កូរ៉េផ្តល់ជំនួយជាង ១៣លានដុល្លារ កែលម្អស្ទឹងសៀមរាប

ជាតិ

កូរ៉េផ្តល់ជំនួយជាង ១៣លានដុល្លារ កែលម្អស្ទឹងសៀមរាប

31, Mar 2016 , 8:59 am

រូបភាព

ដោយ:

ភ្នំពេញ៖ នៅថ្ងៃទី២៩ខែមីនានេះ រដ្ឋាភិបាលសាធារណៈរដ្ឋកូរ៉េ តាមរយៈធនាគារនីហរ័ណ-អាហរ័ណកូរ៉េ ផ្តល់ជំនួយឥតសំណងចំនួន ១៣,៣ លានដុល្លារអាមេរិកដល់កម្ពុជា សម្រាប់គម្រោងកែលម្អស្ទឹងសៀមរាប។

យោងតាមទីភ្នាក់ងារសារព័ត៌មាន AKP គម្រោងកែលម្អស្ទឹងសៀមរាបនេះ មានទិសដៅដូចជា៖ ការរំដោះទឹកជំនន់ពីក្រុងសៀមរាបទៅបឹងទន្លេសាប ការសាងសង់ច្រាំង-ទំនប់ការពារមាត់ស្ទឹង ការចាក់ក្រាលកៅស៊ូលើខ្នងទំនប់ប្រវែងសរុប ១០គីឡូម៉ែត្រ ការរៀបចំបំពង់បង្ហូរទឹកសំណល់ប្រវែង ៩គីឡូម៉ែត្រ ជាមួយនឹងការសាងសង់ស្ពានបេតុងឆ្លងស្ទឹងចំនួន ៥កន្លែង និងការរៀបចំកែលម្អសោភ័ណភាពតាមមាត់ស្ទឹង។ ហើយគម្រោងនេះ នឹងជួយលើកកម្ពស់សោភ័ណភាពក្រុងសៀម និងបង្កើនកម្រិតជីវភាពពលរដ្ឋនៅទីនោះផងដែរ៕