ជាតិ
សង្គមជាតិ
សម្តេច ហ៊ុន សែន ចង់រាំបទរាំញីកែងជើងថ្ងៃនេះ
× សៀមរាប៖ ក្នុងពិធីប្រកាសបើកព្រឹត្តិការណ៍អង្គរសង្ក្រាន្ត សម្តេច ហ៊ុន សែន បាននិយាយថា សម្តេចចង់ «រាំបទញីកែងជើង» នៅថ្ងៃនេះ។ ក្នុងនោះដែរ សម្តេចសង្ឃឹមថា ភរិយារបស់សម្តេច នឹងទិញស្បែកជើងថ្មីឲ្យសម្តេចមួយគូ ទុកក្រែងសឹកកែងស្បែកជើង។
ក្រៅពីប្រកាសថា នឹងរាំបទញីកែងជើងនៅថ្ងៃនេះហើយនោះ ក្នុងនោះសម្តេចនាយករដ្ឋមន្ត្រី ហ៊ុន សែន ក៏បានប្រកាសថា នឹងចូលរួមរាំកម្សាន្តជាមួយសិល្បៈករ សិល្បៈការី និងប្រជាពលរដ្ឋខ្មែរ នៅទីលានផ្សាយផ្ទាល់របស់ព្រឹត្តិការណ៍អង្គរសង្ក្រាន្តផងដែរ។ យ៉ាងណាក៏ដោយ សម្តេច ហ៊ុន សែន មិនបានបញ្ជាក់ពីពេលវេលា និងទីតាំងណាមួយឲ្យជាក់លាក់នោះទេ។
បទ «រាំញីកែងជើង» របស់ផលិតកម្មហង្សមាសដែលច្រៀងដោយ ងួន ចាន់ដេវិត ទទួលប្រជាប្រិយភាពនាំមុខគេនាឱកាសបុណ្យចូលឆ្នាំថ្មីនេះ។ ទន្ទឹមនឹងការកោតសរសើរចំពោះការបង្កើតថ្មីនេះ មានអ្នកខ្លះរិះគន់ថា បទនេះ ចម្លងមកពីបទថៃ ប៉ុន្តែអ្នករិះគន់ទាំងនោះ មិនមានភស្តុតាងបង្ហាញនោះឡើយ។
© រក្សាសិទ្ធិដោយ thmeythmey.com