អន្តរជាតិ
×![]()
ដោយ: តន ចាន់រិទ្ធារ៉ា
អាជ្ញាធរកោះហ្វីជីបានប្រាប់ឲ្យប្រជាជនរបស់ខ្លួនត្រៀមខ្លួនឲ្យស្រេច នៅមុនការមកដល់ព្យុះស៊ីក្លូន Zena ដែលអាចវាយប្រហារកោះនេះនៅពេលខ្លីខាងមុខ។ អាជ្ញាធរបានណែនាំប្រជាជនទាំងអស់ស្ថិតតែក្នុងផ្ទះ ដើម្បីសុខសុវត្ថិភាព។ នេះជាព្យុះសាហាវទីពីរដែលវាយប្រហារមកលើហ្វីជី បន្ទាប់ពីព្យុះWinston ដែលបោកបក់មកលើកោះនេះនៅខែកុម្ភៈ ដោយបានសម្លាប់មនុស្ស៤៤នាក់។
កោះទេសចរណ៍ហ្វីជីបានប្រកាសប្រាប់ប្រជាជនខ្លួនទាំងអស់ ត្រូវប្រុងប្រយ័ត្ននិងត្រូវស្ថិតក្នុងផ្ទះឬទីតាំងនានា នៅស្របពេលដែលព្យុះZena កាន់តែខិតជិតកោះនេះ។ កោះហ្វីជីដែលកំពុងតែងើបឡើងវិញក្រោយការវាយប្រហាររបស់ព្យុះWinston ត្រូវប្រឈមមុខនឹងព្យុះថ្មីមួយនេះ ដែលបានវិវត្តពីព្យុះធម្មតាទៅជាព្យុះកម្រិត៣ និងកំពុងឆ្ពោះទៅកាន់កោះVita Levu។ មុនការមកដល់នៃព្យុះ Zena កោះហ្វីជីក៏កំពុងតែរងការធ្លាក់យ៉ាងខ្លាំង និងបង្កជាទឹកជំនន់ ដែលបណ្ដាលឲ្យបុរសម្នាក់ស្លាប់និងក្មេងស្រីម្នាក់បាត់ខ្លួន។
ការប្រកាសអាសន្ននេះ ធ្វើឡើងនៅចំពេលដែលដែនកោះនេះ នៅមិនទាន់កសាងប្រទេសឡើងវិញ ដែលត្រូវបំផ្លាញដោយព្យុះ Winston នៅខែកុម្ភៈដើមឆ្នាំនេះ។ ព្យុះWinston បានសម្លាប់មនុស្ស៤៤នាក់ និងធ្វើឲ្យមនុស្សច្រើនជាង៦ម៉ឺននាក់បាត់បង់លំនៅដ្ឋានព្រមទាំងបំផ្លាញហេដ្ឋារចនាសម្ព័ន្ធជាច្រើនថែមទៀត។
នៅថ្ងៃទី៦ ខែមេសា រដ្ឋាភិបាលកោះហ្វីជីចេញការណែនាំដល់ប្រជាជនកោះនេះដែលមានចំនួនជាង៩សែននាក់។ រដ្ឋាភិបាលហ្វីជីនិយាយថា ដើម្បីការពារសុវត្ថិភាពនិងសណ្ដាប់ធ្នាប់សាធារណៈ ប្រជាជនទាំងអស់ត្រូវតែស្ថិតក្នុងផ្ទះនិងថែរក្សាទ្រព្យសម្បត្តិខ្លួនឯង រហូតដល់ពេលមានព័ត៌មានបន្ថែម ខណៈដែលព្យុះកម្រិត៣ Zena កាន់តែជិតមកដល់ហើយនោះ។ ជាមួយគ្នានេះ អាកាសចរណ៍ Fiji International ក៏បានលុបចោលជើងហោះហើរអន្តរជាតិរបស់ខ្លួន ហើយសាលារឿនក៏ត្រូវបិទផងដែរ។
ទូរទស្សន៍សិង្ហបុរី Channel NewsAsia ផ្សាយថា ព្យុះស៊ីក្លូននេះ នឹងធ្វើដំណើរ១៧០គីឡូម៉ែតក្នុងមួយម៉ោង និងមកដល់ច្រាំងភាគខាងត្បូងនៃកោះVita Levu នៅព្រឹកថ្ងៃទី៧ ខែមេសា។ ប៉ុន្តែផ្លូវដំណើរនិងកម្លាំងរបស់ព្យុះនេះ មិនងាយនឹងទាយត្រូវនោះទេ ហើយអាចផ្លាស់ប្ដូរមិនទៀតទាត់នោះទេ។
ជាមួយគ្នានេះដែរ ទីភ្នាក់ងារមនុស្សធម៌របស់ UN ក៏បង្ហាញពីការព្រួយបារម្ភចំពោះកម្លាំងខ្យល់ដែលអាចបំផ្លាញដល់ជម្រកបណ្ដោះអាសន្ននិងអាគារ ដែលប៉ះពាល់ដោយព្យុះ Winston ។ មួយវិញទៀត ជាមួយនឹងកម្រិតទឹកភ្លៀង២០០មីលីម៉ែតក្នុងរយៈពេល២៤ម៉ោង ទឹកជំនន់ក៏អាចនឹងវាយប្រហារផងដែរ។
សូមបញ្ជាក់ថា ចាប់តាំងពីការវាយប្រហារដោយព្យុះWinston នៅខែកុម្ភៈ កោះហ្វីជីនៅមិនទាន់ងើបរួចពីមហន្តរាយនៅឡើយទេ។ ប្រជាជនជាច្រើនបានបាត់បង់ផ្ទះសំបែង និងស្នាក់នៅជម្រកបណ្ដោះអាសន្ន។ រដ្ឋាភិបាលកោះនេះ ក៏បានអំពាវនាវរកជំនួយរាប់លានដុល្លារពីបរទេស ដើម្បីស្ដារប្រទេសឡើងវិញ៕
កោះទេសចរណ៍ហ្វីជីបានប្រកាសប្រាប់ប្រជាជនខ្លួនទាំងអស់ ត្រូវប្រុងប្រយ័ត្ននិងត្រូវស្ថិតក្នុងផ្ទះឬទីតាំងនានា នៅស្របពេលដែលព្យុះZena កាន់តែខិតជិតកោះនេះ។ កោះហ្វីជីដែលកំពុងតែងើបឡើងវិញក្រោយការវាយប្រហាររបស់ព្យុះWinston ត្រូវប្រឈមមុខនឹងព្យុះថ្មីមួយនេះ ដែលបានវិវត្តពីព្យុះធម្មតាទៅជាព្យុះកម្រិត៣ និងកំពុងឆ្ពោះទៅកាន់កោះVita Levu។ មុនការមកដល់នៃព្យុះ Zena កោះហ្វីជីក៏កំពុងតែរងការធ្លាក់យ៉ាងខ្លាំង និងបង្កជាទឹកជំនន់ ដែលបណ្ដាលឲ្យបុរសម្នាក់ស្លាប់និងក្មេងស្រីម្នាក់បាត់ខ្លួន។
ការប្រកាសអាសន្ននេះ ធ្វើឡើងនៅចំពេលដែលដែនកោះនេះ នៅមិនទាន់កសាងប្រទេសឡើងវិញ ដែលត្រូវបំផ្លាញដោយព្យុះ Winston នៅខែកុម្ភៈដើមឆ្នាំនេះ។ ព្យុះWinston បានសម្លាប់មនុស្ស៤៤នាក់ និងធ្វើឲ្យមនុស្សច្រើនជាង៦ម៉ឺននាក់បាត់បង់លំនៅដ្ឋានព្រមទាំងបំផ្លាញហេដ្ឋារចនាសម្ព័ន្ធជាច្រើនថែមទៀត។
នៅថ្ងៃទី៦ ខែមេសា រដ្ឋាភិបាលកោះហ្វីជីចេញការណែនាំដល់ប្រជាជនកោះនេះដែលមានចំនួនជាង៩សែននាក់។ រដ្ឋាភិបាលហ្វីជីនិយាយថា ដើម្បីការពារសុវត្ថិភាពនិងសណ្ដាប់ធ្នាប់សាធារណៈ ប្រជាជនទាំងអស់ត្រូវតែស្ថិតក្នុងផ្ទះនិងថែរក្សាទ្រព្យសម្បត្តិខ្លួនឯង រហូតដល់ពេលមានព័ត៌មានបន្ថែម ខណៈដែលព្យុះកម្រិត៣ Zena កាន់តែជិតមកដល់ហើយនោះ។ ជាមួយគ្នានេះ អាកាសចរណ៍ Fiji International ក៏បានលុបចោលជើងហោះហើរអន្តរជាតិរបស់ខ្លួន ហើយសាលារឿនក៏ត្រូវបិទផងដែរ។
ទូរទស្សន៍សិង្ហបុរី Channel NewsAsia ផ្សាយថា ព្យុះស៊ីក្លូននេះ នឹងធ្វើដំណើរ១៧០គីឡូម៉ែតក្នុងមួយម៉ោង និងមកដល់ច្រាំងភាគខាងត្បូងនៃកោះVita Levu នៅព្រឹកថ្ងៃទី៧ ខែមេសា។ ប៉ុន្តែផ្លូវដំណើរនិងកម្លាំងរបស់ព្យុះនេះ មិនងាយនឹងទាយត្រូវនោះទេ ហើយអាចផ្លាស់ប្ដូរមិនទៀតទាត់នោះទេ។
ជាមួយគ្នានេះដែរ ទីភ្នាក់ងារមនុស្សធម៌របស់ UN ក៏បង្ហាញពីការព្រួយបារម្ភចំពោះកម្លាំងខ្យល់ដែលអាចបំផ្លាញដល់ជម្រកបណ្ដោះអាសន្ននិងអាគារ ដែលប៉ះពាល់ដោយព្យុះ Winston ។ មួយវិញទៀត ជាមួយនឹងកម្រិតទឹកភ្លៀង២០០មីលីម៉ែតក្នុងរយៈពេល២៤ម៉ោង ទឹកជំនន់ក៏អាចនឹងវាយប្រហារផងដែរ។
សូមបញ្ជាក់ថា ចាប់តាំងពីការវាយប្រហារដោយព្យុះWinston នៅខែកុម្ភៈ កោះហ្វីជីនៅមិនទាន់ងើបរួចពីមហន្តរាយនៅឡើយទេ។ ប្រជាជនជាច្រើនបានបាត់បង់ផ្ទះសំបែង និងស្នាក់នៅជម្រកបណ្ដោះអាសន្ន។ រដ្ឋាភិបាលកោះនេះ ក៏បានអំពាវនាវរកជំនួយរាប់លានដុល្លារពីបរទេស ដើម្បីស្ដារប្រទេសឡើងវិញ៕
Tag:
ហ្វីជី
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
