អន្តរជាតិ
ប្រទេសមហាអំណាចយោធាដ៏រឹងមាំទាំង២០លើលោក៖ អាមេរិក រុស្ស៊ី ចិន ជប៉ុន ឥណ្ឌា...
×![]()
ដោយ: ធីតា
សហរដ្ឋអាមេរិក រុស្ស៊ី និងចិន គឺជាប្រទេសដែលមានកម្លាំងយោធាដ៏រឹងមាំ ទាំងធនធានហិរញ្ញវត្ថុ ធនធានមនុស្ស សព្វាវុធ និងមធ្យោបាយផ្សេងៗ ។ នេះបើតាមការចាត់ថ្នាក់របស់ភ្នាក់ងារ Credit Suisse ដែលមានមូលដ្ឋាននៅក្នុងទីក្រុងហ្សួរិច។ 
ការចាត់ចំណាត់ថ្នាក់ផ្អែកទៅលើកត្តាសំខាន់ៗចំនួន៦ ដែលក្នុងនោះ មាន កងកម្លាំងដែលប្រតិបត្តិការផ្ទាល់ (៥ភាគរយនៃពិន្ទុសរុប) រថក្រោះ (១០ភាគរយ) ឧទ្ធម្ភាគចក្រចម្បាំង (១៥ភាគរយ) យន្តហោះយោធា (២០ភាគរយ) នាវាផ្ទុកយន្តហោះ (២៥ភាគរយ) និងនាវាមុជទឹក (២៥ភាគរយ)។
ប្រទេសទាំង២០ដែលជាមហាអំណាចយោធាលើពិភពលោករួមមាន៖
១. សហរដ្ឋអាមេរិក៖ ថវិកា៦០១ពាន់លានដុល្លាអាមេរិក, កម្លាំងសកម្ម ១ ៤០០ ០០០នាក់ រថក្រោះ ៨៨៤៨គ្រឿង យន្តហោះសរុប ១៣៨៩២គ្រឿង នាវាមុជទឹក ៧២គ្រឿង។
២. រុស្ស៊ី៖ ថវិកា៨៤,៥ពាន់លានដុល្លាអាមេរិក, កម្លាំងសកម្ម ៧៦៦ ០៥៥នាក់ រថក្រោះ ១៥៣៩៨គ្រឿង យន្តហោះសរុប ៣៤២៩គ្រឿង នាវាមុជទឹក ៥៥គ្រឿង។
៣.ចិន ៖ ថវិកា២១៦ពាន់លានដុល្លាអាមេរិក, កម្លាំងសកម្ម ២ ៣៣៣ ០០០នាក់ រថក្រោះ ៩១៥០គ្រឿង យន្តហោះសរុប ២៨៦០គ្រឿង នាវាមុជទឹក ៦៧គ្រឿង។
៤. ជប៉ុន ៖ ថវិកា៤១,៦ពាន់លានដុល្លាអាមេរិក, កម្លាំងសកម្ម ២៤៧ ១៧៣នាក់ រថក្រោះ ៦៧៨គ្រឿង យន្តហោះសរុប ១៦១៣គ្រឿង នាវាមុជទឹក ១៦គ្រឿង។
៥. ឥណ្ឌា៖ ថវិកា៥០ពាន់លានដុល្លាអាមេរិក, កម្លាំងសកម្ម ១ ៣២៥ ០០០នាក់ រថក្រោះ ៦៤៦៤គ្រឿង យន្តហោះសរុប ១៩០៥គ្រឿង នាវាមុជទឹក ១៥គ្រឿង។
៦. បារាំង៖ ថវិកា៦២,៣ពាន់លានដុល្លាអាមេរិក, កម្លាំងសកម្ម ២០២ ៧៦១នាក់ រថក្រោះ ៤២៣គ្រឿង យន្តហោះសរុប ១២៦៤គ្រឿង នាវាមុជទឹក ១០គ្រឿង។
៧. កូរ៉េខាងត្បូង៖ ថវិកា៦២,៣ពាន់លានដុល្លាអាមេរិក, កម្លាំងសកម្ម ៦២៤ ៤៦៥នាក់ រថក្រោះ ២៣៨១គ្រឿង យន្តហោះសរុប ១៤១២គ្រឿង នាវាមុជទឹក ១៣គ្រឿង។
៨. អ៊ីតាលី៖ ថវិកា៣៤ពាន់លានដុល្លាអាមេរិក, កម្លាំងសកម្ម ៣២០ ០០០នាក់ រថក្រោះ ៥៨៦គ្រឿង យន្តហោះសរុប ៧៦០គ្រឿង នាវាមុជទឹក ៦គ្រឿង។
៩. ចក្រភពអង់គ្លេស៖ ថវិកា៦០,៥ពាន់លានដុល្លាអាមេរិក, កម្លាំងសកម្ម ១៤៦ ៩៨០នាក់ រថក្រោះ ៤០៧គ្រឿង យន្តហោះសរុប ៩៣៦គ្រឿង នាវាមុជទឹក ១០គ្រឿង។
១០.តួកគី៖ ថវិកា១៨,២ពាន់លានដុល្លាអាមេរិក, កម្លាំងសកម្ម ៤១០ ៥០០នាក់ រថក្រោះ ៣៧៧៨គ្រឿង យន្តហោះសរុប ១០២០គ្រឿង នាវាមុជទឹក ១៣គ្រឿង។
១១.ប៉ាគីស្ថាន៖ ថវិកា៧ពាន់លានដុល្លាអាមេរិក, កម្លាំងសកម្ម ៦១៧ ០០០នាក់ រថក្រោះ ២៩២៤គ្រឿង យន្តហោះសរុប ៩១៤គ្រឿង នាវាមុជទឹក ៨គ្រឿង។
១២.អេហ្ស៊ីប៖ ថវិកា៤,៤ពាន់លានដុល្លាអាមេរិក, កម្លាំងសកម្ម ៤៦៨ ៥០០នាក់ រថក្រោះ ៤៦២៤គ្រឿង យន្តហោះសរុប ១១០៧គ្រឿង នាវាមុជទឹក ៤គ្រឿង។
១៣.តៃវ៉ាន់៖ ថវិកា១០,៧ពាន់លានដុល្លាអាមេរិក, កម្លាំងសកម្ម ២៩០ ០០០នាក់ រថក្រោះ ២០០៥គ្រឿង យន្តហោះសរុប ៨០៤គ្រឿង នាវាមុជទឹក ៤គ្រឿង។
១៤.អ៊ីស្រាអែល៖ ថវិកា១៧ពាន់លានដុល្លាអាមេរិក, កម្លាំងសកម្ម ១៦០ ០០០នាក់ រថក្រោះ ៤១៧០គ្រឿង យន្តហោះសរុប ៦៨៤គ្រឿង នាវាមុជទឹក ៥គ្រឿង។
១៥. អូស្ត្រាលី៖ ថវិកា២៦,១ពាន់លានដុល្លាអាមេរិក, កម្លាំងសកម្ម ៥៨ ០០០នាក់ រថក្រោះ ៥៩គ្រឿង យន្តហោះសរុប ៤០៨គ្រឿង នាវាមុជទឹក ៦គ្រឿង។
១៦. ថៃ៖ ថវិកា៥,៣៩ពាន់លានដុល្លាអាមេរិក, កម្លាំងសកម្ម ៣០៦ ០០០នាក់ រថក្រោះ ៧២២គ្រឿង យន្តហោះសរុប ៥៧៣គ្រឿង គ្មាននាវាមុជទឹក ។
១៧. ប៉ូឡូញ៖ ថវិកា៩,៤ពាន់លានដុល្លាអាមេរិក, កម្លាំងសកម្ម ១២០ ០០០នាក់ រថក្រោះ ១០០៩គ្រឿង យន្តហោះសរុប ៤៦៧គ្រឿង នាវាមុជទឹក ៥គ្រឿង។
១៨.អាល្លឺម៉ង់៖ ថវិកា៤០,២ពាន់លានដុល្លាអាមេរិក, កម្លាំងសកម្ម ១៧៩ ០៤៦នាក់ រថក្រោះ ៤០៨គ្រឿង យន្តហោះសរុប ៦៦៣គ្រឿង នាវាមុជទឹក ៤គ្រឿង។
១៩.ឥណ្ឌូនេស៊ី៖ ថវិកា៦,៩ពាន់លានដុល្លាអាមេរិក, កម្លាំងសកម្ម ៤៧៦ ០០០នាក់ រថក្រោះ ៤៦៨គ្រឿង យន្តហោះសរុប ៤០៥គ្រឿង នាវាមុជទឹក ២គ្រឿង។
២០.កាណាដា៖ ថវិកា១៥,៧ពាន់លានដុល្លាអាមេរិក, កម្លាំងសកម្ម ៩២ ០០០នាក់ រថក្រោះ ១៨១គ្រឿង យន្តហោះសរុប ៤២០គ្រឿង នាវាមុជទឹក ៤គ្រឿង៕
Tag:
មហាអំណាចយោធា
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
