អន្តរជាតិ
នយោបាយជាតិ
របបសឹកថៃ ហាមដាច់ខាតមិនឲ្យមានយុទ្ធនាការមុនថ្ងៃធ្វើប្រជាមតិរដ្ឋធម្មនុញ្ញថ្មីឡើយ
×![]()
សល់តែបួនខែទៀតតែប៉ុណ្ណោះ ថៃ នឹងរៀបចំការធ្វើប្រជាមតិលើសេចក្តីព្រាងរដ្ឋធម្មនុញ្ញថ្មីដែលរដ្ឋាភិបាលយោធាចាត់ទុកជាយន្តការមួយដើម្បីស្តារស្ថិរភាពនយោបាយថៃឡើងវិញ។ ទន្ទឹមនឹងនេះ របបសឹក បានហាមដាច់ខាតមិនឲ្យមានយុទ្ធនាការផ្សេងៗនៅក្នុងអំឡុងពេលនៃការរង់ចាំនៃប្រជាមតិនេះនោះទេ។
មន្ត្រីជាន់ខ្ពស់រដ្ឋាភិបាលថៃ នៅថ្ងៃទី១៩ ខែមេសានេះ អះអាងថា យុទ្ធនាការនឹងមិនត្រូវអនុញ្ញាតឲ្យធ្វើ នៅមុនខែសីហាដែលជាពេលនៃការធ្វើប្រជាមតិរដ្ឋធម្មនុញ្ញថ្មីឡើយ។ ជាមួយគ្នានេះ រដ្ឋាភិបាលយោធា ក៏ព្រមានអ្នករិះគន់មួយចំនួនដែលកំពុងតែបញ្ជ្រាបឥទ្ធិពលរបស់ខ្លួនក្នុងការបោះឆ្នោតប្រជាមតិនោះ។
«កុំធ្វើយុទ្ធនាការ, កុំព្យាយាមបញ្ចេញអនុភាពលើការធ្វើប្រជាមតិ។ ទុកឲ្យប្រជាជនជាអ្នកសម្រេច»។ នេះគឺជាការលើកឡើងរបស់លោកឧបនាយករដ្ឋមន្ត្រីនិងជារដ្ឋមន្ត្រីការពារជាតិថៃPrawit Wongsuwan ដែលបានដកស្រង់ដោយភ្នាក់ងារព័ត៌មាន Reuters ដែលបានបន្ថែមដែរថា អ្នកដែលមិនពេញចិត្តចំពោះរដ្ឋធម្មនុញ្ញ ចាំបោះឆ្នោតសម្រេចនៅពេលនោះចុះ។
ទាក់ទិននឹងបញ្ហានេះដែរ ថ្មីៗនេះលោកនាយករដ្ឋមន្ត្រី ប្រាយុទ្ធ ច័ន្ទ អូចា ដែលបានឡើងកាន់អំណាច តាមរយៈរដ្ឋប្រហារយោធាថ្ងៃទី២២ ខែឧសភា ឆ្នាំ២០១៤ ក៏បានប្រតិកម្មជាមួយនឹងបក្សនយោបាយ ដែលបានជំទាស់ទៅនឹងសេចក្តីព្រាងរដ្ឋធម្មនុញ្ញនោះផងដែរ។ លោក ថា លោក មិនអើពើនឹងការតវ៉ារបស់បក្សនយោបាយដែលមិនសប្បាយចិត្តនឹងរដ្ឋធម្មនុញ្ញថ្មីដែលបានធ្វើរួចរាល់ហើយនោះទេ។
សូមរម្លឹកផងដែរថា នៅថ្ងៃទី២៩ ខែមីនាកន្លងទៅ គណៈកម្មាធិការព្រាងរដ្ឋធម្មនុញ្ញ បានប្រកាសថា ថៃ នឹងរៀបចំការធ្វើប្រជាមតិជាតិមួយលើសេចក្តីព្រាងច្បាប់រដ្ឋធម្មនុញ្ញថ្មីនៅថ្ងៃទី០៧ ខែសីហាខាងមុខនេះដើម្បីស្ទង់មតិប្រជាជនថៃថាតើសេចក្តីព្រាងនោះសមស្រប និងគ្រប់ជ្រុងជ្រោយដែរឬយ៉ាងណា។ សេចក្តីព្រាងច្បាប់ថ្មីនោះគឺជាសេចក្តីព្រាងលើកទី២ដែលធ្វើឡើងក្រោមការដឹកនាំប្រទេសដោយលោកនាយករដ្ឋមន្ត្រីប្រាយុទ្ធ ច័ន្ទ អូចា។ សេចក្តីព្រាងលើកទី១ ត្រូវបានបរាជ័យកាលពីចុងឆ្នាំ២០១៥កន្លងទៅ ដ្បិតសភាជំទាស់។ បើសេចក្តីព្រាងច្បាប់លើកទី២នេះ អាចទទួលបានការគាំទ្រច្រើនពីប្រជាជន នោះសេចក្តីព្រាងនឹងក្លាយជារដ្ឋធម្មនុញ្ញទី២០ក្នុងអាយុកាលនៃលទ្ធិប្រជាធិបតេយ្យថៃ៨៤ឆ្នាំ៕
មន្ត្រីជាន់ខ្ពស់រដ្ឋាភិបាលថៃ នៅថ្ងៃទី១៩ ខែមេសានេះ អះអាងថា យុទ្ធនាការនឹងមិនត្រូវអនុញ្ញាតឲ្យធ្វើ នៅមុនខែសីហាដែលជាពេលនៃការធ្វើប្រជាមតិរដ្ឋធម្មនុញ្ញថ្មីឡើយ។ ជាមួយគ្នានេះ រដ្ឋាភិបាលយោធា ក៏ព្រមានអ្នករិះគន់មួយចំនួនដែលកំពុងតែបញ្ជ្រាបឥទ្ធិពលរបស់ខ្លួនក្នុងការបោះឆ្នោតប្រជាមតិនោះ។
«កុំធ្វើយុទ្ធនាការ, កុំព្យាយាមបញ្ចេញអនុភាពលើការធ្វើប្រជាមតិ។ ទុកឲ្យប្រជាជនជាអ្នកសម្រេច»។ នេះគឺជាការលើកឡើងរបស់លោកឧបនាយករដ្ឋមន្ត្រីនិងជារដ្ឋមន្ត្រីការពារជាតិថៃPrawit Wongsuwan ដែលបានដកស្រង់ដោយភ្នាក់ងារព័ត៌មាន Reuters ដែលបានបន្ថែមដែរថា អ្នកដែលមិនពេញចិត្តចំពោះរដ្ឋធម្មនុញ្ញ ចាំបោះឆ្នោតសម្រេចនៅពេលនោះចុះ។
ទាក់ទិននឹងបញ្ហានេះដែរ ថ្មីៗនេះលោកនាយករដ្ឋមន្ត្រី ប្រាយុទ្ធ ច័ន្ទ អូចា ដែលបានឡើងកាន់អំណាច តាមរយៈរដ្ឋប្រហារយោធាថ្ងៃទី២២ ខែឧសភា ឆ្នាំ២០១៤ ក៏បានប្រតិកម្មជាមួយនឹងបក្សនយោបាយ ដែលបានជំទាស់ទៅនឹងសេចក្តីព្រាងរដ្ឋធម្មនុញ្ញនោះផងដែរ។ លោក ថា លោក មិនអើពើនឹងការតវ៉ារបស់បក្សនយោបាយដែលមិនសប្បាយចិត្តនឹងរដ្ឋធម្មនុញ្ញថ្មីដែលបានធ្វើរួចរាល់ហើយនោះទេ។
សូមរម្លឹកផងដែរថា នៅថ្ងៃទី២៩ ខែមីនាកន្លងទៅ គណៈកម្មាធិការព្រាងរដ្ឋធម្មនុញ្ញ បានប្រកាសថា ថៃ នឹងរៀបចំការធ្វើប្រជាមតិជាតិមួយលើសេចក្តីព្រាងច្បាប់រដ្ឋធម្មនុញ្ញថ្មីនៅថ្ងៃទី០៧ ខែសីហាខាងមុខនេះដើម្បីស្ទង់មតិប្រជាជនថៃថាតើសេចក្តីព្រាងនោះសមស្រប និងគ្រប់ជ្រុងជ្រោយដែរឬយ៉ាងណា។ សេចក្តីព្រាងច្បាប់ថ្មីនោះគឺជាសេចក្តីព្រាងលើកទី២ដែលធ្វើឡើងក្រោមការដឹកនាំប្រទេសដោយលោកនាយករដ្ឋមន្ត្រីប្រាយុទ្ធ ច័ន្ទ អូចា។ សេចក្តីព្រាងលើកទី១ ត្រូវបានបរាជ័យកាលពីចុងឆ្នាំ២០១៥កន្លងទៅ ដ្បិតសភាជំទាស់។ បើសេចក្តីព្រាងច្បាប់លើកទី២នេះ អាចទទួលបានការគាំទ្រច្រើនពីប្រជាជន នោះសេចក្តីព្រាងនឹងក្លាយជារដ្ឋធម្មនុញ្ញទី២០ក្នុងអាយុកាលនៃលទ្ធិប្រជាធិបតេយ្យថៃ៨៤ឆ្នាំ៕
Tag:
ថៃ
សេចក្តីព្រាងរដ្ឋធម្មនុញ្ញ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ថ្ងៃ
