ជាតិ
សង្គមជាតិ
ក្រសួងអប់រំគ្រោងយកឈើដែលរដ្ឋផ្តល់ឲ្យទៅសង់ផ្ទះគ្រូតាមបណ្តាខេត្ត-រាជធានី
×
ក្រសួងអប់រំ យុវជន និងកីឡា បានប្រាប់ដល់ប្រធានមន្ទីរអប់រំ យុវជន និងកីឡា រាជធានី ខេត្ត ឲ្យរៀបចំសិក្សាការងារសាងសង់ផ្ទះគ្រូធ្វើពីឈើ។ ក្រសួងនឹងប្រើប្រាស់ឈើ ដែលរដ្ឋាភិបាលផ្តល់ឲ្យ ដើម្បីបំពេញតម្រូវការខ្វះខាតផ្ទះគ្រូបង្រៀនទូទាំងប្រទេស។
យោងតាមលិខិតផ្ញើទៅប្រធានមន្ទីរអប់រំ រាធានី ខេត្ត ក្រសួងអប់រំ ស្នើឲ្យបំពេញស្ថិតិគ្រឹះស្ថានមធ្យមសិក្សា ដែលមានតម្រូវការផ្ទះគ្រូ។ ក្នុងលិខិតចុះថ្ងៃទី៦ មេសា ក្រសួងបានបញ្ជាក់ថា ខ្លួននឹងរៀបចំសិក្សាការងារសាងសង់ផ្ទះគ្រូធ្វើអំពីឈើ ដោយប្រើឈើស្របតាមអនុសាសន៍របស់នាយករដ្ឋមន្ត្រី នាពេលកន្លងមក។ កាលពីថ្ងៃទី ៣១ មីនា ក្នុងពិធីបទសន្និបាតអប់រំ ប្រចាំឆ្នាំ២០១៥ របស់ក្រសួងអប់រំ លោកនាយករដ្ឋមន្ត្រី បានសម្រេចប្រគល់ឈើ ដែលបានរឹបអូសទាំងអស់ ទៅក្រសួងអប់រំ ដើម្បីប្រើប្រាស់ដើម្បីសង់សាលារៀន និងផ្ទះគ្រូ។
ក្រសួងបញ្ជាក់ថា ការស្រង់ស្ថិតិ គឺសម្រាប់តែគ្រូបង្រៀនណា ដែលមានតម្រូវការតែប៉ុណ្ណោះ ហើយសម្រាប់តែគ្រូបង្រៀនដែលមានផ្ទះឆ្ងាយសាលា និងមានបំណងស្នាក់នៅក្នុងផ្ទះគ្រូតែប៉ុណ្ណោះ។ ក្រសួងស្នើឲ្យប្រធានមន្ទីរអប់រំទាំងអស់ ត្រូវពិនិត្យ និងបំពេញស្ថិតិគ្រឹះស្ថានមធ្យមសិក្សា ដែលមានតម្រូវការផ្ទះគ្រូ រួចផ្ញើទៅនាយកដ្ឋានសំណង់ និងនាយកដ្ឋានមធ្យមសិក្សាចំណេះទូទៅ ឫតាមអ៊ីម៉ែល
.kh /
ឲ្យបានមុនថ្ងៃទី៧ មេសា ឆ្នាំ២០១៦ ជាកំហិត៕
© រក្សាសិទ្ធិដោយ thmeythmey.com