ជាតិ
មហាអំណាចចិនសម្ពោធរោងចក្រផលិតស្ករសនៅថ្ងៃនេះនៅខេត្តព្រះវិហារ
×
ភ្នំពេញ៖ ចិនជាប្រទេសវិនិយោគច្រើនជាងគេ និងផ្តល់ជំនួយច្រើនជាងគេនៅក្នុងប្រទេសកម្ពុជា។ នៅក្នុងរយៈពេលប៉ុន្មានឆ្នាំចុងក្រោយនេះ ប្រទេសចិនប្រជាមានិតបានវិនិយោគច្រើននៅក្នុងវិស័យកាត់ដេរ សំណង់ និងវិស័យកសិកម្ម។ នៅថ្ងៃស្អែក រោងចក្រចិនផលិតស្ករសពីទឹកអំពៅនឹងចាប់ផ្តើមដំណើការនៅក្នុងខេត្តព្រះវិហារ។
ក្រុមហ៊ុនចិនឈ្មោះ Rui Fen (Cambodia) international ចាប់ផ្តើមសម្ពោធរោងចក្រផលិតស្ករសពីទឹកអំពៅរបស់ខ្លួននៅក្នុងខេត្តព្រះវិហារហើយនៅថ្ងៃទី១៩ខែមេសាឆ្នាំ២០១៦នេះ។ សម្តេចនាយករដ្ឋមន្ត្រីអញ្ជើញចូលរួមពិធីសម្ពោធខាងលើនេះដែរ។ នេះបើយោងតាមប្រភពនានាដែលសារព័ត៌មានថ្មីៗទទួលបាន។
ការវិនិយោគលើរោងចក្រផលិតស្ករសនេះ ត្រូវបានគេវាយតម្លៃថា អស់ទឹកប្រាក់ប្រមាណជា៣៦០លានដុល្លារអាមេរិកជាមួយនឹងសមត្ថភាពផលិតកម្មចំនួន២០០០០តោនក្នុងមួយថ្ងៃ។ ទីផ្សារដែលធំជាងគេសម្រាប់ទីផ្សារស្ករសរបស់រោងចក្រចិននេះ គឺអាស៊ី និងអឺរ៉ុប៕
© រក្សាសិទ្ធិដោយ thmeythmey.com