សុខភាព
អន្តរជាតិ
×![]()
ដោយ: ធីតា
នៅក្នុងតំបន់ Chongqing ប្រទេសចិន អ្នកស្រី Li Juhong បានជួយសង្គ្រោះមនុស្សជិត៦០០០នាក់ហើយ។ ស្រីពិការជើងទាំងសងខាងវ័យ៣៧ឆ្នាំ រូបនេះ ធ្វើជាគ្រូពេទ្យនៅជនបទអស់រយៈពេល១៥ឆ្នាំមកហើយ ដោយគាត់ផ្លាស់ទីដោយរទេះរុញ កៅអី និងជំនួយពីអ្នកផ្សេង។
នៅវ័យ៤ឆ្នាំ Li Juhong បានជួបគ្រោះថ្នាក់ចរាចរណ៍ដែលបណ្តាលឲ្យគាត់ដាច់ជើងទាំងពីរ។ យោងតាមកាសែ តចិន People’ s Daily Online កុមារី Li បានប្រឹងប្រែងតស៊ូរដោយប្រើប្រាស់ដៃទាំងពីរជំនួសជើង ហើយបន្ទាប់មក រៀនប្រើប្រាស់ឈើច្រត់។ បើទោះបីធ្លាក់ខ្លួនពិការក៏ដោយ Li មិនដែលបោះបង់ក្តីស្រមៃក្នុងការក្លាយជាគ្រូពេទ្យនោះឡើយ។
នាឆ្នាំ២០០០ Li បានវិលត្រឡប់ទៅភូមិកំណើតវិញ បន្ទាប់រៀនចប់នៅមហាវិទ្យាល័យ ដើម្បីប្រកបរបរជាគ្រូពេទ្យដើម្បីព្យាបាលជំងឺ។ អ្នកភូមិប្រមាណ១០០០នាក់ ដែលភាគច្រើនមនុស្សចំណាស់ សុទ្ធតែទទួលបាននូវសេវាព្យាបាលពីសំណាក់អ្នកស្រី Li។
ការងារដ៏មមាញឹក និងធ្ងន់ធ្ងររបស់ Li អាចដើរទៅមុខបាន ក៏ដោយសារតែមានការជួយជ្រោមជ្រែងពីសំណាក់លោក Xing ដែលជាស្វាមីផងដែរ។ លោក Xing បានអះអាងថា លោកសុខចិត្តលាឈប់ពីការងារដើម្បីជួយដល់ភរិយានៅពេលដែលគាត់ត្រូវទៅជួបអ្នកជំងឺ។
Li បានប្រាប់ People’ s Daily Online ថា គាត់ពេញចិត្តខ្លាំងណាស់ចំពោះការងាររបស់ខ្លួនដែលបានជួយព្យាបាលមនុស្សរហូតដល់ជិត៦០០០នាក់។ គាត់អះអាងថា៖ «ខ្ញុំគិតថានេះជាកិច្ចការដែលខ្ញុំត្រូវធ្វើ។ បើទោះបីជាមានបញ្ហាមួយចំនួនក៏ដោយ ប៉ុន្តែខ្ញុំមិនបោះបង់ការងារជាគ្រូពេទ្យនៅជនបទនោះឡើយ»៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
