ពីនេះ ពីនោះ
×![]()
ដោយ: ថ្មីៗ
ពាក្យថា “អូនសម្លាញ់ អូនស្អាតណាស់” ជាតន្ត្រីដ៏ផ្អែមល្ហែម ដែលសុភាពនារីគ្រប់រូប ចូលចិត្តស្តាប់ ដោយមិនជិនណាយឡើយ។ ដូច្នេះ ពេលអ្នកមានការជួបជុំ ឬចូលរួមក្នុងពិធីអ្វីមួយ ដាច់ខាត អ្នកត្រូវចេះសរសើរ សម្រស់ភរិយារបស់ខ្លួន មិនថានៅចំពោះមុខនាង ឬមុខមិត្តភក្តិឡើយ ប៉ុន្តែ កុំនិយាយខុសពីការពិតពេក។ ពេលខ្លះ មិនចាំបាច់អ្នកនិយាយឡើយ គឺនាងនឹងសួរអ្នកថា “តើអូនស្អាតអត់?”
ខាងក្រោមនេះ គឺជាវិធីសាស្ត្រមួយចំនួន ដែលអ្នកគួរសាកល្បង ដើម្បីរក្សា សម្រស់របស់ភរិយាខ្លួន ឲ្យនៅតែស្អាត ៖
១. ចាប់ផ្តើមដោយការសរសើរ
ពេលអ្នកភ្ញាក់ឡើយ ហើយឃើញសក់នាង ជំពាក់ជំពិន ឬមើលទៅអាក្រក់មើល តើអ្នកនឹងធ្វើដូចម្តេច? ខិតទៅជិតនាង ជួយស្រាយសក់ រួចកាន់ចង្ការរបស់នាង ដោយនិយាយថា “អូនឯងស្អាតណាស់” ហើយត្រូវបង្ហាញឲ្យនាងដឹងថា អ្នកមានសំណាងណាស់ ដែលមាននាងជាគូ។ ពាក្យសរសើរ ស្មើរពាក្យបង្អាប់ ពាក្យបង្អាប់ នឹងធ្វើឲ្យនាង ចេះកែកុនសម្រស់ ឲ្យមើលទៅស្អាតជាងមុន។
២. ចាប់អារម្មណ៍ ទៅលើសម្រស់នាង ហើយប្រាប់ឲ្យនាងដឹង
តើប្រពន្ធរបស់អ្នក ស្រស់ស្អាតនឹងអ្វីជាងគេ? ចូរប្រាប់នាង ធានាថា នាងនឹងខិតខំថែរក្សា សម្រស់កន្លែងនោះ ឲ្យកាន់តែស្រស់ស្អាត ជាងមុនទៅទៀត។
៣. ឈប់សម្លឹងនារីដ៏ទៃ
ប្រសិនបើអ្នក នៅតែចោលក្រសែភ្នែក ទៅកាន់នារីដ៏ទៃ ទោះបីជាអ្នក ប្រាប់ប្រពន្ធថា នាងស្អាតជាងគេក៏ដោយ ក៏នាងមិនជឿដែរ។
៤. នាំប្រពន្ធហាត់ប្រាណ
ការហាត់ប្រាណ មិនត្រឹមតែជួយដល់សុខភាពប៉ុណ្ណោះទេ ប៉ុន្តែ វាក៏ជួយលើកសម្រស់ និងបំបាត់ស្ត្រេសផងដែរ។
៥. នាំប្រពន្ធចូលហាងកែសម្រស់
ពេលខ្លះ បើអ្នកមិននាំទៅទេ ធានាថា សូម្បីតែក្រចក ក៏កម្រលាបដែរ ប៉ុន្តែ បើដឹងកន្លែងហើយ ច្បាស់ណាស់ ភរិយារបស់អ្នក ពិតជាមិនចង់ចាញ់ សម្រស់តារាប៉ុន្មាននោះទេ។
គន្លឹះសម្រាប់មនុស្សស្រី
ពេលប្តីសរសើរថា “អ្នកស្អាត” ចូលទទួលពាក្យនេះទុកទៅ ហើយអរគុណស្វាមីផង។ បើអ្នកស្អាតមែន មិនបាច់កែកុនអ្វីច្រើនទេ ប៉ុន្តែ បើអ្នកមិនស្អាត ល្មមដល់ពេលដឹងខ្លួនហើយ។ ស្វាមីអ្នកនិយាយបែបនេះ មានន័យថា គេចង់ឲ្យអ្នកស្រស់ស្អាត។ កែកុនទីនេះ មិនមែនបានន័យថា ឲ្យអ្នកទៅកែច្រមុះ កែបបូរមាត់ ឬវះកាត់ពង្រីកដើមទ្រូងអីទេ គឺថា ការថែរក្សាសម្រស់ធម្មតាៗ ពិតជាអាចជួយអ្នកបាន ដូចជា ៖
- ការហាត់ប្រាណជាប្រចាំ
- ការថែរក្សាសុខភាព និងអនាម័យរាងកាយ
- ការថែរក្សាសម្រស់ តាមរយៈការផាត់មុខ កាត់ក្រចក បាញ់ទឹកអប់
- ស្លៀកសំលៀកបំពាក់ស្អាតៗ និងថ្លៃថ្នូរ ដើម្បីឲ្យសមនឹងកិត្តិយស្វាមី
- ធ្វើឲ្យស្វាមីឃើញ ថាអ្នក ពិតជាស្រស់ស្អាតមែន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
