ជាតិ
សង្គមជាតិ
ក្រសួងគ្រោងបង្កើតមជ្ឈមណ្ឌលបង្រៀនសិល្បៈ និងភាពយន្ត
× ភ្នំពេញ៖ ក្រសួងអប់រំ យុវជន និងកីឡា និងស្ថាប័នសិល្បៈមួយចំនួន សហការគ្នាគ្រោងបង្កើតមជ្ឈមណ្ឌលមួយ សម្រាប់ការបណ្តុះបណ្តាលយុវជនផ្នែកសិល្បៈ និងភាពយន្ត ដើម្បីលើកស្ទួយវិស័យសិល្បៈភាពយន្តខ្មែរ។ នេះបើតាមប្រសាសន៍លោក ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា។
លោក ហង់ ជួនណារ៉ុន ថ្លែងក្នុងសន្និបាតបូកសរុបការងារអប់រំ កាលពីថ្ងៃទី៣០ ខែមីនា ថា ស្ថាប័នសិល្បៈ និងភាពយន្តមួយចំនួន បានស្នើក្រសួងបណ្តុះបណ្តាលវិស័យនេះ ពួកគេ ធានារ៉ាប់រងថ្លៃចំណាយលើការបណ្តុះបណ្តាលយុវជនទាំងអស់។ ពាក់ព័ន្ធនឹងសំណើនេះ លោករដ្ឋមន្ត្រី បន្តថា ក្រសួង នឹងពិភាក្សាជាមួយក្រសួង និងស្ថាប័ននានា ពាក់ព័ន្ធនឹងការបង្កើតមជ្ឈមណ្ឌលនេះបន្ថែមទៀត ពីព្រោះក្រសួងពុំមានថវិកា និងគ្រូបង្រៀនវិស័យនេះឡើយ។
លោកថ្លែងបញ្ជាក់យ៉ាងដូច្នេះថា៖«បញ្ហាប្រឈមរបស់យើងគឺរកគ្រូបង្រៀនអត់បាន សិល្បៈ ដូរ្យតន្ត្រី ហ្នឹងដូច្នេះក្រសួងនឹងរៀបចំមជ្ឈមណ្ឌលមួយសហការជាមួយស្ថាប័នមួយ ហៅថា Khmer Living art គាត់ចង់បណ្តុះបណ្តាលហើយ គាត់ចេញលុយ គាត់មានថវិកា។ ដួចលោក រិទ្ធី ប៉ាន់ គាត់ចង់ឲ្យបង្រៀនខាងផ្នែកថតកុនទៀត ដូចនេះយើងនឹងផ្សារភ្ជាប់ការងារនេះជាមួយស្ថាប័នផ្សេងទៀត ដើម្បីការបង្រៀននេះ»៕
Tag:
អប់រំ
សិល្បៈ
ភាពយន្ត
រិទ្ធី ប៉ាន់
© រក្សាសិទ្ធិដោយ thmeythmey.com