ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
លោក កែវ រ៉េមី ថា យុវជនថ្នាល I.T.F មួយចំនួនមានសមត្ថភាពល្អជាងអ្នកនៅអាមេរិក
11, Apr 2016 ,
3:34 pm
រូបភាព
×
ដោយ:
ថ្មីៗ
ថ្លែងក្នុងថ្ងៃបិទការប្រកួតកីឡាតេក្វាន់ដូ I.T.F ជ្រើសរើសជើងឯកប្រចាំក្លិបយុវជន ឆ្នាំ២០១៦ កាលពីថ្ងៃទី១០ ខែមេសា នៅពហុកីឡដ្ឋានជាតិ ប្រធានកិត្តិយសសហព័ន្ធកីឡាតេក្វាន់ដូ I.T.F កម្ពុជា លោក កែវ រ៉េមី បានប្រៀបធៀប និងកោតសរសើរដល់កីឡាករដែលទទួលបានចំណាត់ថ្នាក់លេខ១ និងលេខ២ នៃការប្រកួតពានរង្វាន់ជើងឯកប្រចាំក្លិបយុវជនថា មានសមត្ថភាពល្អជាងអ្នកមានខ្សែក្រវ៉ាត់ខ្មៅនៅសហរដ្ឋអាមេរិកមួយចំនួន។
លោក កែវ រ៉េមី ប្រធានកិត្តិយសសហព័ន្ធតេក្វាន់ដូ I.T.F កម្ពុជា បានកោតសរសើរ និងវាយតម្លៃខ្ពស់លើសមត្ថភាពរបស់កីឡាករកីឡាការិនីតេក្វាន់ដូ អាយធីអែហ្វ(ITF)ថ្នាលរបស់កម្ពុជាថា មានសមត្ថភាពល្អជាងអ្នកមានខ្សែក្រវ៉ាត់ខ្មៅនៅសហរដ្ឋអាមេរិកទៅទៀត បន្ទាប់ពីលោកបានទស្សនាការប្រកួតផ្ទាល់កាលពីថ្ងៃទី១០ ខែមេសា នៅពហុកីឡដ្ឋានជាតិ។
លោក កែវ រ៉េមី បានបញ្ចាក់ដូច្នេះថា៖«អ៊ំបានទស្សនាការប្រកួតដោយសប្បាយចិត្ត គឺញញឹម និងសើចដោយការពេញចិត្តទៅលើសមត្ថភាព និងបច្ចេកទេសរបស់កូនៗ ព្រោះកូនៗមានសមត្ថភាពល្អជាងអ្នកមានខ្សែក្រវាត់ខ្មៅនៅអាមេរិកាំងទៅទៀត។ អ៊ំ បានចូលរួមប្រឡូកនៅទីនោះច្រើនឆ្នាំដែរ ប៉ុន្តែពួកអាមេរិកកាំងមិនល្អដូចយើងនោះទេ គឺអ៊ុំសូមសរសើរកូនៗដោយស្មោះ»។
ទោះបីជាយ៉ាងនេះក្តី លោកប្រធានកិត្តិយសរូបនេះបានជំរុញឲ្យកីឡាករកីឡាការិនីដែលទទួលបានចំណាត់ថ្នាក់ល្អ និងមិនល្អទាំងអស់ត្រូវខិតខំប្រឹងប្រែងហ្វឹកហាត់បន្ថែមទៀត ដើម្បីត្រៀមប្រកួតជ្រើសរើសជើងឯកយុវជនថ្នាលអាយុក្រោម១៥ឆ្នាំ (I.T.F Future 2016) ដែលរៀបចំដោយសហព័ន្ធកីឡាតេក្វាន់ដូ អាច ធី អែហ្វ (I.T.F) នាថ្ងៃទី២៨ ដល់ទី២៩ ចុងខែឧសភា ខាងមុខនេះ។
បន្ទាប់ពីធ្វើការប្រកួតអស់រយៈពេលជាច្រើនថ្ងៃ វិញ្ញាសាប្រយុទ្ធកុមារាអាយុក្រោម១១ឆ្នាំ លេខ១បានទៅ បួន ចាន់ដារ៉ា លេខ២ សុភ័ក្រ ច័ន្ទឧត្តម លេខ៣ស្ទួនបានទៅ សុខ សុវណ្ណរិទ្ធិសាល និង ហាស់ វិច្ឆិកា។ រីឯការប្រកួតប្រយុទ្ធកុមារី លេខ១បានទៅ ដារិទ្ធ ពេជ្រវរល័ក្ខណ៍ លេខ២ ហួត គឹមសៀង និងលេខ៣ស្ទួនបានទៅ សារឹម ប៊ុណ្ណម៉ាណែត និង ម៉ី រុក្ខានាថ។
ចំណែកការប្រកួតកុមារអាយុ១១ឆ្នាំដល់១៤ឆ្នាំ លេខ១បានទៅ អូក ពុកដារ៉ា លេខ២ នុត ច័ន្ទសុធាវុធ ហើយលេខ៣ស្ទួន ស្រេង ស៊ីវហេង និង សារឹម វណ្ណមុនី។ រីឯការសម្តែងមេគុនកុមារាអាយុក្រោម១១ឆ្នាំ លេខ១បានទៅ កន លីរតនា លេខ២ ស្រេង ស៊ីវម៉េង និងលេខ៣ស្ទួន សុខ សុវណ្ណរិទ្ធិសាល។
ចំពោះការសម្តែងមេគុនកុមារាអាយុ១១ឆ្នាំដល់១៤ឆ្នាំ លេខ១បានទៅ ម៉ី រុក្ខានាថ លេខ២ ដារិទ្ធ ពេជ្រវរល័ក្ខណ៍ លេខ៣ស្ទួន ហួត គឹមគៀង និង ម៉ី វិមានរចនា រីឯសម្តែងមេគុនកុមារាអាយុ១១ឆ្នាំដល់១៤ឆ្នាំ លេខ១បានទៅ តាំង សៀសេង លេខ២ បួន ចាន់ថារ៉ាត់ ហើយលេខ៣ស្ទួនបានទៅ នុត ច័ន្ទសុធាវុធ និង សារឹម ប៊ុណ្ណមុនី។
ប្រធានសហព័ន្ធកីឡាតេក្វាន់ដូ អាយ ធី អែហ្វ កម្ពុជាលោក អ៊ុក រី ក៏បានសម្តែងការសាទរដល់លទ្ធផលនៃការប្រកួតនេះដែរដោយលោកបានថ្លែងថា៖«ខ្ញុំសូមចូលរួមលើកទឹកចិត្តដល់ក្មួយៗដែលបានចូលរួមប្រកួតនៅថ្ងៃនេះ។ បើទោះបីជាអ្នកខ្លះមិនបានលេខ១ គឺបានត្រឹមលេខ២ក្តី ប៉ុន្តែខ្ញុំមើលឃើញថា មានការរីកចម្រើនលើបច្ចេកទេស ហេតុនេះសូមលោកគ្រូ ប៉ាល់ ជីវ័ន្ត បន្តខិតខំប្រឹងប្រែងបង្ហាត់ ដើម្បីលើកទឹកចិត្តដល់ក្មេងៗទាំងនេះ ព្រោះពួកគេអាចឈានដល់ការប្រកួតស៊ីហ្គេម ឆ្នាំ២០២៣»៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
តេក្វាន់ដូ I.T.F
កែវ រ៉េមី
អ៊ុក រី
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
5 ថ្ងៃ
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
7 ថ្ងៃ
បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
14 ម៉ោង
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
2 ថ្ងៃ
អត្ថបទពេញនិយមបន្ថែម