេះដែរ។ ឯកឧត្តមផ្ទាល់កាលពីម្សិលមិញនេះ ក៏ចោទអង្គភាពប្រឆាំងអំពើពុករលួយថា ធ្វើការខុសតួនាទី។ តើហេតុផលដែលឯកឧត្តមចោទដូច្នេះ ដូចតែអ្វីដែលឯកឧត្តមអះអាងនៅលើបណ្តាញសង្គមហ្វេសប៊ុកនោះមែនទេ?
ឯកឧត្តម សម រង្ស៊ី៖ ខ្ញុំបានពន្យល់អស់ហើយនៅតាមទំព័រហ្វេសប៊ុករបស់ខ្ញុំ។ ខ្ញុំបានបង្ហាញយ៉ាងច្បាស់ថា អង្គភាពប្រឆាំងអំពើពុករលួយ មិនស្គាល់តួនាទីរបស់ខ្លួន។ រឿងអំពើពុករលួយពិតប្រាកដមិនអើពើ តែបែរជាទៅតាមដានរឿងអត់ប្រយោជន៍ រឿងផ្ទាល់ខ្លួន ដែលគ្មានប៉ះពាល់ទៅនឹងផលប្រយោជន៍សាធារណៈ។ ការកេងប្រវ័ញ្ចទ្រព្យសម្បត្តិជាតិ ទ្រព្យសម្បត្តិរាស្ត្រ កេងប្រវ័ញ្ចថវិការាស្ត្រ បានគេហៅថាអំពើពុករលួយពិតប្រាកដ ដែលអង្គភាពប្រឆាំងអំពើពុករលួយគួរណាស់តាមដាន។ ប៉ុន្តែរឿងបុគ្គលខ្លះជារឿងផ្ទាល់ខ្លួន វាគ្មានបះពាល់ទ្រព្យសម្បត្តិសាធារណៈសោះ។ លុយគេចាយ គេមិនបានមកពីកិបកេញថវិការដ្ឋឯណា គេមានយកទ្រព្យសម្បត្តិជាតិទៅលក់ឯណា គេមានកាប់បំផ្លាញព្រៃឈើឯណា។ ដូច្នេះរឿងនេះ វាមិនចូលទៅក្នុងសមត្ថកិច្ចរបស់អង្គភាពប្រឆាំងអំពើពុករលួយទេ។
លោក ជា ធីរិទ្ធ៖ បន្ទាប់ពីការរិះគន់របស់ឯកឧត្តម ទៅលើចំណាត់ការអង្គភាពប្រឆាំងអំពើពុករលួយរួចមក ប្រធានអង្គភាពនេះ បានព្រមានបញ្ចេញព័ត៌មានពុករលួយរបស់ឯកឧត្តម ប្រសិនបើឯកឧត្តមនៅតែបន្តរិះគន់ទៀត។ មិនត្រឹមតែប៉ុណ្ណេះ លោក ឱម យ៉ិនទៀង បានថ្លែងប្រាប់វិទ្យុបារាំងអន្តរជាតិថា ក្រៅពីករណីពុករលួយរបស់ឯកឧត្តម ក៏មានករណីពុករលួយរបស់មន្ត្រីគណបក្សសង្គ្រោះជាតិច្រើនទៀតដែរ។ តើឯកឧត្តម បារម្ភទេ?
ឯកឧត្តម សម រង្ស៊ី៖ រឿងគំរាមកំហែង ខ្ញុំមិនចាប់អារម្មណ៍ទេ ធ្វើអ្វីធ្វើឲ្យមានតម្លាភាព តាមច្បាប់ ពេលនោះបានដឹង ស ខ្មៅ។ ប៉ុន្តែគ្រាន់តែគំរាម យករឿងផ្ទាល់ខ្លួន យកសំឡេងពីនេះពីនោះ ប៉ុន្តែវាមិនប៉ះពាល់ដល់អាយុជីវិតនរណាសោះ មិនប៉ះពាល់ដល់ជាតិសោះ មិនគួរយកចិត្តទុកដាក់សោះ គួរយកចិត្តទុកដាក់ពេលណាមានសម្លាប់មនុស្ស ដូច រឿងសម្លាប់ ពិសិដ្ឋ ពីលិកា រឿងទូច ស៊ុននិច រឿងជះទឹកអាស៊ីត ជាដើម បានយើងត្រូវយកចិត្តទុកដាក់។ អ្នកកាន់អំណាចខ្លះចាយលុយ មិនដឹងយកពីណា? ច្បាស់ជាប្រព្រឹត្តអំពើពុករលួយហើយ ប្រាក់ខែតិច មានលុយឯណា ទៅទិញផ្ទះ ទិញមាស ឲ្យគូសង្សារលួចលាក់នោះទេ។
លោក ជា ធីរិទ្ធ៖ ឯកឧត្តមស្វាគមន៍ ការព្រមាននេះមែនទេ?
ឯកឧត្តម សម រង្ស៊ី៖ ខ្ញុំអត់រវល់។ ដូចខ្ញុំនិយាយអម្បាញ់មិញថា ការគំរាមកំហែងខ្ញុំអត់រវល់។ ខ្ញុំស្នើតែមួយ សូមឲ្យទាំងអស់គ្នាធ្វើអ្វីប្រកបដោយតម្លាភាព តាមច្បាប់ ហើយធ្វើយ៉ាងណាឲ្យតុលាការឯករាជ្យ។
លោក ជា ធីរិទ្ធ៖ ឯកឧត្តមមិនរវល់ ដោយសារតែឯកឧត្តម មិនបានប្រព្រឹត្តអំពើពុករលួយ ដូចការព្រមានរបស់លោក ឱម យ៉ិនទៀង ឬ?
ឯកឧត្តម សម រង្ស៊ី៖ ខ្ញុំអត់មានទៅដោះស្រាយ ដោះសាជាមួយអ្នកដែលនិយាយគ្មានមូលដ្ឋាននោះទេ។
លោក ជា ធីរិទ្ធ៖ ងាកមកករណីឯកឧត្តម កឹម សុខា ឯកឧត្តម យល់ថា នឹងអាចធ្វើធ្លាក់ប្រជាប្រិយភាពគណបក្សសង្គ្រោះជាតិដែរឬទេ?
ឯកឧត្តម សម រង្ស៊ី៖ រឿងនេះជារឿងនយោបាយ គេយកមកលាតត្រដាងដោយថោកទាប។ គេយកមកបង្អើល យកមកច្នៃប្រឌិត ហើយជារឿងអត់ប្រយោជន៍។ រឿងដែលមានប្រយោជន៍សម្រាប់ប្រទេសជាតិ គឺរឿងដែលទាក់ទងនឹងជីវភាពរស់នៅរបស់ប្រជារាស្ត្រ ទាក់ទងនឹងអនាគតរបស់ជាតិ។ រឿងព្រៃឈើ រឿងដីធ្លី រឿងពុករលួយ ថ្នាក់ជាតិ រឿងបូមខ្សាច់ រឿងរំលាយភ្នំ រឿងបំផ្លាញមច្ឆជាតិ ដោយខុសច្បាប់ ធ្វើឲ្យប្រទេសហិនហោច ដើម្បីឲ្យជនពុករលួយខ្លះ ប្រមូលលុយបានយ៉ាងសន្ធឹកសន្ធាប់ ហេតុអ្វីមិនយករឿងទាំងនេះមកនិយាយ?
សូមស្តាប់ និងអានបទសម្ភាសន៍ខាងក្រោម៖
លោក ជា ធីរិទ្ធ៖ ឯកឧត្តម បានជ្រាបហើយថា ស្របពេលដែលឯកឧត្តមជាប្រធានគណបក្សសង្គ្រោះជាតិ កំពុងគេចពីការចាប់ខ្លួនរបស់តុលាការនៅក្រៅប្រទេស នៅក្នុងប្រទេសឯណេះវិញ អនុប្រធានគណបក្សរបស់ឯកឧត្តម គឺឯកឧត្តម កឹម សុខា កំពុងតែហ៊ុំព័ទ្ធដោយរឿងអាស្រូវស្នេហា ហើយមានយុវជនមួយក្រុមកំពុងតែតវ៉ារឿងនេះ។ ករណីឯកឧត្តម កឹម សុខា នេះរដ្ឋសភា ក៏ហៅឯកឧត្តម កឹម សុខា មកបំភ្លឺ ឯអង្គភាពប្រឆាំងអំពើពុករលួយឯណោះ ក៏ចាត់ការរឿងនេះដែរ។ ឯកឧត្តមផ្ទាល់កាលពីម្សិលមិញនេះ ក៏ចោទអង្គភាពប្រឆាំងអំពើពុករលួយថា ធ្វើការខុសតួនាទី។ តើហេតុផលដែលឯកឧត្តមចោទដូច្នេះ ដូចតែអ្វីដែលឯកឧត្តមអះអាងនៅលើបណ្តាញសង្គមហ្វេសប៊ុកនោះមែនទេ?
ឯកឧត្តម សម រង្ស៊ី៖ ខ្ញុំបានពន្យល់អស់ហើយនៅតាមទំព័រហ្វេសប៊ុករបស់ខ្ញុំ។ ខ្ញុំបានបង្ហាញយ៉ាងច្បាស់ថា អង្គភាពប្រឆាំងអំពើពុករលួយ មិនស្គាល់តួនាទីរបស់ខ្លួន។ រឿងអំពើពុករលួយពិតប្រាកដមិនអើពើ តែបែរជាទៅតាមដានរឿងអត់ប្រយោជន៍ រឿងផ្ទាល់ខ្លួន ដែលគ្មានប៉ះពាល់ទៅនឹងផលប្រយោជន៍សាធារណៈ។ ការកេងប្រវ័ញ្ចទ្រព្យសម្បត្តិជាតិ ទ្រព្យសម្បត្តិរាស្ត្រ កេងប្រវ័ញ្ចថវិការាស្ត្រ បានគេហៅថាអំពើពុករលួយពិតប្រាកដ ដែលអង្គភាពប្រឆាំងអំពើពុករលួយគួរណាស់តាមដាន។ ប៉ុន្តែរឿងបុគ្គលខ្លះជារឿងផ្ទាល់ខ្លួន វាគ្មានបះពាល់ទ្រព្យសម្បត្តិសាធារណៈសោះ។ លុយគេចាយ គេមិនបានមកពីកិបកេញថវិការដ្ឋឯណា គេមានយកទ្រព្យសម្បត្តិជាតិទៅលក់ឯណា គេមានកាប់បំផ្លាញព្រៃឈើឯណា។ ដូច្នេះរឿងនេះ វាមិនចូលទៅក្នុងសមត្ថកិច្ចរបស់អង្គភាពប្រឆាំងអំពើពុករលួយទេ។
លោក ជា ធីរិទ្ធ៖ បន្ទាប់ពីការរិះគន់របស់ឯកឧត្តម ទៅលើចំណាត់ការអង្គភាពប្រឆាំងអំពើពុករលួយរួចមក ប្រធានអង្គភាពនេះ បានព្រមានបញ្ចេញព័ត៌មានពុករលួយរបស់ឯកឧត្តម ប្រសិនបើឯកឧត្តមនៅតែបន្តរិះគន់ទៀត។ មិនត្រឹមតែប៉ុណ្ណេះ លោក ឱម យ៉ិនទៀង បានថ្លែងប្រាប់វិទ្យុបារាំងអន្តរជាតិថា ក្រៅពីករណីពុករលួយរបស់ឯកឧត្តម ក៏មានករណីពុករលួយរបស់មន្ត្រីគណបក្សសង្គ្រោះជាតិច្រើនទៀតដែរ។ តើឯកឧត្តម បារម្ភទេ?
ឯកឧត្តម សម រង្ស៊ី៖ រឿងគំរាមកំហែង ខ្ញុំមិនចាប់អារម្មណ៍ទេ ធ្វើអ្វីធ្វើឲ្យមានតម្លាភាព តាមច្បាប់ ពេលនោះបានដឹង ស ខ្មៅ។ ប៉ុន្តែគ្រាន់តែគំរាម យករឿងផ្ទាល់ខ្លួន យកសំឡេងពីនេះពីនោះ ប៉ុន្តែវាមិនប៉ះពាល់ដល់អាយុជីវិតនរណាសោះ មិនប៉ះពាល់ដល់ជាតិសោះ មិនគួរយកចិត្តទុកដាក់សោះ គួរយកចិត្តទុកដាក់ពេលណាមានសម្លាប់មនុស្ស ដូច រឿងសម្លាប់ ពិសិដ្ឋ ពីលិកា រឿងទូច ស៊ុននិច រឿងជះទឹកអាស៊ីត ជាដើម បានយើងត្រូវយកចិត្តទុកដាក់។ អ្នកកាន់អំណាចខ្លះចាយលុយ មិនដឹងយកពីណា? ច្បាស់ជាប្រព្រឹត្តអំពើពុករលួយហើយ ប្រាក់ខែតិច មានលុយឯណា ទៅទិញផ្ទះ ទិញមាស ឲ្យគូសង្សារលួចលាក់នោះទេ។
លោក ជា ធីរិទ្ធ៖ ឯកឧត្តមស្វាគមន៍ ការព្រមាននេះមែនទេ?
ឯកឧត្តម សម រង្ស៊ី៖ ខ្ញុំអត់រវល់។ ដូចខ្ញុំនិយាយអម្បាញ់មិញថា ការគំរាមកំហែងខ្ញុំអត់រវល់។ ខ្ញុំស្នើតែមួយ សូមឲ្យទាំងអស់គ្នាធ្វើអ្វីប្រកបដោយតម្លាភាព តាមច្បាប់ ហើយធ្វើយ៉ាងណាឲ្យតុលាការឯករាជ្យ។
លោក ជា ធីរិទ្ធ៖ ឯកឧត្តមមិនរវល់ ដោយសារតែឯកឧត្តម មិនបានប្រព្រឹត្តអំពើពុករលួយ ដូចការព្រមានរបស់លោក ឱម យ៉ិនទៀង ឬ?
ឯកឧត្តម សម រង្ស៊ី៖ ខ្ញុំអត់មានទៅដោះស្រាយ ដោះសាជាមួយអ្នកដែលនិយាយគ្មានមូលដ្ឋាននោះទេ។
លោក ជា ធីរិទ្ធ៖ ងាកមកករណីឯកឧត្តម កឹម សុខា ឯកឧត្តម យល់ថា នឹងអាចធ្វើធ្លាក់ប្រជាប្រិយភាពគណបក្សសង្គ្រោះជាតិដែរឬទេ?
ឯកឧត្តម សម រង្ស៊ី៖ រឿងនេះជារឿងនយោបាយ គេយកមកលាតត្រដាងដោយថោកទាប។ គេយកមកបង្អើល យកមកច្នៃប្រឌិត ហើយជារឿងអត់ប្រយោជន៍។ រឿងដែលមានប្រយោជន៍សម្រាប់ប្រទេសជាតិ គឺរឿងដែលទាក់ទងនឹងជីវភាពរស់នៅរបស់ប្រជារាស្ត្រ ទាក់ទងនឹងអនាគតរបស់ជាតិ។ រឿងព្រៃឈើ រឿងដីធ្លី រឿងពុករលួយ ថ្នាក់ជាតិ រឿងបូមខ្សាច់ រឿងរំលាយភ្នំ រឿងបំផ្លាញមច្ឆជាតិ ដោយខុសច្បាប់ ធ្វើឲ្យប្រទេសហិនហោច ដើម្បីឲ្យជនពុករលួយខ្លះ ប្រមូលលុយបានយ៉ាងសន្ធឹកសន្ធាប់ ហេតុអ្វីមិនយករឿងទាំងនេះមកនិយាយ?
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ថ្ងៃ
