លោក ប្រាក់ សុខុន នឹងចូលរួមកិច្ចប្រជុំរដ្ឋមន្ត្រីការបទេសលើកទី៥ នៅប៉េកាំង ប្រទេសចិន

ជាតិ

លោក ប្រាក់ សុខុន នឹងចូលរួមកិច្ចប្រជុំរដ្ឋមន្ត្រីការបទេសលើកទី៥ នៅប៉េកាំង ប្រទេសចិន

23, Apr 2016 , 9:00 pm

រូបភាព

ដោយ: សារព័ត៌មានថ្មីៗ

ភ្នំពេញ៖ រដ្ឋមន្ត្រីក្រសួងការបរទេស និងសហប្រតិបត្កិការអន្តរជាតិ លោក ប្រាក់ សុខុន នឹងចាក ចេញពីប្រទេសកម្ពុជា ទៅប្រទេសចិន ចូលរួមកិច្ចប្រជុំរដ្ឋមន្ត្រីការបទេសលើកទី៥ ចាប់ពីថ្ងៃទី ២៧ ដល់ ២៨ ខែមេសា ឆ្នាំ២០១៦ នៅទីក្រុងប៉េកាំង។

បើតាមសេចក្តីប្រកាសព័ត៌មានក្រសួងការបរទេស ចុះថ្ងៃទី២២ ខែមេសា ឆ្នាំ២០១៦នេះ លោក ប្រាក់ សុខុន នឹងចូលរួមកិច្ចប្រជុំរដ្ឋមន្ត្រីការបទេសលើកទី៥ ដែលនឹងប្រព្រឹត្តឡើង រយៈពេលពីរថ្ងៃ នៅទីក្រុងប៉េកាំង តបតាមការអញ្ជើញរបសលោក វ៉ាង យី រដ្ឋមន្ត្រីការបរទេសចិន។

តាមក្រសួងការបទេស កិច្ចប្រជុំនេះ នឹងផ្តោតលើកាពង្រឹងគ្នាទៅវិញទៅមករវាងសន្តិសុខ និងការអភិវឌ្ឍន៍ ការបង្កើនកិច្ចសហប្រតិបត្តិការអន្តរជាតិ ស្តីពិ ការប្រយុទ្ធប្រឆាំងអំពើភេរវកម្ម និងការអនុវត្តន៍វិធានការកសាងទំនុកចិត្តក្នុងក្របខ័ណ្ឌនានា នៃសន្និសីទអន្តរសកម្មភាព និងវិធានការកសាងទំនុកចិត្ត នៅអាស៊ី។

ព្រមជាមួយគ្នា បើតាមសេចក្តីប្រកាសព័ត៌មានក្រសួងការបរទេស កិច្ចប្រជុំនេះ គ្រោងនឹងអនុម័តលើសេចក្តីថ្លែងការណ៍នៃកិច្ចប្រជុំរដ្ឋមន្ត្រីការបរទេសលើកទី៥ នៃសន្និសីទអន្តរសកម្មភាព និងវិធានការកសាងទំនុកចិត្ត នៅអាស៊ី ផងដែរ។

បើតាមក្រសួងការបរទេស សន្និសីទអន្តរសកម្មភាព និងវិធានការកសាងទំនុកចិត្ត នៅអាស៊ី គឺជាវេទិកាអន្តររដ្ឋាភិបាលសម្រាប់បង្កើនកិច្ចសហប្រតិបត្តិការឆ្ពោះទៅរកការជំរុញសន្តិភាព សន្តិសុខ និងស្ថេរភាពនៅអាស៊ី។ សន្និសីទនេះ ត្រូវបានបង្កើតឡើង នៅថ្ងៃទី១៤ ខែកញ្ញា ឆ្នាំ១៩៩៩ ។ សន្និសីទនេះ មានរដ្ឋសមាជិកចំនួន២៦ រដ្ឋសង្កេតការណ៍ចំនួន ៧ និងអង្គការសង្កេតការណ៍ចំនួន ៤ ៕