ពីនេះ ពីនោះ
×![]()
ដោយ: ថ្មីៗ
ការលេងតុងទីន ជាការសន្សំប្រាក់ និងជារបរមួយ ដែលពលរដ្ឋខ្មែរមួយភាគធំចំនួន បង្កើតឡើងជាក្រុមៗ។ ការលេងតុងទីន អាចចាត់ទុកជាការរកស៊ី ឬការចងការប្រាក់ ដែលចំណេញ ហើយមិនចាំបាច់ ដាក់ទ្រព្យបញ្ចាំឡើយ។
ភាគច្រើន ការលេងតុងទីន នឹងជោគជ័យ ប្រសិនបើអ្នកលេងទាំងអស់ មានកិច្ចសន្យា និងគោរពតាមការព្រមព្រៀង។
បើក្នុងករណី ដែលមេតុងទី ឬអ្នកលេងណា ដែលងាប់ (ប្រមូលលុយរួច) រត់ចោល ឬមិនធ្វើតាមកិច្ចសន្យា ច្បាស់ណាស់ តុងទីនក្បាលនេះ ច្បាស់ជាខូច ឬមានបញ្ហាហើយ។
អឺចឹង តាមច្បាប់ តើការរត់ចោលនោះ ត្រូវមានទោសដែរឬទេ? បើមានទោស តើខុសពីបទអ្វី?
ជាទូទៅ ការលេងតុងទីន មេតុងទីន ជាអ្នកប្រមូលលុយ ពីកូនតុងទីនទាំងអស់។ មេតុងទីន ត្រូវធានារ៉ាប់រង និងចេញសងជំនួស ក្នុងករណី កូនតុងទីនណាមួយរត់ចោល។
បច្ចុប្បន្ន ប្រទេសកម្ពុជា គ្មានច្បាប់ស្ដីអំពី ការលេងតុងទីនទេ ប៉ុន្តែ ក្នុងករណី មានជម្លោះ គេអាចប្ដឹង ដោយសម្អាងតាមទៅលើ ភាពជាក់ស្តែង ស្ដីពីកិច្ចសន្យា និងក្រមព្រហ្មទណ្ឌ។
ដូច្នេះ បើមេតុងទីន ឬកូនតុងទីនរត់ នោះគឺត្រូវមានកំហុស ពីបទ "ក្បត់កិច្ចសន្យា" ហើយ។ ហើយបើគេប្តឹង ច្បាស់ជាតម្រូវឲ្យសងជាប្រាក់ និងសំណង់ជំងឺចិត្ត។ល៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
